خولة خربوش _ يا زهري
https://youtu.be/aFNYWBWgMyo
بلاما نخمم و نعقل شديت طريق طويل
تايه فالصحاري نقلب بالفتيلة و القنديل
حيت الزهر مكاينش مصاب لو كان قليل
كنشوف انا راسي ماشي بحال الناس
سعدي ديما راقد و غارق فالنعاس
هادي هي النقطة اللي فيضات الكاس
ا زهري لا كنتي وردة ف يدي نقطرك ، لا كنتي صوف نغزلك و الا كنتي
حتا جن عند الطلبة نحضرك
خايف انا نموت و ما نلقى زهري
خايف يكون حدايا و نعطيه بضهري
و الا كيشوفني غالي نرخص ليه مهري
هاد الحكاية معرفتهاش باش غتسالي
واش نكمل فطريقي و لا نرضى باللي مقسومة لي
و ما دام ربي كاين عمر غيري ما يدي ديالي
ا زهري لا كنتي وردة ف يدي نقطرك ، لا كنتي صوف نغزلك و الا كنتي
حتا جن عند الطلبة نحضرك