موضوع للنقاش المسلسلات التركية
السلام عليكم خوتي كيدايرات كيدايرين؟ لباس عليكم؟
اليوم بغيت نطرح واحد الموضوع للنقاش
لموضوع ديالنا عن المسلسلات التركية قبل مانبدى غنعاود ليكم شنو وقع لي مع واحد المرا ههههههه
وتصورو مرة مشيت نزور واحد المرا دخلت مع بداية مسلسل خلود ههههههه والله هي في عمر امي او اكبر ماعرفت كيفاش سلمت علي وبالزربة للتلفاز
وانا يعني الي ضيفة نسولها كيدايرة لباس داري لباس؟......... زعما على نيتي
وهي تقول لي سمعي ابنتي ماشي مابغيتك تجي عندي ولكن مرة اخرى الى بغيتي تجي جي فوقت غير وقت خلود هههههههه
قالت والله عيب نخليك دبا مانهضر معك حيت بغيت نركز مع خلود والى هضرت معك غيمشي لياخلود وى ابنتي سكتي تا يكمل خلود ونهضرو هههههههههه
وانا نموت بالضحك قلت ليها تا نتي اخالتي مدمنة خلود واش كتفهمي بعدا اش كيقولو؟ ههههههههههه
اوى اظطررت ان اكون صم بكم عمي حتى تدوز ديك 45 دقيقة عاد رجعت خالتي الحاجة باش تفكر كرم الضيف هههههههههههه
وتصورو معايا انا من ديما كنخرج فالعشية نتمشى وكنلقى برا عامر عيالات كيتمشاو تا هما تا يدخل وقت صلات المغرب كل وحدة تدل دارها
ولكن دبا لا كتلقى العيالات الكبيرات في السن كيخرجو مورا العصر يتمشاو ساعة ولا ساعتين وكل وحدة بح <<بالسلامة عليكم راه خلود غتبدا مابغيت تفوتني ههههه
والله اضحك يما يا خالتي الله يهديك تا نتي كتشوفي خلود؟ <<<<< وايه ابنتي تبليت بها صافي بالسلامة راه غتبدا دبا ..... الله يعاونك اخالتي سيري
اوى دبا نرجعو لموضوعنا
زعم شفنا الاقبال من وطننا العربي على هاد المسلسلات التركية
دبا سؤالي ليكم نتوما يا مزعوطات ويا مزاعيط
واش كتعجبكم ديك النوعية من المسلسلات؟
واش نتوما كتابعوها؟
الى كنتم من متابعيها قولو لي شنو شدكم يها والي خلاكم تابعوها؟
يمكن تكون قصة المسلسل او اعجاب بالممثلين او حاجة اخرى
باختصار كتب لينا رأيك في المسلسلات التركية؟؟؟
كنتمنى التفاعل منكم باش نشوفو رأي كل واحد ووحدة
تهلاو
__________________
لو عرفت قدر نفسك عند الله ما أهنتها بالمعاصي
انما أبعدنا ابليس اذ لم يسجد لك وأنت في صلب أبيك
فوا عجبا كيف صالحته وتركتنا
ربي اغفر لي ذنبي فانه لا يغفر الذنوب الا انت