رد: ودع اليأس وسافر مغربي
السلام عليكم ورحمة الله وبركاته
أولا حمدلله على سلامتـــــــكم
ثانيا
صباح الخير عليكم تحياتي لكم جميع
انا توني جاي من المغرب وطولت فيها ولحالي يعني المفروض اصرف اكثر منكم وجوي عليل وكنت في اغادير ما طلعت منها يا اخوان والله العظيم اني اصرف صرف بالهبل لكن ما وصلت صرفكم
بختصار لي كسر ظهركم السكن سفرتكم راحت نص الفلوس سكن واللي يروح المغرب ويقول راعي المغرب المفروض ما يسكن في الاماكن هذي خصوصا اغادير كنصيحه مني لكم
اماديل - صحاري - مارينا
الكل عارف ان ادارة اماديل والمارينا هي وحده وانا شخصيا اعرف مديرهم وقمة تلاعب في الاسعار وللمعلوميه الأن في فندق ثاني راح ينضم لهذي الفنادق راح يكون الدعوه فيها مسموح بشرط ان سعره يرتفع دبل
وسمع اذني لما كان يكلمهم ..
بختصار اللي يروح اغادير يسكن في شقه ولي يقول لك شقة ينمسك فيها احد اقوله ما عندك سالفه وخلك في المارينا ولا في صحاري ازيدك من شعر بيت وحطها في بالك انت واي شخص يسافر اي مكان فيه خليجيين ابعد عنه ترتاح من السعر ومن الضجه انا سكنت في المارينا بسفرتي الاخيره ما صار لي راجع قبل اربع ايام سعرهم 1500 درهم لليلة سلامااااااااااات سكنت يوم واحد وقلت السلامه وسكنت في شقه في ارقى حي وقريب مني الأمن الوطني
اقرب الشر تأمن خخخخخخخخخخخخ
عماره كلها اجانب انا الوحيد فيها سعودي ويعلم الله اني حطيت موضوع امس وتفاجئت من الاداره حذفته حطيت لكم الشقه وكان لي شروط ومبلغها باليوم الف درهم ولا حد درا عنك...
اللي حذف الموضوع يفكرني ابي مصلحه من شقه او يجيني فلوس والله ما يجيني غير ذنوب هههههههههه
بنسبة للي في المطار اول مانزلت قال اكراميه قلت ابشررر على طول اتصلت بسفاره قلت لهم ما نحطيتو هنا الا لخدمتنا وانا كل ما اجي المغرب اذونا في الاكراميات قال خلك عندهم دقيقتين ونتصل فيك تصل فيني قال الان يجيك مسؤل المطار وفعلا جاني قال الاخ فلان قلت نعم امرني قلت يا خي مايصير واجهة دولة والشرطي يشحذ قال احنى اسفين وراح نهتم في الموضوع ما كان له داعي تتصل بسفاره قلت الا اتصل لان الموضوع زاد عن حده .. طلعت من كازا لأغادير نزلت المطار قالي واحد تيشرت حقك حلو ممكن قلت له وش تبي بعين قويه قال فلوس كذااااااا قلت ابشر واحلى اتصال للسفاره مرحبا قلت انا فلان قال قبل ساعتين اتصلت قلت نعم في واحد يبي فلوس ابلشني
قال خلك عنده وجاني مسؤل ونفس الحكايه .... لا تعطونهم ولا درهم واتصلو بسفاره ترا سفاره تبي احد يتصل عليها والله ما يقصرون ..