اقتباس:
السلام عليكم ورحمة الله وبركاته
وعليكم السلام ورحمة الله وبركاتة,,,
اقتباس:
اعلم انني مقصر بحق هذا المنتدى ولكن السبب في ذلك يعود لأنني لم ازر المغرب الى الآن
مقصر وبقوة اخوي عبدالرحمن: (92):,,,يارجل وين اختفيت لاحس ولاخبر,,,لك وحشة ياغالي,,,اجل ان شاء الله خلاص عزمت على الرحيل والتجربة,,,وان شاء الله تكون تجربة ممتازة وتنبسط,,,
اقتباس:
الوصول يوم الثلاثاء الساعة ١١ مساءا لمطار محمد الخامس على الخطوط المصرية
بكم اخذت التذكرة؟ وماهي درجتها؟ وهل هي مرنة في التعديل او انها لابد من السفر في نفس وقتها؟ ومن وين قصيتها؟
اقتباس:
وأرغب ان انام هذي الليل في كازا وزيارة البلاك هاوس ولكن لا أعرف فنادق رخيصة ونظيفة قريبة من البلاك هاوس.
عندك فندق كنزي بسمة نظيف وقريب من البلاك ووضعة اوكة وسعرة ب 720 الى 800 درهم,,,
اقتباس:
وودي لو قلتوا لي احسن مطعم للغداء في كازا لليوم الثاني
عندك منطقة اسمها البلدية وسط كازا,,,فيها مطاعم للشواء بطريقة مغربية,,,وتاخذ اللحم من الجزارين اللي مقابل المطاعم وتروح للمطعم يشويها لك,,,وتقدر تطلب من المطعم بعض الاصناف الجانبية كالسلطات والبطاطس او طواجن اذا كان لديهم,,,وبصراحة انصحك فيه في المقام الاول لانها منطقة للاكل المغربي الشعبي اللذيذ وخصوصا الشواء,,,ومن بعدها يجيك منطقة البطوار نفس النظام,,,بس البلدية تعتبر افضل,,,واذا انت من هواة المطاعم الشامية عندك مطعم كانون,,,واذا انت تحب الشاورما عندك مطعم علاء الدين,,,
اقتباس:
يوم الاربعاء ماشي إلى مكناس بالقطار والسكن في فندق الزاكي حسب ما ذكر لي انه الأفضل في مكناس واتمنى منكم تصححون لي هالمعلومة اذا هو الافضل او في غيره من ناحية دخول الضيوف وياليت الاسعار.
من الاربعاء الى الأحد وانا في مكناس وودي تعلموني وش أفضل اماكن السهر فيها بحكم اني ابسهر فيها الاربعاء والخميس والجمعة والسبت وياليت تدلوني على المطاعم والكوفيهات الحلوه في مكناس.
والله مأقدر افتيك فيها,,,بس ان شاء الله احد يجيك ويفيدك,,,بس اخوي عبدالرحمن انت رايح لها على أي أساس,,,هل عندك احد هناك,,,او انك تبي تجربها كذا؟ لاني بصراحة مانصحك تروح لها مادامك اول مرة ولاتفهم فيها شي,,,فالافضل تبقى بكازا لان كازا عامرة باللي تبية,,,وانت ابخص,,,
اقتباس:
الاحد ماشي لطنجه بالقطار وبصراحه طنجه ما اعرف فيها شي وودي تقولون لي وين اسكن واهم شي يكون امان ونظيف والضيوف ما يتمشكل معاهم وودي بعد بأماكن السهر والكوفيهات.
بخصوص طنجة عندك عمدة المزاعيط احمدات حاط عرض بخصوص شقق في طنجة ووضعها اوكية,,,وان شاء الله انه يفيدك,,,
أخوي عبدالرحمن اللي اشوفها من موضوعك انك انت مسوي هالبرنامج من غير علم او دراية,,,يعني حاب تجرب وبس,,,لذلك انا انصحك مادامك اول مرة تروح للمغرب انك تعيد النظر في البرنامج مرة ثانية,,,وتحدد اهدافك بخصوص سبب زيارتك للمغرب علشان نقدر نفيدك اكثر وأكثر,,,
هذا من ناحية رأيي الشخصي واتمنى انه مايزعلك,,,
أي إستفسار أنا حاظر,,,
تحياتي وأشواقي,,,