أسعار التذاكر لجميع الخطوط ( موضوع متجدد )

صحيح والاقناع بطريقة سهلة اللي هي انت شاري على كل حال ليه ماتطلع ب تذكرة .. الخدعه ان فيه صلاحية للاميال لذلك لابد تجمع خلال سنتين او ثلاثه وخلالها انت تسدد رسوم سنويه ٣٥٠ ريال ! بالاضافه الى ان تسديد الفواتير لايحسب لك اميال.. وغيرها من خدع تتضح لك مع الوقت.

حسابي في سامبا هو فرعي (أزرق) له 15 سنة تقريباً وما زال أزرق

طلبت فيزا الفرسان الذهبية من خمس سنين تقريباً واللمتد 25 الف:
- برسوم سنوية 300 ريال، من أول ما اخذتها وانا استعملها داخل السعودية بدل بطاقة الصراف ولا استعمل الكاش ابداً بنزين موية مقاضي حجز تذاكر فنادق بالريال السعودي طبعاً كل شئ، وكل سنة أجمع حول 35 الف ميل، واطق تذكرة ولله الحمد، جلست كذا حول ال3 سنين.
- من سنتين دقوا علي قالوا بنخليها انفينتي واللمتد 50 الف وبنفس الرسوم، شف الدلع عاد، صار يحسب كل ريالين ميل واحد، تدخلك جميع صالات العالم ومعك ضيف وطفلين تحت 12 سنة عدد لا محدود (إلى الان من بداية هذه السنة دخلت 12 صالة ولله الحمد)، كل ما احجز تذاكر سفر يفعل تأمين السفر تلقائياً، غير بعض العروض المتواضعه لعطلات السعودية وبعض الفنادق وتأجير السيارات وامكانية التقسيط بدون فائدة.

والنكته ان حسابي ما زال أزرق عندهم.

قد تختلف التجارب اخي وزميل مهنتي والاكيد ان الرسم السنوي علي ماكان ٣٠٠ ريال ! فاتورتي الشهريه كانت لاتقل عن عشرة آلاف ريال. وبعد ماتخلصت من البطاقه ارتحت من مصاريف كنت في غنى عنها. بالنسبة لي لم تناسبني وقد تناسب غيري تماما..

بخصوص عرض الخطوط السعودية 40% عرض جبار وحبيت أشارك بالموضوع ليستفيد منه الكل استفادة كاملة وبالأخص للبعض ما عندهم خبرة كافية بنظام الحجوزات ، بختصر الموضوع بنقاط مبسطة للشروط شبه المبهمة في العرض وإن شاء الله توصل الفايدة للي يحتاجها.

1- فترة الحجز فقط 5 أيام 25 اغسطس إلى 31 أغسطس وتواريخ السفر تبدأ من 15 سيبتمر الى 15 ديسمبر، البعض يتعجل ويحجز وهو موب متأكد النقطة المهة هنا لو غيرت على الحجز حتفدع مبلغ كبير "قيمة التغيير+فرق السعر قبل العرض.
2- الحجز لازم يكون ذهاب وعودة + ورحلة الذهاب لابد تكون من داخل المملكة.
3- كل رحلة عليها عدد معين من المقاعد يشملها العرض فتأكد إن الرحلة الا اخترتها تكون بأقل سعر.
4- معلومة تفيدك مستقبلا ، هذا العرض السعودية تقدمه كل سنة بنفس التوقيت تقريبا.

إن شاء الله ما نسيت أو أخطأت بشي ولي عنده إضافة أو تصحيح يتفضل ويفيدنا.

عرض مناسب بدل ماتدفع 3000 ريال تحجز الرياض كازا 1900 تقريبا

عرض سنوي في اغسطس تمنيت يكون في اليوم الوطني افضل !!

واذا تبي خصم زيادة 8٪ مع خصم الخطوط السعودية 40٪
انصحكم بالحجز عن طريق المسافر بس لازم يكون معك صراف بنك الرياض وفيه كود الخصم بموقعهم ورحلة سعيدة

مافي احلى من مكافاة المليون ميل مع البنك الاهلي
يوم اتصل الموظف وقالي فكرتها حلم بعدين فكرت واحد يستهبل الين شيكت حساب الفرسان وبعدها سفرياااات لين خلصت

اقل سعر ١٩٦٠ ريال. الرياض كازا مباشر

وش رايك بالأسعار

اذا تريد تذكرة على الخطوط السعودية الان اثناء تخفيض السعودية تستطيع الشراء من خلال موقع skyscanner او موقع wego .
وبتكون اقل ب 150 ريال تقريبآ