اقتباس:
المشاركة الأصلية كتبت بواسطة ta3bt
المسالة ياشباب مو في فرق السعر وبس بالنسبه للترانزيت
الخدمات نوعية الطياره والارتياح فيها تخليني ارضى اني اوقف ترانزيت ولا اروح على الخطوط السعوديه طيران مباشر
بالنسبه لي دايم رحلات امريكا واوربا افضل طيران الامارات خصوصا طائرة الايرباص a380
المغرب جيت عن طريق القطرية طيارتهم الجديدة البوينق ٧٨٧ دريم لاينر
وكانت خدماتهم في الطياره مشاء الله توب التوب ومطارهم روعه
انا مقاطع الخطوط السعوديه من ٥ سنوات
ما عمري طلعت عليها في الرحلات الدوليه من عام ٢٠١١
عطونا العلم ياشباب
كيف وضع السعوديه على خط الرياض كازا
هل صحيح احيانا تحجز على السعوديه وتتفاجأ ان الطياره المغربية ؟؟؟
كيف مستو الطائرة ونظافتها والخدمات عليها ؟؟؟
اقتباس:
المشاركة الأصلية كتبت بواسطة القلب الكبيـر
هلابك
نعم صحيح وحدثت معي في اعسطس الماضي
كنت حاجز على السعوديه من الموقع الذهاب والاياب ومحدد المثاعد
ودافع زيادة مائتين ريال لمقعد امرجنسي
تفاجأت ان رحلة العوده على المغربيه
حبيت اسوي ترقيه للحجز ما قدرت
اروح لوكالة المغربيه يقول الحجز تم عن طريق موقع السعوديه
اروح لمكتب الحطوط يقول ما نقدر الكود عند الحطوط المغربيه
بالاخير طلعت على نفس الدرجه
دمت بود
اقتباس:
المشاركة الأصلية كتبت بواسطة ta3bt
هذي مشكلة الخطوط السعودية يلخمونك في اي وقت،،،،، علشان كذا انا مقاطعهم مع اني ادفع على الاماراتية او القطرية اكثر وفيها ترانزيت احيانا يوصل ٧ ساعات او اكثر ،، بس اضمن خدمه مميزه وطيارة حديثة ومطارات تفتح النفس
ياجماعة ترا هذي تصير سواء بالخطوط السعودية أو القطرية وأغلب الخطوط الأخرى
يعني صح انت حجزك يكون ع القطرية أو السعوديه للمغرب بس تكون طيارة الحطوط المغربيه اللي رحت فيها أو رجعت فيها والحركة هذي لها مسمى متعارف عليه بين الخطوط بس ناسي وش يسمونها بصراحة
واللي يحجز عن طريق النت يبين له مثلآ الذهاب والعوده ع نفس الخطوط اللي انت حاجز عليها أو إحدى الإتجاهات سواء الذهاب أم العوده على الخطوط المغربية
ولو تطلع ع تفاصيل الحجز بالنت قبل لاتدفع بالفيزا يبين لك كل شي