اتفق معك..
واصلآ الفرق مش كبير ولايستاهل ضياع الوقت والتعب..
وهو في حدود 500 الى 800 ريال تقريبا

المسالة ياشباب مو في فرق السعر وبس بالنسبه للترانزيت

الخدمات نوعية الطياره والارتياح فيها تخليني ارضى اني اوقف ترانزيت ولا اروح على الخطوط السعوديه طيران مباشر

بالنسبه لي دايم رحلات امريكا واوربا افضل طيران الامارات خصوصا طائرة الايرباص a380


المغرب جيت عن طريق القطرية طيارتهم الجديدة البوينق ٧٨٧ دريم لاينر


وكانت خدماتهم في الطياره مشاء الله توب التوب ومطارهم روعه



انا مقاطع الخطوط السعوديه من ٥ سنوات

ما عمري طلعت عليها في الرحلات الدوليه من عام ٢٠١١


عطونا العلم ياشباب


كيف وضع السعوديه على خط الرياض كازا

هل صحيح احيانا تحجز على السعوديه وتتفاجأ ان الطياره المغربية ؟؟؟

كيف مستو الطائرة ونظافتها والخدمات عليها ؟؟؟

أنا رحلتي على السعودية بحول الله ( أول مرة أطلع عليها )

يوم الجمعة 16 سبتمبر الساعه 4 ونص صباحا ً الاقلاع إلى كازا

راح اعطي أنطباعي عنها أول ما أوصل للمغرب

توصل بالسلامه يالغالي

ورحلة سعيدة


بنتظار التقرير [emoji257]

هلابك

نعم صحيح وحدثت معي في اعسطس الماضي

كنت حاجز على السعوديه من الموقع الذهاب والاياب ومحدد المثاعد

ودافع زيادة مائتين ريال لمقعد امرجنسي

تفاجأت ان رحلة العوده على المغربيه

حبيت اسوي ترقيه للحجز ما قدرت

اروح لوكالة المغربيه يقول الحجز تم عن طريق موقع السعوديه

اروح لمكتب الحطوط يقول ما نقدر الكود عند الحطوط المغربيه

بالاخير طلعت على نفس الدرجه

دمت بود

هذي مشكلة الخطوط السعودية يلخمونك في اي وقت،،،،، علشان كذا انا مقاطعهم مع اني ادفع على الاماراتية او القطرية اكثر وفيها ترانزيت احيانا يوصل ٧ ساعات او اكثر ،، بس اضمن خدمه مميزه وطيارة حديثة ومطارات تفتح النفس

ياجماعة ترا هذي تصير سواء بالخطوط السعودية أو القطرية وأغلب الخطوط الأخرى
يعني صح انت حجزك يكون ع القطرية أو السعوديه للمغرب بس تكون طيارة الحطوط المغربيه اللي رحت فيها أو رجعت فيها والحركة هذي لها مسمى متعارف عليه بين الخطوط بس ناسي وش يسمونها بصراحة

واللي يحجز عن طريق النت يبين له مثلآ الذهاب والعوده ع نفس الخطوط اللي انت حاجز عليها أو إحدى الإتجاهات سواء الذهاب أم العوده على الخطوط المغربية
ولو تطلع ع تفاصيل الحجز بالنت قبل لاتدفع بالفيزا يبين لك كل شي

أسعار التذاكر لجميع الخطوط ( موضوع متجدد )
 

بس القطرية اتفاقها مع الخطوط المغربية تكون طياراتهم نفس طيارات القطرية اللي تروح المغرب وهي دريم لاينر أما السعودية مدوي عن طياراتهم

انا ما اتكلم عن اللي في تفاصيل الحجز ،،، هذي صحيح حركة معروفه بين شركات الطيران اللي يكون بينهم تحالف وهذي موجوده في اغلب شركات الطيران وصحيح زي ماذكرت تكون موضحه في تفاصيل الحجز لو تشوفه ...


انا اتكلم عن اللي سمعته ان حتى في الموقع يعطيك حجز على طياره الخطوط السعودية ومافيها اي ذكر للخطوط المغربيه واذا قصيت البوردنق في المطار تتفاجأ انها للخطوط المغربية !!!

وبعدين اغلب الرحلات اللي تطلع دايركت للمغرب تكون من جدة ؟؟ بمواعيد كثيره وأوقات مختلفه

مواعيد طيران الدايركت من الرياض محدودة اعتقد رحلة وحده في الاسبوع اذا مو غلطان!!


يعني اذا انت بتطلع من الرياض راح تضطر انك توقف في جدة !!!

عاد مايحتاج اتكلم عن مطار جدة

اذا لابد من التوقف اوقف في دبي ولا في الدوحه افضل مليون مررره