|
إسرقت عمري
الليالي والسنين و ما لقيت لهذا الحب حل و نهايه كل مانويت انساه رجعني الحنين لــ أول بدايات الحكايه ! |
ياتي بك الحلم وآنت تشح بالجيّـه الحلم آكرم ... آفـاا يا خيبة الهاقي |
إشتياقي لك هائل وطيفك لا يغادرني لبرهة !.
|
قاعدة لحالي وما بيدي حيله
اقلّب بين ثنايا صفحات ثلاجتي بس ما لقيت بيرا فكرت وقلت !!!!!! وش الدبرة الا ميمي قالت ارجعي قلّبي بين سطور حياتك والذكرى راح بتصير بعقلك وتصيح يللي مالك حيله تبسمت من فوق القلب وقلت لها : حبيبتي الدنيا كلها بعيوني دخيله قالت : طيب هذا حال البعيد والقريب حتى من ديره قلت : وش ذنب انسانة تتعذب وهي قلبها صافي مثل المويه بكاسة كريستال دافي قالت : حبيبتي هذي قسمتك ولازمن ترضي بالنصيب ابيض كان او اسودن لونه قلت: رضيت بس ما جاني من الرضى الا حبيبن جاحدن للحب وما بيّن فيه يا دخيله دخيل الله ... لا تحملني اسية اكثر من اللي احسها واعايشها ولا تخطر ع البال ولا على خاطر أسيره |
أنا أحبك للحزن ، للجرح ، لحدود الغياب
|
ولعت دخاني وناظرت بالحيطه الصفرا قدامي
وقلت : مليت منك وانتي شلون ما مليتي من وجهن قدامك صبحن وعشيه قالت : وشلون اكل( الكلل) منك وانتي بكل دقيقتن بحالن واحوالن لكن داخلك على سجيه قلت : تضرب براسي أفكار واقول بروح اغادرك يا حيطتي لو يومن وليله قالت : ويهون عليك حبيبن يفكرك من انقى الناس وثقيه قلت: طيب وليش تخلى عليا بيومن يمثل لي احلى واشقى يوم عليه قالت: للظروف أحكام وهو بداخله نقيه قلت : لاحكامي ظروف ولظروفي حياة كلها حزن وأسيه قالت: خلك على طبعك ولا تتطبعي ترا التطبع ماراح تجني منه الا الاذيه قلت : سمعت كلامك يا حيطتي وتأملت فيه ولقيت الحياة ما تحلى الا اذا كنت على سجيه |
النص مفقود
|
قاعدة اتأمل وأقول : هل يحق لي أن ابوح ....
عن سر بين ثنايا فؤادي ،يحكي عن ماضيا والجروح سرن ما بُحت فيه لغيري.. يحكي عن حياتي .. وربما عن مصيري حياة ملؤها الفرح والدمع والآهاات وربما... راح يسألوني عنها وعن سبب تبذيري لكن ما أعرف وشو تبريري ربما بقول...أنه حاولت أعيش مثلي مثل غيري لكن ... هيهاات فالحياة ما تعطي كلشي .. صح عشتها وتعايشت معها بكل تقصيري وصح اني تمنيت وتمنيت لكن ديمن ماغير اجر ذيول الخيبه ورايا حاولت اعاتب حالي وانا اناظر بالمرايا لكن..... هيهااات فالمرايا تجردت مني وباحت باللي عمري ما توقعته منها وكان وقعها عليا مريري تجرعت بوحها اللي مذاقه سم وتبسمت وبقلبي غم وتسائلت يا مرايتي يا طفولتي ويا شبابي ترضين تكوني سبب دمعتي؟ ترضين أفارقك وانتي دوا لعلتي؟ قالت ببوح لك بسرك : انتي عايشه في زمن بالفعل هو زمانك ....... لكن... شيلي العاطفه وعيشي بعقلك شيلي المجاملة وعيشي بالصراحه شيلي الكآبة وعيشي بالتفاؤل شيلي الكسل وعيشي بالعمل شيلي الحاضر وعيشي للمستقبل مستقبلك يا زهراء تراكي وردة واللي بيستحقها أكيد راح يسقيك ويسقيك العمر كله . |
ماتقارن مع غيرك ولا لك خشير
بينك وبين خلق الله رحلة عمر |
ارجع واقول كل كلامي من قريحتي فلا داعي لاي انتقاد او تعليق .....
|
| الساعة الآن 01:28 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط