اجمل اللحظات تقتلها الظروف
مرحبا ماتت على باب (البقى)

القلوب عيون لكن ما تشوف
والعيون قلوب تنبض فـ اللقى

تستثير الصمت ..هفوات الكلام
وتغرق المشتاق ..أمواج الجفا

ماعلى المقفين .شرهات وملام
الردي يقفي....ولايصون الوفا

أنكروا طيبي .. مع الوقت ، وقسوا
وأهملوني .. بعد : ذاك الإهتمام !

كيف هانت .. عشرة العمر ، ونسوا
ما تهون إلا على .. عيال الحرام !!

المشاعر غير ياذرب الطعون
عمرها ماجات لك " متسوّله "

ايه صحيح انك على قلبي تمون
ولو جرحتك فـ انت راعي الأوّله

امر الشوارع والشوارع : حزينه /
تشابه ملامح ضيعتي وانت غايب !

اسوق القدم لهفة و اجوب المدينه /
انا بحاجة الصدفه ، وضمّة حبايب

ازعل عليك وتقول اسف وتمنعني ،
وتعيد نفس الخطا وترجّع الذكرى ،

اسامحك كل مرّه لي متى : يعني ؟
ياليت لي قلبّ عقب الجرح مايبرى

انا الصراحه طبع مني وفيني
عانيت منها و ما تخليت عنها

اقدر اجامل و ابتسم بس عيني
مقدر ارد اللي : يطيحون منها

ماهو طرب لو شفت بالكف مزمار
ماللطرب بصدورنا اليوم مينا

من كثر ما ذقنا من الوقت الأمرار
قمنا نترجم حزننا في يدينا

أخذت فنجالك وانا منك لازال
اكفكف ادموعٍ سببها جروحي

اما تعالي واطردي ضيقة البال
والا اسمحي لي بطلب انك تروحي

حبيبي مد لي كفك باحط القلب بيمناك
وعذب قلبي الطيب بنفسك كان يرضيها

تري روحي غدت ملكك ولا غيرك ابدملاك
تجرحها علي كيفك علي كيفك تداويها