كل ما عندي خذيته , من غلاك
وإكتشفتك .. مو كفو هذا الغلا

ماني متحسّف على أيّامي معاك
كل شي سوّيته لك ( دفعة بلا)

ما احب اللي يدور لـّ الزعل سبه
ماني بمخطي بحقه لكن وصاتي

لا صار يدري بغلاه ويدري بحبه
يزعل بكيفه والا منه شبع ياتي

كل ما خذتكْ : اللا مبالاه /
يجيبك النسناس لا هب !

كل شي ممكن اني انساه /
الا ملامح ( وجهك العذب ) !

المكابر ليه ؟.. خلوني اطيش
ايه اعشقه ضيق واغليه بـ سعه

العمر مره .. ولا اقدر أعيش !
غيرهّ .. ويارب ياخذني معه

ماني بـ قايل ليه وشلون وأفا
آبشرك وضعي بعد صدك : سليم !

توني عرفت الحين وشـ حل الجفا
لا اشتقت أقول بـ داخلي الله كريم !

اجمل اللحظات تقتلها الظروف
مرحبا ماتت على باب (البقى)

القلوب عيون لكن ما تشوف
والعيون قلوب تنبض فـ اللقى

تستثير الصمت ..هفوات الكلام
وتغرق المشتاق ..أمواج الجفا

ماعلى المقفين .شرهات وملام
الردي يقفي....ولايصون الوفا

أنكروا طيبي .. مع الوقت ، وقسوا
وأهملوني .. بعد : ذاك الإهتمام !

كيف هانت .. عشرة العمر ، ونسوا
ما تهون إلا على .. عيال الحرام !!

المشاعر غير ياذرب الطعون
عمرها ماجات لك " متسوّله "

ايه صحيح انك على قلبي تمون
ولو جرحتك فـ انت راعي الأوّله

امر الشوارع والشوارع : حزينه /
تشابه ملامح ضيعتي وانت غايب !

اسوق القدم لهفة و اجوب المدينه /
انا بحاجة الصدفه ، وضمّة حبايب