سوالف رحلتي للرباط

أرجع أكمل لكم الجزء الثاني من تقرير رحلتي للرباط...

أبدأ من حيث انتهيت في الجزء الأول من تقريري.. طبعاً يوم تغدينا ذاك الطاجن اللي طعمة يطخ في الراس وشيشنا أحلى راس في ذيك الأجواء البارده أتفقنا نطلع ندور فلة على أن تكون في حي الرياض أو السويسي..


طلعانا أنا أبو خالد وأبو ناصر:Abu Ahmed (699)::Abu Ahmed (699)::Abu Ahmed (699): برفقه السائق محمد اللي هو بالأصل سمسار فلل وشقق وقلنا يالله يا الذيب ورنا اللي عندك وودانا للفلة الأولى لقيناها حلوه ولكنها صغيره شوي والبدروم اللي تحت حق الوناسه ماش صغيييير وحوسه وسعرها 3000 درهم بالخدم وبدون سياره.. قلنا كنسلها:Abu Ahmed (759)::Abu Ahmed (759): نبي شيء أزين لا نستعجل .. وودانا للثانيه حلوه مررره وفيها مسبح وأثاثها حلو وسعرها 4000 درهم بالخدم والسياره قلنا حلو.. يوم شفنا الدعوى كذا قلنا نبي نتدلع عليهم.. قلنا نبي شي حلو و أرخص.. قام المغربي يحك راسه ثم قال كاين كاين ولكن ماشي بحال هدي.. قلنا وش ورانا دام كاين ورناها.. وودانا لوحده ما اقول عنها الا الله يكرم السامعين أبو كلب شوية عليها بكم قال 2000 درهم قلنا وغيره بحكم المعرفه اللي بيننا قال 1800درهم .. صدينا عنهم شوي وعملنا إجتماع مغلق سريع قلنا ماتصلح أبداً وغير آمنه:Abu Ahmed (759):.. وركزو على مسألة غير آمنه هذي لانه ماتسوى علينا ندخل في مشاكل مالها داعي علشان نوفر كم قرش.. قال المغربي انا قلت لكم ماتصلح قلنا طيب مالنا أجل الا الثانيه أم مسبح والا عندك شي أزين.. قال فيه وحده سعرها 5000 درهم بس بكره تفضى بكره وفيها ناس الحين قلنا معليش رحنا لها وفعلاً لقينا فيها سعوديين كبار بالسن زكرت ومحترمين مررره أستأذنا منهم نشوف الفله وقالو مايخالف..

دخلنا وشفناها:Abu Ahmed (138)::Abu Ahmed (138)::Abu Ahmed (138): وكانت جداً روعه بكل ماتعنيه الكلمة وكبيييره بالزااااف على قولتهم وفخمة مره مره وفيها شغالتين وعساس بس مافيها مسبح (مع ان موضوع المسبح ماكان مهم بالنسبه لنا على الاطلاق خصوصاً أن الجو كان بارد نسبياً).. قلنا وش الراي؟ اتفقت انا وابو ناصر ناخذها بينما أبو خالد كان متردد بينها وبين أم مسبح لكنه مشى رأي الأغلبيه وقلنا لمحمد المغربي أوكي بس نبي غير هالسعر قال خلاص 4000درهم..و باكر إن شاء الله عقب الظهر أجي آخذكم من الشقه واجيبكم هنا (طبعاً ماقالها كذا قالها باللهجه المغربيه:Abu Ahmed (96):

طلعنا من الفلة ومرينا في طريقنا مرجان اللي بحي الرياض واخذنا بعض المؤونه البسيطه (طبعاً مرجان للي مايعرفه هو عباره عن سوبر ماركت كبيره وفيها كل شي وله فروع كثيره منتشره في المغرب) رجعنا للشقه وريحنا شوي وطلت علينا الست خديجه وقالت أنا ماشيه بغيتو شي حاجه قلنا اي والله بغينا براد أتاي علشان نمخمخ صح ونروق من ذا الدوران بين هالفلل تقول كننا نبي نشتري مو بنجلس اسبوعين:Abu Ahmed (741): وبعد ماتقهوينا وروقنا قلنا وين نروح وين وين؟ و كنا جوعانين مرررره طلعانا واتجهنا لماكدونالدز اللي مقابل محطة الرباط المدينه واكلنا ولله الحمد.. بعدها قررنا انا وبو ناصر نشوف لنا مكان نسهر فيه بينما أبو خالد فضل أنه يرجع للشقه ينام (والله مدري عنه يبي ينام والله بيسوي سواة قحطة اللي مسلسل درب الزلق:Abu Ahmed (741): ما ادخل شي بذمتي).. على كل حال طلعنا انا وابو ناصر مع السواق وودانا مكان يمدحه على طريق هرهوره اسمه ياسمين او حاجة زي كذا.. ما فيه الا مغاربه ماعجبني ابد وكنا تعبانين من السفر والدوران لذلك جلسنا فيه ساعتين ورجعنا للشقه ونمنا..

في الصباح.. صحينا والا الست خديجه مجهزه القهوة والفطور والجمر مولع للشيشه وابو خالد مصحصح وسابقنا للفطور .. افطرنا وبعد الفطور خذنا أحلى راس معسل على نسيم الصباح العليل مع براد اتاي.. جلسة ترد الروح..ومع دخول فترة الظهرالا الباب يطق ويدخل علينا محمد ويقول يالله ترا الفلة فاضيه قلنا أجل وش ننتظر شلنا أغراضنا وحطيناها في السياره وودعنا الست خديجة وركبنا السياره متجهين للفيلا بكل حمااااس :Abu Ahmed (778)::Abu Ahmed (778)::Abu Ahmed (778):

وصلنا الفيلا وكانت الساعه 2 او 3 بعد الظهر يعني الوقت بدري وكانت الفلة احلى من يوم نشوفها أو مره لانه كان ليل وما شفناها زين وماكان مبين جمال الحديقه.. المهم دخلنا وطلعنا أغراضنا فوق وكان فيها ثلاث غرف نوم وحده منهم ماستر.. طبعاً كل الغرف كانت حلوه وواسعه..لكن قلنا من بياخذ الماستر؟.. علشان نحل هالمشكلة و من باب العدل اتفقنا نقسم فترة رحلتنا على ثلاث فترات كل واحد ياخذهافي فترته..وكانت الفترة الأولى لمحدثكم :Abu Ahmed (517): حطينا أغراضنا ورتبنا أغراضنا في الدواليب.. قالو الشباب نبي نقيل قلت أجل انتم قيلو وانا بطلع مع السواق نجيب المؤونه..

طلعلت انا والسواق وقلت وش رايك نروح مرجان؟ قال لا ما انصحك قلت أجل وش رايك؟ قال انا أوديك لحي النهضه هناك تلقى كل شي.. والله ونروح هناك لقيت خضار وفواكه ولحوم طازه من المزرعه وأرخص بكثييير من مرجان وآخذ مؤونه تكفي أسبوع وحنا راجعين مرينا على مرجان علشان ناخذ باقي المؤونه ورجعنا ولقينا الشباب توهم صاحين من قيلولتهم..

الى هنا انا بوقف وبكمل باقي التقرير والأحداث اللي صار في الفيلا في الجزء القادم

أرجع أكمل لكم الجزء الثاني من تقرير رحلتي للرباط...

أبدأ من حيث انتهيت في الجزء الأول من تقريري.. طبعاً يوم تغدينا ذاك الطاجن اللي طعمة يطخ في الراس وشيشنا أحلى راس في ذيك الأجواء البارده أتفقنا نطلع ندور فلة على أن تكون في حي الرياض أو السويسي..


طلعانا أنا أبو خالد وأبو ناصر:Abu Ahmed (699)::Abu Ahmed (699)::Abu Ahmed (699): برفقه السائق محمد اللي هو بالأصل سمسار فلل وشقق وقلنا يالله يا الذيب ورنا اللي عندك وودانا للفلة الأولى لقيناها حلوه ولكنها صغيره شوي والبدروم اللي تحت حق الوناسه ماش صغيييير وحوسه وسعرها 3000 درهم بالخدم وبدون سياره.. قلنا كنسلها:Abu Ahmed (759)::Abu Ahmed (759): نبي شيء أزين لا نستعجل .. وودانا للثانيه حلوه مررره وفيها مسبح وأثاثها حلو وسعرها 4000 درهم بالخدم والسياره قلنا حلو.. يوم شفنا الدعوى كذا قلنا نبي نتدلع عليهم.. قلنا نبي شي حلو و أرخص.. قام المغربي يحك راسه ثم قال كاين كاين ولكن ماشي بحال هدي.. قلنا وش ورانا دام كاين ورناها.. وودانا لوحده ما اقول عنها الا الله يكرم السامعين أبو كلب شوية عليها بكم قال 2000 درهم قلنا وغيره بحكم المعرفه اللي بيننا قال 1800درهم .. صدينا عنهم شوي وعملنا إجتماع مغلق سريع قلنا ماتصلح أبداً وغير آمنه:Abu Ahmed (759):.. وركزو على مسألة غير آمنه هذي لانه ماتسوى علينا ندخل في مشاكل مالها داعي علشان نوفر كم قرش.. قال المغربي انا قلت لكم ماتصلح قلنا طيب مالنا أجل الا الثانيه أم مسبح والا عندك شي أزين.. قال فيه وحده سعرها 5000 درهم بس بكره تفضى بكره وفيها ناس الحين قلنا معليش رحنا لها وفعلاً لقينا فيها سعوديين كبار بالسن زكرت ومحترمين مررره أستأذنا منهم نشوف الفله وقالو مايخالف..

دخلنا وشفناها:Abu Ahmed (138)::Abu Ahmed (138)::Abu Ahmed (138): وكانت جداً روعه بكل ماتعنيه الكلمة وكبيييره بالزااااف على قولتهم وفخمة مره مره وفيها شغالتين وعساس بس مافيها مسبح (مع ان موضوع المسبح ماكان مهم بالنسبه لنا على الاطلاق خصوصاً أن الجو كان بارد نسبياً).. قلنا وش الراي؟ اتفقت انا وابو ناصر ناخذها بينما أبو خالد كان متردد بينها وبين أم مسبح لكنه مشى رأي الأغلبيه وقلنا لمحمد المغربي أوكي بس نبي غير هالسعر قال خلاص 4000درهم..و باكر إن شاء الله عقب الظهر أجي آخذكم من الشقه واجيبكم هنا (طبعاً ماقالها كذا قالها باللهجه المغربيه:Abu Ahmed (96):

طلعنا من الفلة ومرينا في طريقنا مرجان اللي بحي الرياض واخذنا بعض المؤونه البسيطه (طبعاً مرجان للي مايعرفه هو عباره عن سوبر ماركت كبيره وفيها كل شي وله فروع كثيره منتشره في المغرب) رجعنا للشقه وريحنا شوي وطلت علينا الست خديجه وقالت أنا ماشيه بغيتو شي حاجه قلنا اي والله بغينا براد أتاي علشان نمخمخ صح ونروق من ذا الدوران بين هالفلل تقول كننا نبي نشتري مو بنجلس اسبوعين:Abu Ahmed (741): وبعد ماتقهوينا وروقنا قلنا وين نروح وين وين؟ و كنا جوعانين مرررره طلعانا واتجهنا لماكدونالدز اللي مقابل محطة الرباط المدينه واكلنا ولله الحمد.. بعدها قررنا انا وبو ناصر نشوف لنا مكان نسهر فيه بينما أبو خالد فضل أنه يرجع للشقه ينام (والله مدري عنه يبي ينام والله بيسوي سواة قحطة اللي مسلسل درب الزلق:Abu Ahmed (741): ما ادخل شي بذمتي).. على كل حال طلعنا انا وابو ناصر مع السواق وودانا مكان يمدحه على طريق هرهوره اسمه ياسمين او حاجة زي كذا.. ما فيه الا مغاربه ماعجبني ابد وكنا تعبانين من السفر والدوران لذلك جلسنا فيه ساعتين ورجعنا للشقه ونمنا..

في الصباح.. صحينا والا الست خديجه مجهزه القهوة والفطور والجمر مولع للشيشه وابو خالد مصحصح وسابقنا للفطور .. افطرنا وبعد الفطور خذنا أحلى راس معسل على نسيم الصباح العليل مع براد اتاي.. جلسة ترد الروح..ومع دخول فترة الظهرالا الباب يطق ويدخل علينا محمد ويقول يالله ترا الفلة فاضيه قلنا أجل وش ننتظر شلنا أغراضنا وحطيناها في السياره وودعنا الست خديجة وركبنا السياره متجهين للفيلا بكل حمااااس :Abu Ahmed (778)::Abu Ahmed (778)::Abu Ahmed (778):

وصلنا الفيلا وكانت الساعه 2 او 3 بعد الظهر يعني الوقت بدري وكانت الفلة احلى من يوم نشوفها أو مره لانه كان ليل وما شفناها زين وماكان مبين جمال الحديقه.. المهم دخلنا وطلعنا أغراضنا فوق وكان فيها ثلاث غرف نوم وحده منهم ماستر.. طبعاً كل الغرف كانت حلوه وواسعه..لكن قلنا من بياخذ الماستر؟.. علشان نحل هالمشكلة و من باب العدل اتفقنا نقسم فترة رحلتنا على ثلاث فترات كل واحد ياخذهافي فترته..وكانت الفترة الأولى لمحدثكم :Abu Ahmed (517): حطينا أغراضنا ورتبنا أغراضنا في الدواليب.. قالو الشباب نبي نقيل قلت أجل انتم قيلو وانا بطلع مع السواق نجيب المؤونه..

طلعلت انا والسواق وقلت وش رايك نروح مرجان؟ قال لا ما انصحك قلت أجل وش رايك؟ قال انا أوديك لحي النهضه هناك تلقى كل شي.. والله ونروح هناك لقيت خضار وفواكه ولحوم طازه من المزرعه وأرخص بكثييير من مرجان وآخذ مؤونه تكفي أسبوع وحنا راجعين مرينا على مرجان علشان ناخذ باقي المؤونه ورجعنا ولقينا الشباب توهم صاحين من قيلولتهم..

الى هنا انا بوقف وبكمل باقي التقرير والأحداث اللي صار في الفيلا في الجزء القادم