استفسار عن التكاليف بالمغرب للشخص

السلام عليكم
ومسااكم الله بالخير

عندي استفسار يامزاعيط ومانستغني عن خبرتكم
حنا اربع أشخاص مسافرين قريبا إن شاء الله
للمغرب 11 يوم مراكش 7 ايام واغادير 4 ايام
والميزانية كل شخص 1200 دينار كويتي من غير التذكره
هل تكفي واكون مسكر جميع الالتزامات يوميا وعايش كنق على قولتهم:))
ولا تحتاج زايده؟
وياليت أحد يفيدنا كم المصروف اليوم لشخص من كل النواحي؟
وكم اسعار التنقلات مابين ديره لديره بالمطارات الداخليه و التكسي والقطار؟

وياليت نلقا منكم يامزاعيط المغرب الاجابات الكافيه
وتفيدونا علماً أنه اول مره أنسافر للمغرب كلنا
وسمحونا على الأطاله ودمتم سالمين

حياك أخوي ..

تقريباً مصروف الشخص يومياً بين 110 لـ 130 دينار ..

يعني ميزانيتكم ان شاء الله كافيه .. لكن خلوكم مفتحين ..

بالنسبه للتنقل من مراكش لـ أغادير عندك اكثر من وسيله ..

سياره خاصه توديكم تقريباً بـ 1500 درهم ..

تركبون بالباص الشخص بـ 120 درهم ..

تستأجرون سياره وإنتم تسوقونها إجارها اليومي بـ 300 درهم ..

وتروحون وترجعون بالسلامه يارب ..

__________________
نلتقي .. لنرتقي ..

مرحبا يا غالي

متى موعد السفر ان شاء الله


لأن كل وقت وسعره

وابشر نضبط امورك هناك اذا بغيت

ولك رساله على الخاص

وسفرة ممتعه

__________________
اااه من قلبن جزوع نهيته ولا طاع ** يجوز لاجازت الشمس عن مطلعها

مراكش القلب يمك وفيك مطواع ** تزين فيك أحلام حياتي مع تطلعها