رديه بين أخوين مررره روعه

ردية بين أخوين 😂
الصغير يحب يسافر للمغرب والكبير يحب طلعات البر وعلوم الرجاجيل

قآل الصغير :
يابو حمد ملّيت شرب.....القهاوي
وانا ادري انها كيف روس الرجاجيل

شوف الغزال ام الجمال السماوي
أخير من شوف اشقر البن.. والهيل

اللي سوالفها غياض ..... وحزاوي
مزوحها تسوى..... ردود الفناجيل

رد الكبير :
يامرحبا وابليس... .هابي وغاوي
اللي يورّدنا على .. .وادي الويل

لاصار كيفك شوف... ريم ومهاوي
ومكابد العلاّت .. ومسامر الليل

البن كيف .. مبّعدين الهقاوي
روس الرجال.الصاملين. الحلاحيل

اهل الشجاعة. .. والكرم والعزاوي
حياتهم راحت على .. ضمّرالخيل

ف رد الصغير :
ماني على ترك. .. ابيض الخد قاوي
نجل العيون .. اللي هدبها مظاليل

تدري مراقب رمشها... وش يساوي
يسوى دلالك .. والنجر والمعاميل


... الكبير ابو حمد الحين في المغرب مع أخوه الصغير 😂 😂 😂

__________________