وداعا اغادير والعوده للرياض

السمو · 2012-09-23T05:03:59+00:00

[SIZE="6"]السلام عليكم ورحمة الله وبركاته .. اتمنى للجميع الصحه والسعادهـ الدائمه الجمعه 21 / 9 رجعت من اغادير الخطوط الناقله التركيه الذهاب لتركيا واسبانيا العوده من كازا ابتئدت الرحله باسطنبول ومن ثم برشلونه وبعدها انتقلنا لجزيرة ابيزا والعوده لبرشلونه .. الذهاب للمغرب كان من برشلونه لمطار مراكش النيه كانت اغادير بس للأسف مافي رحلات من اسبانيا لاغادير نزلنا بمطار مراكش ولم نواجه اي مشاكل من بداية السفر حتى نزلنا بالشارع في مراكش بدايه مع التكاسي الكل تحسه كذااب مافي احد صادق تحس الكل يحاول يستغلك شعور الامان الي كنت احسه بأسبانيا تغير صرت احس باحساس ثاااني مالكم بالطويل اتفقت مع احدهم يودينا لاغادير مقابل 900 درهم احنا 3 اشخاص السياره مرسيديس بس نظيف ولا بأس اول ما طلعنا من مراكش وقف على جنب وينتظر قلنا وش عندك قال بيوديكم خويي .. طيب ليش .؟ قال لانه هو بيروح اغادير قلنا مو مشكله ونركب ولكن السياره الثانيه جدا سيئه ومكسره ومسك فينا طريق جدا سئ وتهاوشت معه قلت ابي الطريق السيار قال شويات وندخله المهم ووقفنا بمطعم ناكل الساعه كانت 9 مساءا دخلنا المطعم وطلبت القائمه وجابها وطلبنا ويوم جا وقت الحساب لاحظت السعر جدا مرتفع واطالع الفاتوره الاسعار غير القائمه والفرق مو بسيط قلت ليش ؟ قال الاسعار الموجوده بالقائمه قديمه .. هنا حسيت ان في احد يستفزني او بالاخص يستغفلني وخذلك هواش واحاسب حسب الي موجود بالقائمه واطلع ويهددون وكل شي قالوه وصلنا اغادير باخر الليل كلمة اخوي محمد عاطي ولكن لم اتمكن من التواصل معه بحكم الوقت اخذت غرفه بفندق عادي ونمنا ومن بكرا الظهر كلمت الاخ محمد عاطي الي ما قصر معنا ابدا لأن المارينا كان مليان والاخ ابو شيما قال راح تسكن يعني راح تسكن اشوف بالاستقبال بالمارينا ما يعطون احد سكن والناس جالسه تنتظر وانا متواصل مع ابو شيما الى ان وجدو لنا حسب الطلب السكن بالمارينا كان جميل بس الاسعار نوعا ما مرتفعه .. راح اذكر بعض النقاط بالسفره * جلسنا في اغادير 10 ايام * نطلع بالنهار نتمشى رحنا الكورنيش وشواطئ ومتحف والسوق الشعبي والحمام المغرب .. الخ من الاماكن السياحيه في اغادير .. * السهر كان في موخيطو طاوله 1300 و 300 للي اسمه سيمو علشان يعطيك طاوله .. * التعامل مع الرجال ليس كالتعامل مع النساء بالمغرب الرجال اكثر استغلال وتلاعب يعني اذا شفت موظف وموظفه رح مباشره للموظفه اظمن .. * ما تعودت على اجواء البخاشيش والتعامل مع الناس الي تحاول تستغلك بأي طريقه ولكن من اليوم الثالث تأقلمت شوي بالموضوع .. بأوربا تخجل تطالع الفاتوره من الصدق والامانه حصل لي موقف في احد المطاعم في لندن عام 2011 كانت الفاتوره نوعا ما خياليه وظطريت اراجع الفاتوره بالاخير حصل فيه غلط وكان مدير المطعم قريب وجا يشوف وش المشكله وبعد ما شاف الغلط رفض انه ياخذ الحساب واجبرني ان العشاء كان مجاني بسبب الغلط الي صار !!! * الاجواء كانت اكثر من رائعه باغادير لا توصف ابدا جو معتدل يميل للبروده .. * صح انه كان في سلبيات ولكن البلد مريحه نفسيا .. وجميله رغم السلبيات * الأكل بالمغرب له لذه خاصه .. * اخيرا تم الانتقال بسياره خاصه جديده من نوع شيفورليه الى كازا لاننا ما حصلنا ان .. * حصل بعض المواقف في المطار ولكني كنت صاارم جدا معهم لأني دائما احب النظام ومستحيل احد يحصل علي غلط ولذلك اتركهم يسوون الي يبون ولكن كل شي الا الاستغلااال .. * انصح الي بيروح يستغل عمل الخير وياخذ معه صدقه او زكاة ويبحث عن ناس فعلا تكون محتاجه .. * المغرب مليئ بالاخيار تحم يحترموك .. * الحمد لله والحمد لله والحمد لله على الصحه والرجوع من دون اي مشكله تذكر هي نعمه من الله يجب على كل شخص ان يشكر الله الذي حفظه في حله وترحاله واولا واخيرا اشكرا منتدى مزاعيط المغرب والقائمين عليه من مشرفين واعضاء الي كان من بعد الله السبب في رحله موفقه ولله الحمد .. ولا انسى اخوي الغالي محمد عاطي ونعم الرجل شكرا جزيلا لك .. اي استفسار انا موجود وان شاء الله بحاول انزل صور في تقرير .. تحياتي للكل اخوكم / السمو [/SIZE]

zezuom

مزعوط ذهبي

المشاركات: 1,392

تاريخ التسجيل: Mar 2012

2012-09-24, 08:31 AM

المشاركه #13

رد: وداعا اغادير والعوده للرياض

هلا اخوي كلامك جميل وبدون اي تملق ولا مديح في غير محله واعجبني هالشي فيك بصراحه.. وطريقتك اعجبتني في المطعم وبرافو عليك

بس انا ودي من الشباب يسوون مثلنا والله انا اجي المغرب

من زمااااااااااااااااااااااا اان ومره صارت معانا في مكان في اغادير شهرزاد معروف صحارى مثل حالت سيمو وغيره واتفقنا كلنا وكنا من السعوديه والكويت وعدد طاولاتنا 8

وقلبنا على المدير ميشيل وجيمي مدري عايشين الى الحين ههههههههههههه والله العظيم صار هو اللي يتصل فينا وهو الخسران حنا مضبطين وضعنا ونقدر

نروح اي مكان وقاطعناه شر مقاطعه واخر شي

صار هو اللي يتصل ويحجز وبعدها تأدب معانا بس وين هالعقليه الحين الشباب يفكرونها فخر وقوه اجي وادف العالم وادخل وهم في الاصل هذا اللي دف

ودخل وسوى هياط مايحترمووووووووونه ابدآ والله وجلست معاهم اقصد المدراء وعلموني خفاياهم كلها ههههههههه الراتب مايعرفه ذا ولايحترم اللي يدفعون

ولا شي ههههههههههه يالله خذ لك..للمره الثانيه اعجبني سردك الحلو والطبيعي وياليت الشباب يضحون في سيمو ههههه انا عني اغادير من 2001 او 2002

ماجيتها ولا افكر اجيها لاسباب كثيره والله..تقبل مروري وكلامي بصدر رحب ومن محب للجميع وتحياااتي....

المواضيع المتشابهه للموضوع: وداعا اغادير والعوده للرياض
الموضوع	آخر مشاركة
اريد سواق ثقة بمراكش شامل استقبالنا بمطار كازا والعوده	2015-07-06 04:21 PM
قصتي مع صديقي والعوده للمطار بعد ساعه من الوصول	2013-12-06 11:49 PM
كم اسعار التذاكر من كازا للرياض	2011-10-22 04:32 PM
وصلت للرياض	2011-05-30 05:45 PM