في احد حجز عن طريق موقع بوكينغ .؟

بخصوص موقع بوكنغ في احد منكم جرب يحجز في فندق قصر الورود او غيرها من فنادق اغادير

اللي مجرب ياليت يفيدني سواءا في الموضوع او عن طريق الرسايل الخاصه وشكرا

__________________
i am a very private person, yet i am an open book
if you dont ask... i won't tell

__________________

الموقع من اشهر مواقع الحجوزات على مستوى العالم وانا حجزت منه الى اكثر من دوله ماواجهت فيه اي مسكله
لكن المغرب ماسبق حجزت منه
لكن نصيحه توكل على الله واحجز منه
بس لازم تتاكد من نقطة الضرائب لانه ممكن يعطيك السعر بدون ضريبه وبتلاقيها في شروط الحجز لكل غرفة

تحياتي لك

تعاملت مع الموقع في دبي ولبنان وكان من افضل ما يكون احجز وصور حجزك وانت رايح للاوتيل اعطيهم الورقه يقولولك انتظر بالاستقبال شوي وبعدها ينادوك يصورو الجواز ويعطيك المفتاح وامورك بالسليم

طبعا واجهتني مشكله بسيطه اني حجزت يوم واحد في فندق بدبي لاني كنت متخوف من الفندق ما راح يعجبني وكان سعره روعه بكل معنى الكلمه تقريبا 250 ولمن جيت اجدد اليوم الثاني قالو ادخل من الموقع جدد حجزك زي ما سويت اول مرة ودخلت لقيت فل الفل وحاولت مع الاستقبال قالو مافي للاسف وطلعت ورحت اوتيل نفس نظافه الاوتيل الى قبله وكان سعره 550 بعدها الميزانيه اهتزت شوي وتندمت اني ما حجزت كل مده اقامتي بالفندق الاولاني بس الحمد الله على كل حال واجمل شي بالفندق الثاني انه القطار قدامك ما يحتاج تاكسي ولا غيره من الفندق تعدي الشارع الا وانت بالقطار وتلفلف بكل مكان

طبعا نصيحتي لك يا الغالي لمن تحجز بالموقع تشوف ردود وتعليقات الاعضاء وايضا صور الفندق والمميزات الى يقدمها وتشوف خريطه الفندق وش حولينه اذا قطار او سوق او محلات لان هالشي يلعب دور كبير براحتك افضل من التعب والتكاسي والبهدله من غير فايده

تحياتي حاضرين للطيبين

__________________

انا حجزت عن طريق الموقع قبل 3 سنوات تقريبا

كنت فالمغرب جاي من الرباط على كازا بقضي فيها اخر اربع ايام

نزلنا فندق كنزي اللي فالتوين كان فل ومافيه غير سويتات اخذت السويت لمدة ليله وحده ونفس اليوم كلمت واحد من الربع في دبي قلتله يدخل موقع بوكينق ويدورلي على غرفه وبالفعل حصلي وحجزلي وارسل لي رقم الحجز

ثاني يوم نزلت الاستقبال قلتلهم فيه غرف فاضيه قالولي ابدا ماشي كلهم فل بس فيه سويتات قلتله طيب هذا رقم حجزي الجديد حجزت عن طريق النت دخل داخل وطلع ورجع قالي الحجز موجود قلتله خلاص طيب انقلو اغراضي اللي في السويت الى الغرفه الجديده والحمدالله كانت الامور سهله والشي الزين انه الموقع ما يخصم شي من الكرت بس يحجز المبلغ والفندق هو اللي ياخذ المبلغ وانته بكيفك بتدفع كاش او بنفس البطاقه اللي حجزت بيها او اي بطاقه اخرى.


كذلك وانا في الامارات في اخر 3 سنوات لما ابغي احجز في فنادق دبي او اي اماره اخرى ما احجز الا عن طريق بوكينق.

اتمنى اني افدتك

شكرا للاخوان على اللاجابه والتفاعل السريع

اخ فهد و الامارات ما قصرتوا يالطيبين .. انا جربت الموقع في اكثر من بلد

بس كنت ابي اعرف كيف نظامه مع فنادق المغرب ..لكم ارقى تحيه جميعا

__________________
i am a very private person, yet i am an open book
if you dont ask... i won't tell

باالتوفيق

موقع امان حجزت فيه من سنة على تركيا ما لقينا مشكلة

صباح الخير وكل سنه والجميع بخير الظاهر ان الموضوع قديم لاني مزعوط جديدبالموقع ومزعوط قديم بالمغرب انا حجزت عن طريق البوقنق بفندق في مراكش اسمه اطلس اسني مدة يومين حجزهم مؤكد وما عليه خلاف احجز وتوكل ع الله بس لمن تحجز لاتنسى تاخذ رقم الحجز فيه كل بيانات الحجز تبعك وممكن تكنسل الحجز قبل الرحله بيومين او تطبع ورقه لانهم بيرسلولك حجزك مؤكد ع ايميلك الخاص والفلوس تدفعها بالفندق هناك لمن تجي خارج وما يخصم البوقنق من بطاقة الفيزا تبعتك هذا ماعندي وسلامة الجميع

أنا أحجز وانا قريب من الفندق وقبل لا يخصم من بطاقه الفيز على الطول يكون الحجز موجود موقع محترم