رد: المغرب _ وشلون مغليك وانت الذي علمتني حبك
باك
اليوم الاربعاء موافق اليوم 12 / 9
اتصلو علي العيال الساعه عشر شي زي كذا يالله احنا راكبين الطياره قلت اوكي المهم رجعت نمت دق علي ابو قحط الساعه 2 هاه صحيت قلت والله ودي ارجع انام مايدري خويكم خفاش راعي نوم وسهر الليل الا مادريت الا جوالي الساعه 4 ابو قحط هاه ياولد قم قلت له خلاص اوك قالي لاتغدى جايك وجايب غدا المهم قمت اخذت شور وفكيت الريق قعدت شوي الا ابو قحط جايب هالمشاوي كثر خيره واكل يالله لك الحمد انا وياه وخوينا بعدها طلعنا ع السكاي ع الساعه 6 وتكيه وشيشه ع الجوو البطل وقهوه امريكي وروقان لين قلت قم ندور للعيال فندق طبعن المارينا عاااامر من يوم ماوصلت لن الشباب الحلوين كنا مخططين يجون ع مراكش مو اكادير الا قبل سفري بيوم قالو نبي اكادير وتلخبط كل شي واروح اماديل اللي ساكن فيه ابو قحط فلل استاذن ابو قحط قال بنام لي شوي قلت اوك واروح صحارى فل دقيت ع محمد عاطي قالي مالك الا قصر الورود وارسلني ع واحد مدري وشسمه المهم حجزت لهم ثلاث غرف بـ480 المهم انه حلو ع سعره ورايق وهدوء بعدها ارجع ع الشقه طبعن خوينا ذا ناشب انا استغربت وش فيه ماراح واستحيت امشيه جات 11 الا عيال بالطريق اخذو تاكي من كازا وصلو الساعه 5ونص طلع خوينا يقول مابي امشي واخليك لحالك ياعمري ع الحنيه مامشى لين العيال وصلوا اكادير طبعن العيال كلهم عيال خالني واحد منهم قال ابي اجي والقى عصفوري جاهز اثق ف ذوقك قلت ف نفسي انا اوريك وانشبه وانكبه بواحد ههههههههههه وصلو ا العيال قلت لحافظ يجيب لهم عشى جات الصدمه انهم عيو يدخلونهم ليه قالو مانقدر طيبب بيتعشون وبنطلع اصلن انا حاجز لهم ف قصر الورود قالو لا واروح واحد ف الرسبشن ماودي ادعي عليه واحد اشهب كذا وجه وشعره بني قلت ذولي اصحابي بنتشعى ونطلع قال لا قلت ليه لا قال اذا شقت ملك داخل اللي تبي ؟؟؟؟؟؟؟! قلت انا مستاجره منك وباسمي يعني تبعي ادخل اللي ابي ودافع فلوس عليها موب تفضلن وتكرمن منك قال تبي ولا اطلع برى الفندق قلت بطلع بس بكره خف علينا ياسوفتيل ياتلانتس انت ونطلع ع قصر الورود ونتعشى هناك الا ابو قحط يدق هاه وينكم قلت جاين قال يالله الساعه 1ونص ونروح ع مخيطو طبعن مره اخوي يكلمني وهو المره اللي راحت جيتي للمغرب كان معي قال وين رايح قلت مخيطو قال وش ذا الله يقرفك ههههههههههههههههههههه ..
تكيه ف مخيطو المهم جت اغنيه اغنيه والعياذ بالله حقت الهلال الموج الازرق وانا والنصراويه نقول العالميه صعبه قويه ..
خلصت الاغنيه الا والهمه جاء عليه تنكس ...
المهم ناظرت بطاوله حقتنا الا ياولد وش هالعصافير اخذو طاولتنا اثاري وابو حميد مجمع 6 ع كيفكم وكدوشه ابو شعكوكه ع قولتهم مبرطم ع النكبه اللي نكبته ..
بعدها انشقت الصفوف وين نكمل ناس يقلون اطلانتك وناس شهرزاد طبعن العصافير اللي معنا انا ابي اطلانتك وابو قحط يبي يروح شهرزاد ماشافه المهم رحنا شهرزاد الدخوليه بميه ..
شوي ساعه كلن مشى تعابنين وانا مثلهم والله وارجع ادق ع حافظ الساعه 4 عزابي ونومه لين 4 صحيت مروق شبعان نوم وادق ع حقين مساج وشلون نظامكم تجي بـ400 ولا نجيك بـ500 قلت تعالو خلصت مساج الا عيال قالو احنا ف الوبي قصر الورود سوينا تشك اوت افا ياعيال وش دعووه ليه كذا قال تعال ونعلمك قلت طيب ..
واكلم حافظ جيب معك ماكدو واتغدى و ع قصر الورود وش فيه قالو نبي نروح مراكش ياشباب قالو نبي فيلا وجمعه قلت طيب بكره حجزنا في بيلا روزا قالو لا نروح وندور فيلا قلت بكيفكم ونودع ابو قحط ونمشي ع مراكش بـ1200 سياره مرسيدس حلوه كبيره جديده شوي ونظيفه ماشاء الله ساعتين الا واحنا عند ماكدو ف مراكش وانا اكلم بطريق كلمت مريم قالت حجزكم امس ليه ماجيتو افا الوضع كذا صدق طلع العيال ملخبطين ف التاريخ المهم اكلم جلال موصيني عليه اول بو عبدالله واكلمه قال مين مرسلك قلت ابو عبدالله قالي فيه شقه وبكره تفضى فيلا قلت له انا بكره يمكن القى فله ييلا روزا صراحه ماوعدك اسكن بكره في فيلا عشان نكون واضحين شوي ويكلمني واحد وياهلا بهالصوت حبيب الكل ابو عبدالله سواليف وتعال قال فيه عزيمه وكذا اعتذرت منه قلت له تعبانين وبنام قالي فيه فيلا بكره قلت اذا مالقيت بيلا روزا جيتك اعتذرو من حقهم وانا اعطيت كلمه مريم المهم كلمني جلال قال الشقه لازم تاخذ فيلا من عندي قلت له شكرن انا مابي اوعد واخلف والله وين نروح وننزل ع ماكدو ناخذ عششى وسالنا ع مراكش بلازا اللي فوق المقهى كل شوي يدقون وجاي وكذا المهم التاكسي نزلنا بعفشنا تخيلو اربعه ع الرصيف قدام المقهى الساعه 11 تاكين ع الرصيف معهم عشى مايدرون وين يروحون قممممه التحطيم هالمنظظر المشكله الارقام اللي اعرفها كلها راحت مع فرمته الجوال ماعندي احد والقى في المحفظه كرت الدرقاوي من السفره اللي راحت اودق عليهم قالو ماكيين طيب وش السوات وكل شوي يجينا نصاب انا اوديكم انا اجيبكم ياعيال فندق قالو اي شي ننام فيه اليوم وندور ع رجولنا مالقينا كله معفنه ..
المهم جونا اثنين قالو فيه شقه ثلاث غرف دورين قلنا تم ونروح ونلقى الشقه بدت علامات الابتسامه تعلو ع وجيهنا المهم حاسبنا واعطينا هم اثنين واحد اللي كان يكلمنا بخشيش والثاني بس منظر الاخ قال ابي بخشيش قلنا ع ايش الا واحد من العيال يعطيه 10 درهم هلل حقد ماخذها اعطانا نظره انا اوريكم المهم سكرنا الباب وقاعدين نتعشى ونضحك مامرت ثلاث دقايق الا راعي الشقه رجع الفلوس ويقول برى ليه يابن الحلال قال مابي مشاكل مع ذوليك يالله ياهو واروح عندهم كلن يحطها ف الثاني قلت انا اوريكم والله ماعطيه الثاني حتى 10 درهم مايشمها يالله مشينا ياعيال الا راعي التاكسي اللي وصلنا قال عندي لكم شقق ونروح والله مدري وش اسمه ونوقف الا من برى حلو وفخم واحنا اللي نستانس ايوه من اول
وننزل وناخذ غرفتين اللي باقي نزلنا الشنط ناخذ الغرفه بـ1000 حقت نوم بس ناخذ شور وقلت لهم يوم مايروح كذا مشينا نسهر اللي بدا يتثاوب واللي قال تعبان مابقي الا ابو حميد الشنب قال انا ماجيت انام قلت يلعن ابو فنك مشينا ونروح ع الياسمين طبعن بنفس التاكسي اللي اجرنا جولاتنا مقفله شحن وناخذ كرته صدفه وننزل الياسمين قال نتقابل 6 هنا قلنا طيب ونمشي وننزل الا جوه ماعجبنا تغييييير الياسمين وصار اثاثه مكسر والفرقه تغيرت موب مثل اول قال خويي وش ذا الخرابه اللي جايبنا فيها قلت مشينا النرجس و ناخذ تاكسي ثاني وع النرجس طبعن جوه عادي النرجس نتكي بدينا نروق ننسى شوي يوم القروشه واشحططها مع السماسره وحقين التاكسي فجاه تذكرت قلت ابو حميد وش اسم الفندق الا قال ويحط يده ع راسه كيف نرجع ؟؟؟؟! قالي معي كرته وندوره ونلقاه طيب كيف نكلمه وتكهرب جونا جولاتنا مقفله بطاريه ........
رجوع للفندق + بيلا روزا + الكبيده ديالي + السواق ابو العربي + خربت السهره ع العيال ههههههههه
2012-10-07, 05:14 PM
المواضيع المتشابهه للموضوع: المغرب _ وشلون مغليك وانت الذي علمتني حبك
العرض العادي
الدرهم المغربي مقابل عملات الخليج