المغرب _ وشلون مغليك وانت الذي علمتني حبك

السلام عليكم ورحمه الله وبركاته ....
هذي بسرد لكم رحلتي من الف للياء وان شاء الله تعجكم
الحلقه الاولى
الرحله :12 يوم
الطياره :الخطوط السعوديه للاسف
مده الرحله :6 و40 دقيقه مع تاخير 1 كامله ف مطار جده
سعر التذكرتين :ذهاب الرياض جده كازا مع اني طلعت من جده والعوده مثلها القيمه 3600 و700 ريال كازا اكادير ذهاب فقط
بسم الله نبداء
طبعن كنت مخطط اني اروح المغرب من قبل رمضان بس ابي شله حلوه عشان انبسط وانا رافض فكره اسافر لحالي ..
طبعن اقرباي حاجزين 9 ايام فقط وانا دافع3600 واقعد 9 ايام بس صعبه احس اني ماحللت التذكره واقدم رحلتي عنهم ثلاث ايام المهم ..
يوم السفر نمت الساعه ذاك اليوم السبت ورحلتي يوم الاحد 9/ 9 ميلادي صحيت الصبح الساعه تسعه 9 افطرت اخذت اغراضي وع المطار قبل الاقلاع باربع ساعات ختمت وشحنت اغراضي وجلست اخذت لي كوفي وشوي تجيني رساله ع جوالي تمت تاخر الرحله ساعه واسال فيه مكان تدخين قالو لا قلت طيب وشلون ادخن قالو ادفع ميه وادخل صاله الفرسان والله وجهي ع الفرسان وادخل القى ابو شنب حق لجنه شاعر المليون الكويتي الاسمراني وسواليف انا وياه ومعنا 4 اشخاص سواليف لينن الساعه 1 كلن سافر الرجال طلع عسل وحبوب سالني كنا ناخذ كيك وكذا قالي وين مسافر قلت له كازا ابتسم قالي جوك عالي ضحكت المهم رحت كنا جالسين والادمي ابو شنب انا شايفه بس وين مدري حاولت اعرف هو وش بالضبط ماعرف سالته انت تطلع بالتلفزيون بس صراحه ناسي وين الا واحد جنبه يقول و هل يخفى القمر هذا بشاعر المليون قلت ايه طبعن قلت ف نفسي وهل يخفى الشنب المهم نادوا ع الرحله رحت ع البوابه عندي صور قليله بس بتعلم كيف ارفعها واحطها لكم ...
المهم جلست جنب واحد سواليف لين وصلنا ..
نزلنا وكنا ثلاثه انا واللي جنبي واللي كان وراناعند الجوازات ماشين مع بعض شوي رحنا للشنط تاخرت ومالقينا شنطنا والساعه 7 ورحلتي ع اكادير بعد ساعه وامسك واحد راعي عربيه واقوله حبيبي عندي رحله ابي شناطي شوي الذيب دخل جوا وجابها واعطيه خمسين ريال قلت تستاهل طبعن كل محد قالي اكراميه عندي خمسه ريال معفطه رايحه فيها من الجنز اطلعها لهم ماصرفت طبعن كلمتهم الموحده سير خويا اخذت عفشي وع وفاء كاش صرفت وفتحت ع حساب ماخذت دقيقه بيض الله وجه هنجار هو اللي علمنا والله يسعده دنيا واخره ..
المهم رحت قصيت بورندق وع البوابه شوي نادوا ع الرحله اغادير وركبنا الباص ونكمل التقرير المره الجايه لاني تعبت والله من الكتابه
ملاحظه ؛ اول مره اكتب تقرير يعني اذا شفتو اخطاء وكذا مشوا عادي الى اللقاء

الف الحمد لله على سلامة

وان شاء الله انها كانت سفره موفقه

متاابع معك

تحيااتي لك

__________________
ياعرب ترى المكارم والمروّه

سـيف عـز فاللـقـا ما هو بحـاكل

والسمو الى جهـل قيمة سموّه

ما عرف فرق التوكل والتواكل

السالفه فيها اغادير يالبيه بس
الى الامام لارجوع بس لاتبطي علينا

الحلقه الثانيه ,,
وصلنا الباص دخلنا جلست الا فيه سعودين والباقي اجانب وحريم كبار ف السن طبعن السعودين طاقين ثياب وباين عليهم خبره طبعن خويكم اجتماعي اي واحد يشوفه طق حنك وين حاجز انت وانت وين حاجز هم طلعو اظاهر اسمه كنزي اوروبا شي زي كذا وانا قلت لهم حاجز ع المارينا حجزت عن طريق محمد عاطي المهم خوينا محمد عاطي ف نفس اليوم مايرد علي وصلت المغريب شريحتي موبايلي عيت تشتغل المهم فيه عصفور حلو ومرتب طبعن اخويانا انبرشوا عليها ماردت عليهم المهم جينا للطامه الطياره طلعت مراوح ع ان حق البورندق يحلف بالله ان من عام 98 توقفت انا صدقت المهم الا وطياره قدامي اشاور نفسي اديور ولا وش الوضع قلبتها ف راسي قلت بترجع 1400 درهم تروح ع فاضي سميت بالله واركب سلم الطياره اللي مدري كيف جاي المهم ساعدت العصفور بشناط وكذا طلع مقعدي اول واحد ع اليمين جنبي فرنسيه مدري مغربيه طاقه هالكتاب وقدامي مضيفه وع يساري فرنسي يتميلح مع المضيفه طبعن كالعاده الفرنسي ينضرب له تحيه المهم ماعلينا بعد 1 وعشر دقايق طبعن انا اكثر واحد اتلفت من الخوف وحاطيني اول واحد "مقصوده " هههههههههههه نزلوا الركاب مابقي الا انا والمضيفه والعصفور نزلت وانا امشي للبوابه قاعد اصورلكم المطار والطياره الا هي انبرشت علي قالت تبغاني اصورك المهم حمله صفو النيه ماهيب عندي بعد ماصورتني قلت لها ممكن رقمك قالت لا ماقدر .........
قعدت امشي وانا القط وجهي قاعدين نسولف وكذا اخذت شناطي وطبعن الخمسه ريال تذكرونها مافي الا كل شوي تطلع وباقي هم سير خويا لين حق التاكسي كم قال 300 قلت 250 تبغى ولا التاكسي كثير قال اركب واركب معه اول ماتركب مايمديك تمشي ثلاثه متر الا عسكرين وقفونا طبعن السفره اللي راحت كانوا يقلون اكراميه للطيبين الحين صاروا يقلون حلاوه هههههه ...
طلعت له الخمسه ريال قلت باقي ماصرفت طالع فيني وقال سير خويا ..
المهم انا راكب مع التاكسي اول مره اسافر لحالي واكادير اول مره اجيها ومحمد عاطي مايرد ع قوله اللمبي ركبي تخبط ع القيران..
وشكل راعي التاكسي مايريح ولو صار لي شي لاسمح الله مامعي جوال ..
قلت له ابي شريحه شريت شريحه شوي اللي يخوفني زياده قالي انت قد جيت اكادير من قبل خويكم فك عليه ارنب ماشي مليون ايه كثير بس اول مره اجي طياره وانا قلها اساله هذا ايش وش ذا حق مين هههههههههههه ..
المهم وصلنا المارينا لقيت حجزي وسويت تشك ان الا لما قلت لها غرفه وصاله ومطبخ حقت الرسبشن الثانيه ضححكت لما قالت خويتها ايه وبعطيك شقه مزيانه قلت لا اول شي اشوف الشقه خفت اتمقلب شفت الشقه وعجتني وعيبها كان حق سيفتي بوكس خربان المهم وصلت الشقه ميت جوع قلت اخذ لي شور واتعشى وبشوف ذا مخيطو اللي رجو امنا فيه هذا الكلام كان الساعه 11ونص ....
* ملاحظه انا صرفت كاش بـ9 الاف ريال اعطوني 20 الف درهم نسيت اقولكم عشان اكون دقيقه بالتفاصيل الماليه ونكمل ف وقت ثاني ياحلوين

الله يسلمك حبيببي الحمدالله انبسطت وغيرت جو يشرفني اخوي سمو متابعتك وان شاء الله يعجبكم
تحياتي

الروعه مرورك لاتحمسني اكتب التقرير كله ف جزء واحد ههههههههههه
تيحاتي لك

ايه والله اكادير وارفع يدك تدري وش عيب اكادير مفروض تخليها اخر مدينه لانك لو تسافر بعدها اي مدينه بتكرها وبتشوفها ولا شي
تحياتي لك يابطل

باك
وصلت حطيت اغراضي واخذت دش ولبست وصليت وتكيت ابو عشر دقايق حطيت الاب والسماعات وافتح هالبلكونه يالبيه والجلسه فيها وبعدها نزلت ناوي اروح ماك بعدها مخيطو المهم انا عمارتي كانت اول عماره جنب الرسبشن رحت للرسبشن اعلمهم ع السيفتي بوكس وقلت لهم يمكن اقعد اربع ايام واكثر ع حسب المهم اشوفف العالم تشطفني ع السكاي ياحبيبي زحمه داخلين له قلت والله لاتعشى فيه واشوف وش وضعه وادخل الا ديجي وتكيه حلوه جلستين جوه وبرى جلست برى طلبت كليب ساندويش ماكملت اول قطعه حتى واحط حرتي ف البطاطس والكولا وطلبت شيشه ع اني ماحبها وادمن عليها الا في المغرب ودك تشيش كل يوم شيشت شوي ابو نص ساعه حسيت ان الجو برد وانا توني ماخذ شور قلت يالله الساعه 1 و عليها احاسب شيشه وكولا واكل وعصير بـ 370 درهم تقريبا واطلع ع مخيطو وانزل قالو الدخوليه مع المشروب بـ200 درهم قلنا ماشي


دخلت الا زحمه يادنيا زحمه اش ذا كتمه وعج ومطرب يغني المهم جلست لين 2ونص قعدت اسولف مع واحد يشتغل في مخيطو اخذت رقمه وجلسني ع طاوله بدون عصير المهم انا شوي وابكي من الغبنه لحالي واشوف هالشلل قدامي ...
طلعت قلت اروح شهرزاد طلعت لقيت العنبره شهرزاد مقفل حليو بس كاني في فندق صلاح الدين اللي ف الرياض وهو الفندق الكئيب والعالم تاكين ف هاشباك المشكله لابحر ولا شي وشوي قلت ياولد دامك لحالك ابنرش ع شله العصافير اللي جنبك وجبهم اسهر معهم في شهرزاد وفعلن انبرشت ع عصفور قلت له انا عازمكم امشوا انا طفشان لحالي قالو طيب مين تبي قلت نفسي ابي اخوياء معي هههه قلت مدري المهم قالت لحظه راحت تسالهم شوي قالت موافقين قلت حلو الا تجيك مغنيه بشهرزاد عليها صوت صياح ماتغني غطت ع ملكه الصياح اصاله نصري قلت خلني احاسب وامشي قلت لهم انا قدامكم هناك وادفع 100 درهم وادخل شهرزاد الا وذيك الزحمه اللي من قلب تمشي وانت تصقع ف هالناس وش ذا وين اللي يقلون حلو طول الوقت واقف كانك حاضر مباراه وجالس واقف مع الرابطه يبو ماينفع كذا فيه طاوله قالو فل شوي واتكي ابو نص ساعه الا واحد من ذوليك الشله يقولي ترى صحباتك مادخلوهم ليه قالت مسوين مشاكل ومدري وش قلت نظامهم كذا واسفط ياحبيبي انا لحالي وقامط العافيه اروح اجيب بلطجيه ..
شوي قلت خلاص بطلع الا طاحت عيني ع عصفور جيد وفلاوي ونظرات وكذا قلت له فاضي قال ايه سواليف وضحك وشطح وبعدها مشيت ع 4 ونص ع الشقه يوم طويل وتعب وقروشه وزحمه وطفش لحالك وانا طالع الا تجمعو علي اللي يشحتون وواحد راعي تاكسي ينافخ يقول لي هات الميه درهم حقه العصر ماعطتيني اياها شكله قال ذا خليي ولحاله صيدتي قلت وخر والله لو احرق ميه درهم ماعطيك واللي معي يقول عطه قلت معصي قال له واللي لاذبحك !!! بعص ام جوي/ مشينا ومشى الموضوع بسلام بس استفدت اني رحت السكاي ومخيطو والعنبره وشهرزاد كلها بـ ساعتين خويكم ماعنده ابي اشوف كل مكان سولفو عنه بالمنتدى المهم رجعنا تكينا ع بلكونه وطلبنا فطور ونمت ع 6 الصباح ....
الحلقه القادمه
شخص في شقه الساعه 11 الصبح + راعي التاكسي ابو ميه درهم ع الكورنيش العصر + السواق الرهيب + ابو قحط + مطعم المويد

خووووووش تقرير واااااصل يابطل راح تنزله اليوم ولا اروح انام