سلاويــة الخــاطر ( أنـا ) في ¨°• لمـنــ يجرؤ فقــط •°¨

حم بون سوار الزين

انا الزين حلفي بالله ؟

اش كتعاودي؟

غي الخير على اللي ضريفين معايا ماشي عليك

شتي كاع ردودك ماعجبتني حيت فيهم واحد النسبة المئوية ديال الغرور

وفين عمرني عجبتكـ :Abu Ahmed (200):

المهم هدشي ماشي موضوعنا بغيت غي نسولك
شحال من مرة كليتي فلاقة فالمدرسة ؟

وحق الله العظيم عمرني ما كليتها , قديمة فلاقه ديال الجيل الشارف ديالكـ , اما جيلي كانو ابتكرو طرق اخرى بحال التيو الليموني ناري شحال كيشوط , ولا تجمعي صبيعاتك ويعطيك بالخشبة , آش ثاني :Abu Ahmed (454): اه واحد الاستاذ كان داير معانا زوين كيقولينا حتى تسخنو يديكم فجيابكم عاد مدوهم لي من الجهتين بجوج


وشحال مرة عشاتك بنت الجيران ونتفات شعرك نتيف؟

ناري بزاف , خصوصا واحد المره كنت انا ووحده كيف السمن والعسل وكنتهادرو ونتعاودو مابينا ماعلينا نضنا نتناتفو المشكلة ماكاينش اللي يفك الحوومه خاوية ايوا الدباز طوال كون ماكان دايز واحد فاعل الخير كون راه مابقات الزغبه فالراس

شوفي داك الكلام ديال الصباغة عافاك حيديه ماعندي ماندير به
تقولي زعما لا انا كنت تلميدة ظريفة وبوقوسة ومة وماعرفت شنو
هدشي كلو غير كذوب كنكذبوها على الناس عارفة ان الكل كلا الدق فالمدارس
وفالصغر
وقولي ليا واش سلاوية من هوات مسح السبورة ايام الصغر؟

هههههههه بلا ما تسولي اكيد من هواته , ولكن اللي كان كيعجبني بزاف هو نحضي فالصبورة وندورها ونكتب السميات بلا ما يشوفو ونقوليهم لا راه ما كتبت حتى واحد , ايوا حتى تجي المعلمة وندور ليها الصبورة واجي شوفي شحال كاتبة ههههه


وراه عارفة هدشي ديما كنفرحو ملي المعلم يقول لينا اجي تمسح السبورة
وسبحان الله السبورة كتكون فيها 10 مترو والمعلم مايخلي لون ديال الطباشير ماكتب به
اوى ملي تجي نتا تمسح كاع الالوان فرموشك وحواجبك بحال قوس قزح ولكن مع ذالك كنمارسو ديك الهواية بكل فرح <ياك ما كنشطح برا الموضوع عاود؟؟ هههههههههههه
وايه راني عارفة ماهرة فالشطيه برا المواضيع بكيفي طيب والي ماعجبو يشرب البحر
جاوبي جاوبي وباركة من الفلساف