اخر سفراتي للمغرب اصبحت غير

بعد احداث مقهى سكره خرجت لصاحبي وظيفه وركبنا السياره وعلى المرجان سوق كبير جدا وسوبر ماركت كلمنا الشغاله النواقص وعدتها لنا واشتريناها وخويي اشرا لضيفه جوال جديد وعطر الله يديم المحبه وعلى الدرقاوي للشقه رتبنا الوضع والقعده وينك يادرب المحبه وعند الساعه 11 تقريبا دق الجوال الو الو كيفك ابو... قلت تمام وانتم قالو تمام هو وين راح تسهرون الليله قلت لسى انا وصاحبي ماقررنا قالو فيه الياسمين حلو قلت سهرنا فيه مره ماعجبنا وسهرنا في النرجس حلو قالو ايش رايكم الليله تجربون نظام الديسكو قلت وين الديسكو هذا قالو مقابل فندق ابو منصور الذهبي الباب في الباب قلت بنشوف ونكلمكم قال واخا قلت واخا قال صافي قلت صافي ماعندي يمه ارحميني وحده بوحده قلت لضيف خويي الديسكو الي مقابل فندق ابو المنصور تعرفه قال اسمع فيه ولا عمري رحلته خويي وش رايك قال نجرب واستعدينا وعلى الساعه 12 كلمتهم قالت قررنا نروح الديسكو انتم بتروحون قالو اسفين منك بنطلع الياسمين صدمه عنيفه تلقيتها انا بكل ثبات ماعاد ادري وش اقول قلت طيب بيننا الو لاتنسونا قا واخا قال خويي وش صار قلت الديسكو وقال هم قلت هم الياسمين قال صراحه الديسكو وه مايعجبني وحتى ضيفي يقول نصه اوربيين (ليت الغرابيل جتني من عدولي) حتى خويي خذلني صار موقفي صعب وزودت الطين بله واحد ورى واحد سفن اب اخظر يلذيذ يارايق تشجعت وقلت بروح لالا لاتروح مالها داعي نسهر هنا او في الياسمين او النرجس قلت بروح كان تصرف خطا مني بس ربك جاب العواقب سليمه رحت الدسيكو والله والله ان المساحه حقت السياره ماتلحق مطر يصب وضربه في السياره يخوف الشوارع فاضيه بس كان جوي فوق السحاب وتراه الديسكو بعيد من الدرقاوي شوارعه فخمه وبناياته واليا يومكم نسيت اسمه المهم حصلت موقف كاني جئت بدري دفعت 100 درهم ونزلت مع درج ياكثر البودي قارد في ذاك الديسكو لقيت سعوديين شيبان ولقيت عرب وخليجيين واوربيين جلست على البار مباشره وجهي للبست قامت تكثر الناس وفيه دور ثاني فوق المهم رحت فيها سوالف ورقص واحد ورى واحد وسرى الليل ماحين فطنلي الا واحد كان يراقبني وانا مدري ورحت دورة المياه وخليت مفتاح السياره والجوال على البار او على طاوله المهم يوم رجعت ادور جوالي ادور المفتاح الا وهو قربي مني قال ضيف رقيق طبعا قالي ايش فيك خويا ريح ريح وخذ جوالك لاتخليه من يدك جلست وقلت شكرا يعطيك الصحه . قالي اشرب مويه او كافي وريح اشرب مويه كثير انت جاي بسياره قلت نعم قالي خطر عليك تسوق . وشغلو اغنيه غربيه وطبيت مع الناس والي نصحني وحفظ جوالي طب وراي وانهبل قام يطامر ويرقص الساعه 2 قررت اطلع وطلعت الدرج استكشف الدور الثاني ولقيت ناس تمصمص ناس وعالم منتهيه اوربيين ومغاربه ولقيت في جوالي مكالمات مالها حد وكلمت خويي وهاوشني وزعل ياخي وينك ليش ماترد قلت دسكو ياخوي وصجه ولجه طيب وينك تعال حنا في الياسمين وصاحبك الي في سكره جالس معنا على طاولتنا وشبك مع ظيفي وسيطر عليه قلت انا ماقدر اسوق قال خل السياره واركب تكسي ليتني طعته وسمعت كلامه نزلت وعلى نزلتي الا والشخص الي من اول الليل يراقبي مازال يراقب وجالس يشرلي رحت له واقبل علي قال اوعى تسوق وحط بالك على نفسك قلت انت ماقصرت مشكور بس ودي اذا فيه مطعم انا ميت من الجوع قال الفندق فيه مطعم راقي مع بار تحب تروحله واذا تحب اروح معاك انت براحتك منتهى الذوق صراحه واخذتني عاطفه يمه قويه قلت يالله مشينا قال انا جويي وهواي خليجي صراحه العمر تقريبا 25 خرجنا وخليت سيارتي قطعنا الشارع وعلى الفندق وعلى البار الي فيه مطعم vip طلب هو كاس واحد من الكيسان الغاليه الي فيها مدري وشلونه ازرق فاتح وفيه ورد مدري فواكه وانا طلبت وطلبنا اثنين استيك نص استوى وزانت السوالف وفيه واحد كويتي كبر نبيل شعيل مكشخ مر من عند طاولتنا وقالي الله بالخير احسبه يقولي عبدالله بالخير ورجع ثاني مره وقال اشلونك يبه قلت تمام قالي بس حدك هزيت راسي مدري وش قال قال الظيف الي معي تعرفه قلت لا دق تلفون خويي وينك قلت في بار فندق المنصور قال ويش فيك انت من ديسكو على بار قلت جوعان والبار فيه مطعم قال كيفك قلت الحين تمام قال الساعه 3 ننتضرك بتجي ولا نروح الشقه قلت روحو الشقه . بكمل لكم التصرف الخاطي من صديقي والموقف المحرج الي وقعت فيه

واصل بدون فاصل احداث مشوقه

تقرير رائع واحداث مشوقه وسرد جميل مااقدر اقووول الا يالذييييذ ياراااااايق هههههه .. تحياتي

رايق يالمحيط رايق ..

استمر معاك حد الدوووووووووووووسه ..

__________________

:

__________________
انتــ وينكـ ؟؟ كيف علمك الجفاء تقتل حنينكـ

وقالي الله بالخير احسبه يقولي عبدالله بالخير

هههههههه... لو انك قلت له متى بتنزل شريطك الجديد...!!!؟؟؟

يالغالي طولت علينا

__________________

شكلك ما عندك نية تكمل

الله يسعدك حبيبي المحيط الهادئ

ياليت تخلي فراغ بين السطور لان كل اضافه اقراها مرتين

وحاكر السطور على بعض تقول تمر ملاصق هههههه

كمل الله يحييك