رد: اخر سفراتي للمغرب اصبحت غير
نكمل. الحقيقه اني ارتاح كثير في الشقق اكثر من الفندق ولذلك كنت مصمم ان اخر ليلتين نقضيها في شقه سبق وان استاجرناها وهي في مجمع النور مندي تو اسمه كذا ويبعد عن محطة القطار وفندق الريجنسي 5 دقائق مشي ليش بالذات هذا المكان لانه حلو جدا من حيث الديور ويوجد عوازل في الجدران والقزاز تمنع الصوت من الخروج او الدخول وكذلك ان الشقه تطل على مسبح يقع في الوسط بين مجموعة الابراج او العمائر . المهم اننا اجتمعنا في غرفتي لاني انا طفشت من تصرفات ضيف خويي الي مالها داعي . اجل له كم يوم زعلان اني ماجلست ولد خالته معي وقام يشين نفسه علينا وصاحبي مافتح الموضوع ولاشي . يوم جوني في غرفتي قبل ان نذهب للسهره في vip بعد مابسطنا شوي فتحت الموضوع وهو موضوع تغيير الفندق والانتقال للشقه ولم يجاوبني احد قال ضيفي الي يريحكم قلت انا وانتم ياشباب وش رايكم اقصد صاحبي وضيفه ولارد صاحبي الي رد ضيف صاحبي تدرون وش قال قال انا بكره محتاج اروح يوم وبعدين ارجع لكم ان كنتم في الشقه او الفندق . قال صاحبي يعني علشان فتحنا موضوع الانتقال للشقه بكره انا عزوبي وحداني قاله ضيفه اذا صاحبك ماعنده مانع ممكن تروح معي زياره للاهل في القنيطره . قلت انا بكيفه هذا رجال عاقل بالغ راشد اذا يحب يروح معك هو حر انا بكره بسلم غرفتي وبروح للشقه وكلمت سليم رحال ودق على صاحبة الشقه وقالت بكره من الضهر الشقه خاويه مرحبا بيكم . وسهرنا اخر ليله قبل مغدرة الفندق في vip ولم تعجبني السهره وكملتها معهم مجامله ولكني لاحظت انه صار نوع من التقارب بين ضيفي وضيف صاحبي في تغيير واضح وبعد السهره رجعنا للفندق وضيفي صراحه مريحني وفهم جوي حتى هو جوه رائق . وسهرنا كل واحد في غرفته حتى غلبنا النوم . ولاصحيت الا على تلفون غرفتي صاحبي يقول انا انتظركم في الريسبشن تحت وبعد نص ساعه نزلنا وسلمنا الغرفتين وكلمنا سليم رحال وجا على طول وغادرنا ونزلنا عند الشقه وعطيته 1000 درهم وكتبتله كل الاغراض الي نبيها . والي تبيها الشغاله وزدنا عليها ملطفات الاجوا . وبعض المكسرات والشوكلاته ولزوم الانس والروقان . وبعد مغادرت سليم اخذني صاحبي للغرفه على جمب وقال لي انا طالبكم تروحون معنا للقنيطره نشوفها ونكتشفها ونخلي ضيفي يقضي حوايجه ويخلص اشغاله ونرجع سوا قلت الله يستر عليكم روحوا والليله نشوفكم لازم عندن في الشقه حفل خاص . سوف نكمل