اخر سفراتي للمغرب اصبحت غير

الله يعطيك العافيه
تقرير شيق وجذاب

اشكر كل من تابعني واحب اقول لكم ان المغرب هي الاصاله هي العراقه الطيبه فيه شي لم تعرفونه عن اهل المغرب هم طبعا من اطيب الشعوب العربيه وحياتهم ثريه بالاصاله والشعبيات والخجل يمشي في دمائهم الان نعود للاخوان اي لديهم اسئله عن تكاليف السفر للمغرب يختلف من شخص لشخص لكن انت ومصروفك طبعا في المتوسط لو حسبت انك انسان حالتك الماديه وسط او اقل من الوسط بيكون مصروفك من 700-1000 ريال في اليوم لوجينا نقسمها نقول مثلا السكن ممكن الشقه تكون من 300-400-500-600 ريال سعودي وانته واختيارك . كيف تقتصد على شان سفرتك تطلع طويله وتزيد ايام وجودك في المغرب . طبعا السهر كل ليله والاكل في المطاعم الفاخره هو دمار للميزانيه .حجز طاوله ومادراك ماحجز الطاوله وهيلمه جربناها كثير وفي الصباح تحس بتانئب الضمير اخيرا صرنا ندخل ونطلب طلب ونتفرج ونمشي هذا اذا حبينا انا نروح لمكان نسهر لكن الجلسات في مقر السكن على سبيل المثل شقق وفلل الدرقاوي . او الروز قاردن . جربوها حلوه مع اصحابك ولاتكلف كثير وعشاق الرباط فيها فلل للسهرات روعه .اكثر شي يجب ان تحسب حسابه السكن والسهر باقي المصاريف عاديه لكن ياخي حكايه المصاريف وكم تكلف الرحله احس انه سوال صعب الاجابه عليه الا في حدود المعقول والتقريب لانه يعتمد على ماذا تاكل . وتشرب. وين تسهر . وش تركب . وين تروح . وين تسكن .تتقهوى. تعسل . يزورك ضيوف يومي ولا يوم بعد يوم او كل ثلاثه ايام ضيف. هل سفرتك كلها في مدينه واحده . او اثنتين . المواصلات بين المدن .طائره.قطار. سياره .على فكره ياشباب اذا كنت هواوي ونفسك خضرا انصحك بعدم السفر لوحدك قدر ماتستطيع . اما اذا كنت قد رحت وجيت وجربت وتقدم بك السن شويه فلاباس لانها طبيعيه ومريحه للبعض خاصه فاقدين الحنان . والهرب من ازعاج البيت والاولاد . تحصله يرغب الهدوا والراحه.فيه نقطه احب انوه عنها وهي خاصه فينا نحن الخليجيين والسعوديين بالذات .وهي التقليد لما سبقنا في جميع الحالات ناس راحت بلد كلنا نروحله ناس سكنو فندق كلنا نسكنه وهلما جرا .المغرب لم يكتشف الا قليل منه بسبب اتباع سياسة وتصرفات من قبلنا وتقليدهم . فندق صحاري كلنا صحاري اماديل بيتش . المارينا . فالدي انفا .اكثر الخليجيين والسعوديين حافضينها حفض.يطلبون السلامه وخائفين من التغيير احد منكم زار مدينه شف شاون . احد منكم زارع مدينة العيون لو يوم من الصباح الى المساء .احد منكم زار القنيطره وحقول ومزارع القنيطر .تكلفة القطار لها 40 درهم يعني 20 ريال .سنين مرت علينا كاد روتين السهر بالليل والنوم في النهار يحرمن من متعة السفر لاننا ملينا اما الان ففي كل سفره احاول ان اجرب اي شي جديد .والصداقه موجوده لاتفرط في ارقام اصحابك واصدقائك في المغرب مهما كان نوعهم .