(دعوه للنقاش) الجيل الجديد مضحوك عليه

عرفت المغرب عام 2004 او نهاية 2003 ماكانت كذا كان رواد المغرب نادر ان تجد بينهم شباب صغار في السن يعني من 25 سنه وتحت كانت المغرب وقتها لم تشهد كثافه سياحيه شبابيه بهذه الاعداد قبل مظاهرات الدول العربيه ومع تزايد اعداد الشباب بدا الاستغلال في كل شي وخاصه في اسعار السكن والسهر والصحبه واصبح الجيل الجديد من المسافرين للمغرب يترد على نفس الاماكن التي توارثوها من توصيات بعضهم البعض لدرجة ان الشقه التي كان سعرها كان 400 او 500 او 600 اصبح الان 1200 . 1400 .1600 والسهره الي كانت تحتاج حجز طاولة ب 800 او 1000 او 15000 اصبحو الان يتحدثون عن 2000 و3000 و 4000 مزايده يعني وذلك بسبب تردد الخليجيين على نفس الاماكن حتى لو سافر للمغرب 10 مرات تجده لايعرف الا نفس الاماكن ويوصي بها لغيره واكثر الشباب يطرح سوال ويقول ياشباب من يعرف شقه امنه وفي الحقيقه ان الشقق التي يعتبرونها امنه لم تعد كذلك من كثر مايتردد عليها الخليجيون وحصلت مشاكل في شقق يعتبرونها الاخوان امنه بالرغم من سعرها الغالي كذلك على سبيل المثال العام الماضي سكنت في شقه في مراكش روعه جدا جدا 500 درهم فقط وعند المغادره قلت ياخي سعر الشقه معقول جدا قال عندي شقق متفرقه في انحا مراكش جميله جدا بعضها 300 درهم لاكن انتم الاخوان الخليجيين تاتون افواج متعاقبه على اماكن محدده ومعروفه من بلدكم وليس عندكم الجراه او القدره على التغيير والاكتشاف فقلت الشباب يحبون الاماكن الامنه قال جميعها امنه ويكون في علمك اننا نتجنب ان نوجر الخليجي في اماكن فيها خطر لان المشكله سوف تلحق بنا نحن ايضا . حبيت انني اطرح هذا الموضوع للنقاس وان نحث بعضنا على عدم تكرار الاماكن والمدن مثل بعض الشباب لايعرف الا كازا .مراكش .اغادير وهذ ماجعلهم يتحملون ايضا زياده في المصاريف ارجو من الجميع ان يبدي رايه ولي عوده معكم .

مساء الخير اخوي

مشكلة المغرب الحين انها صارت الوجهه الوحيده تقريبا واغلب الشباب توجهوا لها اول سفره لي للمغرب عام 1998 كان الوضع يختلف تماما اذكر سكنا في فله في الرباط

1500 درهم في حي الرياض وفي الصيف بعد وكان سعر الصرف اكثر من الحين ...

قبل 5 شهور كنت في مراكش وجالس في مقهى وبار كوين وكان فيه فرقه تغني اغاني خفيفه وفيه شباب جالسين ع طاوله ثانيه : (212):

من تصرفاتهم انهم كانوا ينقطون : (76): : (722):

شكلهم متعودين على مراقص سوريا

هالاشيا ما كنا نشوفها في المغرب اول

طرحك مميز اخوي المحيط احترم رائيك وصراحتك بشده وموضوعك بالصميم خصوصا بهالوقت الحاضر ... اسمحلي افضفض شوي وادخل معاك بالموضوع بكل شفافيه وايضا يستفيدو اخوانا الاعضاء

الخبره تلعب دور كبير خصوصا بالسفر للمغرب بهذي الايام وانا اخوك والى ما عنده اي معلومات يروح بخرايطها ويتبهدل خصوصا صغار السن والى يدفعو بدون ما يسئلو الى لهم والى عليهم وهذا خرب الى ناس كثيرين خصوصا القداما


بخصوص اسعار السهرات والطاولات وش حدني اروح لناس تستغفلني وتنظر ليا باحتقار وازدرا ولا تقول اني ابالغ لاني شفت هالشي بعيوني وحكالي خوي لمن سافر وخصوصا بالسنتين الاخيره

والشي الثاني ... الى بتدفعه بحق طاولة واقسم بالله يمشيني حق يومين مصرف كامل هي وقفت على الكبريهات بفلتي .. مدام السعر تدبل وصار فيه استفزاز ( يا تدفع او اقلب وجهك ) هذي نظريتهم في هالاماكن واذكر اعز خوياتي اتصل يبي يحجز طاولة بدري ولقى السعر مرتفع جدا وجلس يفاوض بكل احترام الا قاله بما معناه تبي ولا ضف وجهك وقفل الخط !!!


اذكر اني رحت مدينه اسمها الجديده قبل 5 سنوات ورحت منتزة كان على البحر وقصيت التذكره ب 150 درهم وكان معي صاحبي المغربي عزمني على ذا المكان ودخلنا واخذنا احلى طاولة الا ما اشوف

الا الفنانه المشهورة اسمها زينه الداوديه اشهر من نار على علم في المغرب تغني بالاستيج واحلى عزف كمان واغاني روعه وما اشوفلك الا المغاربه يطلعو قدام الاستيج ورقص

طلعت انا والمغربي نرفه عن نفسنا ونفلها ورجعنا لطاولتنا وطلبت معسل ب 80 درهم احلى معسل واحلى خدمه بعدها عشاء خفيف ب 200 درهم واحلى جوله بالمنتزة

وانبسطت كثير علما اني ما شفت ولا خليجي واقسم بالله ما غير مغاربه من نفس مدينه الجديده وناس رايقه وجنتل

طلعت وانا مبسوط انا وخوي المغربي وصلت الفندق لقيت مصاريف حسابي بالمنتزة ما تجاوزت 400 درهم علما اني عسلت ورقصت وكحلت وسويت الى براسي بدون محد يضايقني او يطالع فيني باستفزاز او ينغص حياتي ما غير احترام متبادل

لو بالكبريهات كان مصروفي تجاوز 1600 و 2200 على 3 ساعات تشوف فيها شي يقهرك ناس ترش على الفاضي والمليان وفنان كل شوي ناقزلك بالطاوله يبي بخشيش والخدمه سيئه والمومسات تناظرك نظرات كيف تمص دمك وغير المشاكل الى بعد السهره من مضاربات على الي بالي بالك وملاحقه الشرطه والعسكر والبخاشيش بالبوابات وغيره وغيره

وش حددني لكل هذا !!!!!!!


يا عمي احنا مضحكوك علينا خصوصا بالاماكن الى فيها تجمعات الخليجيه وما انسى اعز خوياني خبره بالمغرب ما يقارب 20 سنه ويعمل في احسن وظيفه بالمملكه وذو منصب

يقول يافهد اول ما تشوف مكان في تجمعات خليجيه حط رجلك لان هالمكان صار عليه الانظار وكل واحد يبي يضحك على الثاني بالسعر

هذي نصيحه من واحد خبير مهو من عندي

والشي الثاني حتى المطاعم رحت مطعم بمنطقه الجديده والمحمديه خاص بالاسماك وطلبت كل الى نفسي فيه ما تجاوز الحساب 180 درهم

وفي اغادير او كازا الاسعار دبل وفي مطعم معروف يتجمعو فيه الخليجيه هذا يطلعلهم منيو خاص للخليجيه وهالكلام من سمتعه من وحده تشتغل بالمطعم ولحد ينكر

زي ما قلتلكم الى يعرف للمغرب يرتاح راحه غير طبيعيه بس يفهمها صح


ونجي لاكبر ملاحظه حقولها ( ما اعترف بشي اسمه امان وما امان ولا اعترف اني اخذ شقه من طرف احد او بالمنتديات لان مدري وش صار قبلي يمكن كانت امان وتحولت لشي مو امان هههههه

انا لي طريقتي الخاصه بالبحث عن الشقق من بعد خبره بالمغرب وبيني وبينكم اذا عرفت شقه حلوة وارتحت لها ما افكر ادلها لاحد لان ما ادري وش راح يصير خصوصا خويانا مع احترامي خفاف ويقلبو البحر طحينه بالشقه ... هذي وجه نظري الخاصه

ونجي للاسعار ... ارتفاع اسعار الشقق بسبب الاقبال الكبير عليها خصوصا من الخليجيه وكثره السمسره وهذا يبي ياخذ والثاني والثالث وترتفع اسعار الشقه علما ان ملاكها يطلبو نصف سعر الشقه

اعطيكم مثال ( تعرفت على مالك شقه بافضل مكان بكازا - واعطاني احلى شقه ب 700 درهم ) مرت الايام وصادفت سمسار عرض نفس الشقه علي ب 1200 درهم شفتو الفرق الفرق 500 درهم حطها بجيبه

الشي الثالث بخصوص الامان وما الامان - ترا المغرب زي اي بلد بالعالم انت تجيب لنفسك الامان وانت الى تجيب لنفسك الشبه - اذكر اعز خوياني سكن في مجمع شقق في حي شعبي معروف في مراكش وهالمجمع عباره عن 100 شقق وكلهم مغاربه - جلس حوالي اسبوع محد داري انه خليجي اولا احترم نفسه واحترم جيرانه ويطلع من الشقه بموعد معين ويرجع بموعد معين مهو سرداحي مرداحي والى ما يشتري يتفرج -

عموما لي كلام كثير على موضوعك اخوي المحيط بس بشوف ردود خويانا الاعضاء

وتحياتي للجميع والمعذرة لو كنت صريح لان الصراحه راحه ما ابي اسوي زي الباقين شغل تلميع وفي الاخير تنصدم من الواقع

__________________

اسمح لي اني اشارك بهذا وقد سبق ان تطرقت لهذا الامر ولا ازايد على اخواني بس اريد اقول شي تصدقون ان السائح العربي يباع ويشترى بين السماسره والاجواء اللي بالمراقص كما يباع الخروف بدون علمه وانا اعرف هذا وعندي ما يثبت ذلك ( سائق التاكسي وسمسار الشقق والعاهرات في الملاهي والبار والشغاله والطباخه والكل يتاجر بك لانك لا تحترم نفسك)

المشكله باختصار فيه نوعيه كانت تسهر في سوريا تحولت الى المغرب

اتفق معاك ميه بالميه

بسم الله على طنجة ما جوها اهل سوريا . المشكلة في الاشخاص انفسهم ليس في المغاربة اذا لقيا المغربي صيدته زانت له و اذا لم يجدها رجع على لطبيعته . اذا فيه ناس اغبياء كان هناك ناس حرامية العلاقة طردية كلما زاد ذكاء الانسان زاد استغلاله لغباء الاخرين . و بيني و بينكم الناس اكلها الجوع وهاذولا شاة الله في ارض الله .

عزيزي انت تتكلم عن عام 2003 يعني قبل 11 سنه بالضبط ...!!

من الطبيعي ان تتغير الاسعار خلال 11 سنه ومن المستحيل اني اطالب بنفس الاسعار اللي كنت احصل عليها قبل 11 سنه

بالعقل يعني فترة 11 سنه كفيله انها تغير اللي ما يتغير ..

__________________
i am a very private person, yet i am an open book
if you dont ask... i won't tell

ودايما الجيل الجديد هو شماعة تعلق عليها اخطاء المسافرين القدماء .. مع ان الجيل الجديد اللي تقول انه ملعوب عليه

استطاع بفتره قصيره تغيير مفاهيم السفر للمغرب عن طريق هذا الموقع اللي ادارته اغلبهم شباب من سني واكبر بشوي

عالعموم كل شخص له وجهة نظر .. وانا اشوف ان اخطاء وعادات المسافرين القدماء هي سبب الغلاء و الاستغلال اللي حاصل بالمغرب

__________________
i am a very private person, yet i am an open book
if you dont ask... i won't tell

كلام منطقي أوسكار
١١ سنه تغيرت الأسعار في كل الوجهات السياحية في العالم

بس أكيد تحول السياحه من الدول اللي فيها مشاكل الى المغرب له تأثيره على معادلة العرض والطلب

لكن السوق السياحي المغربي عميق جداً و يتحمل الأعداد المتزايدة والموجات السياحية من جميع أنحاء العالم (الخليجيين نسبه صغيره من مجموع السياح المتوجهين للمغرب كل سنه).

التحدي اللي يواجه السائح الخليجي الان ممكن التغلب عليه بالتخطيط المسبق للسفره والتروي وعدم الاندفاع والربشه وطاخ طيخ خذني جيتك والذهاب الى نفس الأماكن بدون تغيير سفره ورا سفره