الكوزينه المغربيه و الأكلات العالمية الطبخ المغربي - مأكولات مغربيه

المروزيـــة ديالــي

سلاوية الخاطر

المروزيـــة ديالــي

المشاركات: 12,579

تاريخ التسجيل: Mar 2012

الدولة: بينـ ضفتــي وادي أبي رقــراقــ

2012-11-04, 06:43 PM

المشاركه #1

المروزيـــة ديالــي

مســاء النور
اليوم حداكيــتــ ودخلتــ للكوزينة باش نطيب ليكم المروزيــة

يــلا بسم اللـــه

ناخذو اناء ونديــرو فيه هذه المقادير

ملـح
ملعقة صغيرة زنجبيل
ملعقة صغيره بزار
ملعقة راس الحانوت مروزية (توابل مخلوطة خاصه بالمروزية)
و2 كؤوس من المــاء

نخلطوهم مزيـان

وناخذو كيــلو لحم من الفخذ ونخليوه يترقد شوية فهذاك الخليط , كلما ترقد اكثر كلما دخلات التوابل للحم

ناخذو ربع كيلو من الز بيــبــ ونرقدوه حتى هـو باش يرطاب

نقطعو
2 بصلات
و2 رؤوس ثوم

ونجيبو طنجرة نحطو فيها اللحم مع الماء اللي كان فيه
ونديرو معاهم ملعة من السمن
ونرميو البصلة والثوم فيهم

ونزيدو ليهم كاس من زيت الزيتون

وناخذو الزعفران الحر نديروه فنص كاس ماء ونضيفوه للطنجرة

ونديروه على نار يطيب

فهاذ الاثناء نجيبو ربع كيلو من اللوز ونسلقوه

ننقيوه من قشوره

منين يطيب اللحم ناخذوه ونضيفو له + 4 ملاعق عسل حر او عادي + اللوز المسلوق +
الز بيــب اللي رقدناه + ملعقة من القرفة

وصافي نرجعوهم يطيبو ربع ساعه وصافي , باش الز بيب يطيب

وبالصحـه والراحه

واللي ما كيحب الحلاوة هذا ليكم عالسريع : (169):

ناخذو
زعفران حر, ملح , كامون , عطرية دطواجن اللحم تتباع جاهزة , وبزار , سمن و2 كؤوس ماء , وثوم محكوك
نرقدو فيهم اللحم ديال الضلعة
ونديروه يطيب مع نص كاس زيت زيتون