عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب


142 مثل من الأمثال المغربية الشعبية

إضافة رد
الـدوكالي
موقوف
المشاركات: 4,190
تاريخ التسجيل: Sep 2011
الدولة: في قلوب المزاعيط
الـدوكالي غير متواجد حالياً  
قديم 2012-11-05, 08:34 AM
  المشاركه #1
Smile 142 مثل من الأمثال المغربية الشعبية


1 قلب البرمة على فمها, تطلع البنت لمها.
2 الله يرحم من زار و خفف.
3 الي وصل بلاد غير بلادو خل الهم لولادو.
4 كون كان الخوخ تايداوي كون داوى راسو.
5 الفقيه دحمان, قرا البرة سبع ايام, و قاليهم الخط عيان.
6 مية تخميمة و تخميمة ولا ضربة بمقص.
7 الحر بالغمزة و العبد بالدبزة.
8 اللي ما جا بالمحبة مايجي بحزارة.
9 ضربني و بكى, سبقني و شكى.
10 الدجاجة غسلات رجليها نسات ماداز عليها.
11 إلى مشى الزين ابقاو حروفو.
12 اللي دارها بديه افكها بسنيه.
13 اللي ماقدو الفيل, زيدوه فيلة.
14 ما تيحس بالمزود غير اللي مضروب به.
15 لا ديالي بقا ولا وجهي تنقى.
16 جا ايعاونو فقبر باه, هرب لو بالفاس.
17 شوف بيتو, وخطب بنتو.
18 جا اطبو عماه.
19 اللي بغا يدفع البلا يتوضأ للصلا.
20 هاك و ارا, ما فيها حزارة.
21 ما تقطع الواد حتى تبان حجارو وما تمشي في الليل حتى يطلع نهارو وما تصحب صديق حتى تعرف خبارو.
22 اللي قال ليك العرس ساهل يسقي لو غير الما.
23 حتى كلب ما تيهرب من دار العرس.
24 مي, أجي نوريك دار خوالي.
25 اللي خلى غذاتو لعشاتو, ما شفع ذاتو.
26 الناس في الناس والقرع في مشيط الراس.
27 إلى عطاك العاطي, ما تحرث ما تواطي حتى الجبال الطاطي.
28 طاحت الصمعة, علقو الحجام.
29 انا في همو كندادي وهو فتقلاع وتادي.
30 عيبك أولية ربيه ليا.
31 وريه وريه, و الى عما سير و خليه.
32 اللي بغى لعسل يصبر لقريص النحل.
33 السفيه تينطق غبر باللي فيه.
34 اللي عضو الحنش, تيخاف من الحبل.
35 النمل الى بغى يعذبو الله, تيدير ليه الجناح.
36 اللي جا على المناول سدة, و اللي جا على الغذا تغذى.
37 فالمقلة و تيحنزز.
38 المندبة كبيرة و الميت فار.
39 الدار دار بونا, وعبيد بانا اطردونا.
40 اللي قال العصيدة باردة, ادير يدو فيها.
41 مكلسني كلسة خوك و حاسبني حساب عدوك.
42 عيات موت الحمق ما تعض فشاربها, قاليها من جهتي غير قطعيه.
43 علاش عطيتي ميتين يعطي لباك كيتين, لا خد حمر لا سوالف ملوية.
44 لالا زينة و زادها نور الحمام.
45 تيبيع القرد و تيضحك على اللي شراه.
46 ما حد ليتيمة تتبكي, و ربي تيزيدها.
47 اللي بغى الزين, يصبر لتقيب لودنين.
48 ما عند القرعة ما ترعى من غير مشيط راسها.
49 كون تصحابها تكتاب, من دق الباب.
50 شكارت العروسة مها, خالتها و الحزارة جارتها.
51 عطاونا ثلث كواش, منهم غطا و كواش.
52 الشوف ما يبرد الجوف, والناقة ما ترضع الخروف.
53 الحرفة الى ما غنات تستر, أو واقيلا تزيد فالعمر.
54 اللي ما تيخيط كساتو, يطيب غذاتو, يحلب شاتو عزيه فحياتو.
55 المعروض فنهارو, يبقى فدارو.
56 الهضرة عليك أ لحادر عينيك.
57 إلى مات البو توسد الركبة, الى مات الأم توسد العتبة.
58 إلى طلقتي المرا, ما توريها دار باها.
59 الطلاب يطلب و مرتو تصدق.
60 العمى و العميات و ظفار الجنيات, الأولى تصوت, و الثانية تلوط, و الثالثة تضرب البوط.
61 لا تسرج حتى تلجم و عقد عقدة صحيحة, و لا تكلم حتى تخمم لا تعود عليك فضيحة.
62 الزين بحروفو؛ ديه لمو تشوفو, القرع بفلوسو؛ أرا داك الراس نبوسو.
63 حماتي لالتي و بنتها مولاتي.
64 حماتي و جه الدلو, هي حارة و ولدها حلو.
65 كثرة عطيني ما تخلي حد يبغيني.
66 دخل ياكل الفريك أصبح معانا شريك..
67 اخدم يا صغري على كبري..
68 اخدم بكري ولا روح تكري.
69 خبز الدار ياكلو البراني.
70 دخلناهم يشربوا الرايب قالوا حقنا فالزرايب.
71 دوام الحال من المحال.
72 الدنيا دراعة كل واحد كيلبسها ساعة.
73 نوصيك يا واكل الخوخ من عشرة رد بالك , في النهار تظل منفوخ وبالليل تبات هالك.
74 الزين, الا زين الفعال.
75 وجه الشارفة ما يخفى, ولو تحكو بالحلفة.
76 اللي مدت يدها للحنة, تمدها كلها.
77 الزين في بناتنا سلالة, من العمة للخالة.
78 امدح صاحبك مع الناس, و لومو الراس فالراس.
79 لو كان الصفيحة ترد العار, لو كانت رداتو على الحمار.
80 كون أزماني حرش, و ها وجهي بوس و طرش.
81 تفكر حبيبك و هواه, تفكر فعايلو و نساه.
82 العشق المزروب, كله عيوب.
83 ما كينسي البنت في امها غير همها.
84 حل عينيك قبل الزواج, أما بعدو غير غمضهوم.
85 الهم المنحوس, خليتو فدار با لقيتو فدار العروس.
86 اللَّهُمَّ بْخُّوشَه وْتْونّس وَلاَ يَا قُوتَه وْتْهَوَّسْ.
87 دِيرْ عِينْ شَافَتْ وَعِينْ مَا شِافْتْ.
88 اللِّي كَيْعَمْلُه يَبْلِيسْ فْعَام, تْعْمله العْكُوزَة فْسَاعهْ.
89 أش خاصك العريان الخواتم آمولاي.
90 الشطابا أعروسا والجفاف أنفيسة.
91 ما نعطيوش خيرنا لغيرنا.
92 زواج ليلة تدبيره عام.
93 تا تطلب الزيت من السفناج.
94 الفقيه اللي نتسناو براكته ادخل للجامع ببلغته.
95 اربط احمارك مع الحمير، يتعلم الشهيق والنهيق وخرجان الطريق.
96 إيلا ارخص الشعير اغلات الحمير.
97 الحمار مخبي ووذنيه برّا.
98 اجيو تعلمو الحسانه في روس اليتامه.
99 طاجين الشمايت، النصبا وقلة ليدام.
100 احمر يا المشكورة، دبحو الجرو وصلاو على الهيدورة.
101 اللي ضرقك بخيط ضرقو بحيط.
102 اللي اطيبو المعفونة ياكلو رجلها.
103 الي دار راسوا قي النخالة ينقبوه الدجاج.
104 مبعيدة غير تادلة اما سبع حمير موجودة.
105 لي ضروا رسوا, اعاود لرسوا.
106 الكلب الى ما نبح ماعند مولاه فيه ربح.
107 حزموني ورزموني ولا تعولو عليا.
108 الى تقادو لكتاف يعود الكبير يخاف.
109 اللي تيشطح ما تيغطيش وجهو.
110اللهم النعاس في الخلا ولا ضيافة البخلا, اللهم النعاس في البرد ولا ضيافة القرد.
111كل قرد في عين مو غزال.
112الرجل بالهمة أما اللحية راها حتى عند العتروس.
113هبيل تزوج هبيلة وتهنات القبيلة.
114حتى زين ما خطاتو لولا.
115العتبة مجرودة والركاني بالدودة.
116لو كان الحمام تيبيض كون بيض قبابو.
117الزين تيحشم على زينو والخايب الا هداه الله.
118اللي تسحر مع البعالك يصبح فاطر.
119 النواض (لفياقة) بكري بالذهب مشري.
120 لحوانت متصافه و الارزاق مختلفة .
121 باش تاكل الشوك أ عمي الجمل, باللسان لحلو.
122 لعروسه فوق الكرسي معرفتي فين ترسي.
123 لوجه المشروك عمر ما يصف.
124الجديد جديد و لبالي لا تفرط فيه.
125 دير ما دار جارك ولا حول باب دارك.
126 الدوام يثقب الرخام.
127 الخُبْز والمَا مَا تْخَلِّي عَلَى القَلْبْ غمَّه.
128دارنا ساترة عوارنا.
129 السلطان بالتاج و كيحتاج.
130اللي عضو الحنش كيخاف من الحبل.
131ختار الجار قبل الدار.
132 اللي قال ليك قال عليك.
133 جا يكحلها عماها.
134 على قد لحافك مد رجليك.
135عين بنادم مايعمرها غي التراب.
136 سال المجرب ماتسال الطبيب.
137 شكون يحك القرع غي ظفارو.
138 عشرة د ليهود على قنفود ومادبحوه .
139 اللي مشى بلا عراضة يجلس بلا فراش.
140 لمكسي بديال الناس عريان .
141 عند رخصو تخلي نصو.
142 اللي سبقك بليلة سبقك بحيلة.



الفائدة للحميع



رد مع اقتباس
 الصورة الرمزية سلاوية الخاطر
سلاوية الخاطر

142 مثل من الأمثال المغربية الشعبية

المشاركات: 12,579
تاريخ التسجيل: Mar 2012
الدولة: بينـ ضفتــي وادي أبي رقــراقــ
سلاوية الخاطر غير متواجد حالياً  
قديم 2012-11-05, 05:56 PM
  المشاركه #2
رد: 142 مثل من الأمثال المغربية الشعبية

موسوعــه ديال الامثــال هذه
مشكــور تياترو


__________________
.


الوقت الذي تستمتع باضاعته ، ليس وقتا ضائعا
رد مع اقتباس
 الصورة الرمزية ريم الفلا
ريم الفلا

142 مثل من الأمثال المغربية الشعبية

المشاركات: 4,764
تاريخ التسجيل: Feb 2012
الدولة: A-G-A-D-I-R
ريم الفلا غير متواجد حالياً  
قديم 2012-11-05, 08:52 PM
  المشاركه #3
رد: 142 مثل من الأمثال المغربية الشعبية

ههههههههههههههههههههههههه ههههه

ناري شحال كيعحبوني الامثله

هااااك هدا مالقيتو بين هاد الامثله

نهاااار نحتاااااجك اوجهي اقمشوووووك المشااااااااش

مشكوووووووور تياترووووو
__________________
..امارس التجاهل في حياتي كثيرا..ولا اخجل من هدا الاعتراف ..لان اهتمامي لا امنحه الا لمن يستحقه...
رد مع اقتباس
ADMNTK

142 مثل من الأمثال المغربية الشعبية

المشاركات: 2,131
تاريخ التسجيل: Feb 2012
الدولة: فُيُ ركُنيُ آلهآديُ
ADMNTK غير متواجد حالياً  
قديم 2012-11-05, 11:07 PM
  المشاركه #4
رد: 142 مثل من الأمثال المغربية الشعبية

مشكور تياترو ع الامثال الشعبيه ...لاتحرمنا جديدك يالغالي
رد مع اقتباس
قطرات ندى
مزعوط برونزي
المشاركات: 618
تاريخ التسجيل: Jul 2012
الدولة: فـاَس
قطرات ندى غير متواجد حالياً  
قديم 2012-11-06, 11:10 PM
  المشاركه #5
رد: 142 مثل من الأمثال المغربية الشعبية



عندنا موسوعه امثله كبيره تبارك الله
هههههههه

تياترو "

مشكور عالطرح المميز

لاعدمنـاَ جديدك ،،
__________________

جيـم نـون هذا هو الجنوـوـون
افكار غريبــه تصرفات عجيبه
و جنوني يستفز الجنــوـون
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

الانتقال السريع

المواضيع المتشابهه للموضوع: 142 مثل من الأمثال المغربية الشعبية
الموضوع آخر مشاركة
من التراث المغربي الأمثال الشعبية أو الدارجة 2022-11-28 06:25 PM
نماذج من الأمثال والحكم المغربية 2015-11-11 08:43 PM
لتعابير الشعبية المغربية %100 2013-02-27 11:31 AM
الفنون الشعبية بمراكش 2012-06-11 02:58 PM
روتانا تغزو الأحياء الشعبية المغربية 2011-01-17 07:11 PM


الساعة الآن 09:49 AM