مخطط رحلتي بين يديكم ...افيدوني بارائكم

احبابي المزاعيط .... تحية زاعطه بالزاف

اخوكم اول مره طالع المغرب والنيه انشاء الله في نص ديسمبر طالع انا واثنين نفس وضعي مافينا المزعوط كلنا فرش
المدة 9 ايام قسمناها 4 مراكش و5 اغادير
السكن في مراكش النخيل الدرقاوي بوابة 3 دبلوكس 3 غرف ب 2360 درهم
اغادير شقه غرفتين بالمارينا 2500 درهم ... وغرفه في فندق اطلس 1350 درهم ... والسبب ما فيه شقه 3 غرف .... فكرت ناخذ 3 غرف في اميدال بس صراحه ماعرفت اوصل لاحد يعطيني سعره
التنقل محتار بين ااجر سيارة من المطار مدة الرحلة او اطلع مراكش بتكسي وااجر سيارة بسواق هناك .... اذا البنزين غالي والتكلفه بتطلع نفسها اخذ سواق افضل واذا بتطلع اقل استاجر سيارة اريحلي

وش رايكم ياحلوين عطوني ارائكم على مخطط رحلتي

__________________

حياك وبياك في منتدانا يالغالي..

أولا أخوي ..نتمنى لك سفرة ممتعه..

تقضيهـــا بين المدينتين..مراكش وأغادير..

وكل مدينة لها رونقهــا وجمالهــا الخاص..

ومن هذه الصفحـــة..أوجـــه نداء خاص..

لأعضــائنـــا ذوي الخبرة لمراكش وأغادير

للرد على إستفســـارات أخونا الغالي...

أما لو كان إستفسارك عن مدينتي الرباط

فأنا تحت الخدمــــة..ع مدار ال 24 ساعة..

تحياتي لك

ما قصرت تش تش كفيت ووفيت ... راح اكنسل فكرة ايجار السيارة

يعطيك العافيه اخوي LEO KSA

بما ان النخيل مظروب فيه عندك خيار ثاني افضل ومضمون

يسعد ربي اخوي خالد شرفتني بمرورك ... انشاء الله بس نتخرج من سنة اولى مغرب راح ازور الرباط

__________________

اضم صوتي مع اخوي تش تش خلك في اغادير دامها 9 ايام واول سفره لك وان داخلي واغادير خلك على التكاسي لان كل شئ قريب

هلا اخوي قرم وفقير..شف انا مابين رأيين تش تش وL E O KSA ..شف كل اللي اول مره يروحون للمغرب الشباب ينصحونهم باغادير

وتدري ليش يقولون اختصار لكل شي وانا مع وضد بصراحه واقولك ليش ضد اغادير ولا يزعل احد من محبين اغادير ومزاعيط اغادير

بيكون جدولك اليومي وااااااااااااحد وروتيني بحت ولاتحتاج سياره ابد..بس لو خليتها على مراكش كم يوم واغادير اخر شي ممكن نوعآ ما حلو

وبالنسبه للسياره والتنقل اغادير ماتحتاج سياره طبعآ اما مراكش تحتاجها وظروريه جدآ وترى السياره مع السواق مبلغها بسيط جدآ عمومآ

وبصراحه احسها مهمه جدآ مدام انكم اول مره تروحون للمغرب..وشف من ناحية الدرقاوي فيه ناس ماينصحون فيه ومثا ماقالك

العضو L E O KSA لانه يعرف مراكش زين وفيه خيارات اكثر وأحسن منه

ومراكش ارشح لك تزورها مدامك نويت ولو تبي رأيي كازا تصلح لكم وصدقني راح تنسى اغادير ومراكش ههههههههههه بس ماعليك شف راحتك انت وبس

لانكم ناوين مراكش فيها برامج كثيره وحلوه..بس اهم شي النيه عندكم وش هي ههههههههههههه...اي خدمه او استفسار مرحبا فيك..تقبل تحياااتي