سجل حظورك بأبيات من الشعر

مادمت راضي على المسموع والمنضور
‏مــالك ومــال الامــور اللـي لهــا عقـده

‏احيــان مـاودك توايــق علــى المستـور
‏من خوف لا تفقـد اللـي مـاتبـى فقــده

‏حنا لوإنا مانعيد الحسابات
‏ رحنا طعام وحوش في وسط غابه

‏آخر حياة أهل الكفاح الملذات
‏ ولا ضعيف الجهد رزقه هبابه

#_ بن بديع

__________________
ليت لي من عناء البعد راحه
يابهجة الخاطر وكثر الأمنيات

في غيابه اكثر بيوتي .. عتب
واكثر صوري .. كراسي فاضيه

‏لو كان تدري بالهوى والغلا لو
‏مارحت تبعد عن عيوني ولا شي

‏الناس في جوٍ وانا فيك في جو
‏أشغلت فكري والأحاسيس ياخي

‏الناس تكبر وانت بالذات تحلو
‏هدّ المشاعر لا تموّت شخص حي

تقدم الدنيا لنا درس جديد بكل يوم
والناس تسلم من غثا الدنيا بحفظ دروسها

وعلى حسب حفظ المواجيب وتعاليم السلوم
نعرف مقاسات البشر بالمرجله ونقوسها


للشاعر محمد جارالله

#_ ثامر الرويلي

__________________
ليت لي من عناء البعد راحه
يابهجة الخاطر وكثر الأمنيات

عالجوني يحسبون اني مريض / مادروا عن علتي بس أعتراض

قلت ياأهل الخير بالخط العريض / علتي ودواي مع صافي البياض

أشهد اني بالهوا ماني حضييض / ساكن بالجهراء وقلبي بالرياض

علقونا الي لهم طرف غضيض / راح قلبي عندهم ما يستعض

لاذكرت صويحبي قلبي يهيض / وأستهل الدمــع من عيني وفاض

أفترقنا ياهلي والناس قيض / يا هـلي مالـي على الوقت اعتراض

محتاج لك حيل والله يقطع الحاجه
حدتني وجيت اداري دمعة عيوني
باين علي التعب والضيق وانتاجه
منهار لوني متغيّر ماهو بلوني
لقيتك اللي يصد معقد حجاجه
وانت اقرب الناس والغالي ومضنوني
سكرت بابك وقفلته بمزلاجه
قدام وجهي وكل الناس شافوني
لكن على الله بديه الضيق وافراجه
والا انت الله معك خابت بك ضنوني
بلاش منك ومن موقفك واحراجه
رح واتبع اللي خذوا مني وخلوني
من صد عني ترى مانيب محتاجه
من دونه اعيش دامه عاش من دوني
وان قدر الله مع الايام نتواجه
تمر مثلك مثل ناس يمروني
في عيوني تصير ماتسوا ولا حاجه
من عقب ماكنت تسوا الناس في عيوني

البارحة والقلوب أصحاب كنت القمر وأنـت تمدحنـي

واليوم .. لي مخلبين ونـاب ومشـاهـد الـدم يفرحنـي

كــذاب هــذا الـمـدح كــذاب وكــذّاب ذنــمٍ يجرحـنـي

إنسان..ماني نجـم وشهـاب وليتـك مـلاكٍ وتصلحنـي

لي صرت عاري..علي ثياب بالله وشلـون تفضحنـي

اخطيت واخطيت كافي عتاب إنطق بحكمي وريحني

ياصاحبي ماقطعت أرقاب عـدلٍ قصاصـي وتذبحنـي

ولاني بعد أجمـل الأصحـاب الأجمـل إنـك تسامحنـي



#بدر بن عبدالمحسن

__________________
اشتقت للمغــرب وانــا تونــي جــاي ==== الله يصبرني علـى نار شوقي

ياللي تريد ادواي في المغرب ادواي ==== رح بـي لعله ينطلق فيه عوقي

لـي صـافحت مجـهـول يمنـاه يمـناي ==== ينساق تيار الهوى في عروقي

و اسمــع حـديثه نـاعــم كــنه النــاي ==== علـى يمينه ينتثر الدمع مــوقي

و مع الشـكـر واقـول له انت مـولاي ==== احكـم و دبرني على ما يروقي

فـي سيرة الأشــواق ممشاي ممشاي ==== و في خاتمتنا ما نراهـا يعـوقي

كل عاشق يحمل بـ صدره طفل
‏تـحـزنه كـلمه . . و كـلمه تفرحه

في سكوته بوح وفي طيشه عقل
‏غامض ودمع المحاجر يشرحه