الفكر شارد وانا ودي ولا ودي
والعمر محدود والانفاس محبوسه
وأنا من العـقل متعشي ومتغدي
والحمدلله أعرف الدهر ودروبه
والله فلا اطمع بثوب مايجي قدي
يوم أكثر الناس دايم مسبل ن ثوبه
وشلي على اللقمه اللي في طرف يدي
ما أقدر عليها وهي ما هيب مكتوبـه
كم واحد يحـسـب إن اللوم متعدي
واللوم غآشـيه من راسه لعرقوبه
نتبع ظروف الزمـن ونجيب ونودي
ونقوم ونطيح وكلن دون مطلوبه
مابين موج البحر والجزر والمدي
تبقى الثقة حاجة فـي النفـس مطلوبـه
حتى لو إن الظروف تسيـر فـي ضدي
لابد ترجع ظروف الوقت مغلوبـه
ورث ورثته ورثه أبوي عن جدي
ماهين نفسـي ورى اللي ينفخ أجنوبه
أعز نفـســي وأنا مانيب منحدي
الأمر لله وباب الرزق من صوبه
إخوان يوسف مـن أصل الأب والجـدي
خذوه مره وراحو بـه ولا جوبه
يبقى الردى فـي عيون النـاس متردي
متـوقي في لـحافن يـسـتـر عـيـوبـه
هـذا وانـا طـول عمـري ماينكشف سدي
عالـي النـظـر والقـلوب الـسـود مقلوبه
أساير الـوقت واثر الوقـت مـتحـدي
يطرح ويجرح ونار الموت مشبوبه
لا واعساها سحابـة صيف وتعدي
الهاجس الـلي يلوف القلب ويلوبه
أموت وارحل ودمـعـي مـاوطى خدي
حـتى لـو الـروح مسـلـوبـه ومنـهـوبـه
هواجيس شاعر ,,
__________________
لا توجد سعادة دائمه ولا حزن باقي ,,
كلها فواصل لمراحل جديده ,,
فَابتسم لأجملها ,, وتجاهل أتعسها !!