سجل حظورك بأبيات من الشعر

الا انت سولف لي عن أحوآلك وخل عنك القصيد
......يعني وش اللي فـي غيابـك راح اقولـه وآكتبـه ؟
شعري.. على حطة يدك !! في غيبتك ما من جديد
........البيت من قبـل اكتبـه ..افكـر انـي اشطبـه.!

احبك يامجنون ....

الطـيحه اللي تعلـّـمني بشي ٍ جديد

أحبها كثر حبـّـي للأمل والنجاح

وقناعتي إن عندي صدر ماهو حديد

تجبر عزاي ان تعرّض خافقي للرماح !!

ولو الخساير كثيره .... أعتبرها رصيد

بعض الخساير حرام نقول عنها جراح
..

مدخل .....

أحبك حب يآمجنون

احبك يا بعد هالكون وروحي ما تبي غيرك..

انا يا خلي اتعذب..في بعدك عذابي شوق..

ولو اني عليك اكذب اصير انسان فاقد ذوق..

ذآيب بين ايديك القلب من غيرك عليه يمون..

حبي لك تعدى الحب كل شي فيني بك مفتون..

انا ماشوف بين الناس سوى قلبك مع الاحساس..

تصور افقد عيونك اصير اخاوي الهوجاس..

عيني ما ملاها الا انت حبيبي فدوتك عيني..

قبل حبك انا ما كنت ولا اي شي يعنيني..

انا دنياي من دونك ظلمآ وما لها معنى..

ابدعي ربي يصونك وطول العمر يجمعنا..


احبك حب يامجنون

احبك يا بعد هالكون وروحي ما تبي غيرك..


مخرج .....

يوم طفش ويوم كله وناسه ....
يستهبل الروتين وانا وانتي الضحية .

.

بقُول لَك بِيت كنّه طَلْقَة البندقْ
.................................................. . وإليّا أنشدُوك العرَب قُل صَاحبِي قَالَه

لَا صرْت تسْمع كلَام النّاس وتصدّق
.................................................. . النّاس مَا خلّوا اللّي مَات فِي حَالَه

.


اليُوم الجُمعة عسَى الله يِتقبّل الجمعَة
.................................................. . يَاربّ منْك الرّضَا والعَفْو نحتَاجه

العَبْد فِي دِنيِتَه مَالَه سوَا ( السّمعَة )
.................................................. . والسّيرَة العطْرَة اللّي تطْلِق حجَاجَه

غريبة ماسألتي عن غيابي
ولا همك بهالدنيا عذابي

تناسيتي الغلا واشواق قلبي
ودفنتي الحب بيدك في الترابي

وبعد مامات اضويتي شموعك
شموع افراح نصرك في غيابي

سالتك ايش ذنب الحب يقتل!!!
لزمتي الصمت وماقلتي الجوابي!! ....

خيابه هه

من يشتري قلباً..همومه ملايين
ويبيعني قلباً..من الهم خالــي .....

أيّها الشّاكي وما بكَ داء ..
كُن جميلاً ترى الوجُودَ جميلا

- إيليا أبو ماضي

لو رماني البعد في درب الجفا

والظروف الكايده تسرق مناي

ولو حرمني الوقت من لحظه صفا

والليالي زودت همي وشقاي

مانسيتك لا و لا خنت الوفاء

دام روحي فالجسد تبقي معاي ...

على ذاك الطريق اللي يسمونه مغرب الاحباب
وطت رجلي على دربه ولاأدري وش نوى فيني

سافرت بدروبه .. ألين أن القمر قد غاب
تعب قلبي ولا تعبت مسافاتٍ توديني

لقيت الياليه هدب ظل وسما واعشاب
بعد ذاك الظلام اللي يتوهني عناويني

صدفت معجبه فيني وياليت..الغرام اعجاب
وتاريها الهنوف اللي قلت لها انتي تستحقيني

عطيتها عشق من قلبي..وسلمت لغلاها رقاب
وغيرها يحترق قلبه ولا يقدر يحاكيني

أنا قبلها صدفت عيون لكن ويش جاب لجاب؟
واثر كل العيون اللي لقتني ما تكفيني

رماني حظي العاثر عليها وجيت لها طلاب
لكن بقولك لا انتي عشقتيني ولا انتي عتقتيني

تعالي واعتقي ذاك الخفوق المولع المرتاب
مهب لاجلي ، عشان الله يجازيك ويجازيني

تعدي في سما عشقي ولو عشقي خراب أصحاب
وصوني بالهوى نفسك قبل لا انتي تصونيني

وشيليني على متنك خفوقٍ باريٍ منصاب
ومن فوق الغرام العذب .. شيليني وحطيني

ولا منك هقيتيني شجاع وما يطيق يهاب
أنا لك بالهوى والله مثل ما انتي هقيتيني

أنا ما أمشي ورا غيرك ولو أنه يطق الباب
وترى عيبٍ عليّ أطعن..ولو كثرت سكاكيني

زهودٍ ما يطيق الدم لا داين ولا طلاب
شجاع وعارفٍ نفسي وأظن أنك تعرفيني

غيورٍ ماعرفت أضحك مع الغدر ببّرود أعصاب
أبيع عيوني الثنتين قبل أنك تخونيني

إذا شد الغرام .. اتركي خفوقي بين ناب وناب
لفرقى تكسر ضلوعي .. ولا عشقٍ يوطّيني

أنا رجلٍ ولي غيره .. وإذا شفت الهوى كذاب
تثور بقلبي الفزعه ولا تهدى شياطيني

سؤالك لو يزعزع بي كياني ما قبلت عتاب
اجي لك وأسالك نفس السؤال اللي سألتيني

عن العشق القديم أبواب .. تقفيها كثير أبواب
بعد ذاك الحبيب اللي خدعني وانخدع فيني

أبي عشق تحسب له كل نظرات العيون حساب
وابي قلبٍ علي قلبي ، وابى دينٍ على ديني

وابي نظرة عطا توفي ولا تخلف بدون أسباب
وابي منك قبل لا نتي تصديني .. تحبيني

وابي دربٍ على العذال صعبٍ ومتعبٍ وغلاب
وابي نفس الطريق الصعب يبعدهم ويدنيني

ترى لو للقلوب عيون ولدموع العيون أهداب
حشى ما تنزل الدمعه لغيرك لو تركتيني

أنا أول من عرف قدرك وأنا توي صغير وشاب
وابي منك ما دام أنك عرفتيني توديني

ما دام أني لقيتك في طريق أسمه مغرب ألاحباب
دخيل الله ، وبعد الله دخيلك ..لا لا تخليني

ما دام أن كل من يحيا على وجه التراب تراب
عسى تنساني الدنيا مادام أنتي ذكرتيني .....


تقبلوا اجمل باقة ورد جوري .....