مـحـريٍ بالـخـيـر يا مـزن(ن) نـشـــــا
يا حـلو عـقب الوسم رجع السحاب
هـل رذراذك عـلـى روض الـحـشا
ربـع بـقـلـب(ن) دوام(ن) لـك شـــبـــــــاب
كـل زهـر(ن) فـاح عـطـره وأغـتـشـــا
بالرياض وبالـنـفـود وبـالـهـضــاب
ما نـسـيـتـك يـا هـوى قلبي حشــا
حـبـك بـروحي وبـالـخـفـــــاق ذاب
عــــادني شــوق(ن) قـــديـــم(ن) وانـتـشــا
في هـواك مـولـع(ن) مـا قــط غــــاب
لــو غـشـانـي بالـمـوده مـا غـشــــا
اشتهي فـيـك الهوى لو هـو عــذاب
الـهـوى مـعـطـيـك مـنـي مـا تـشـــا
في حـيـاتـي ياحـيــاتـي لا تـهــــاب
ما يـفـوز الـحـاسـد الـلـي بك وشــا
فـيـك حـسـّاد الـهـوى ياكـل تــراب
__________________
ياراعي الغر العذاب المباهيش
رش الكبود اليابسه من عطشهااااا
دنق علي وطمن الراس بشويش
واحي العروق الذابله وانتعشهااااااا