سجل حظورك بأبيات من الشعر

تم الحجز والمواعيد بأول شهر ثاني العيد
على مراكش واغادير وكازا وطنجة وتطوان

سر واثق الخطوه ترى القمه مراحل وانتقال
الحر مايرضى بموقع هزل ماهو موقعه

حافظ ع السمعه تراها ما تقمن بالريال
خصوص في وقت به الوان الفتن متولعه

واصحب خيار القوم واسمع وش يقولون الرجال
حاجه بسيطه تطرح الرجال والا ترفعه

ويالبا قلوبكم يالمزاعيط

لا صار حلمك في يد الوقت والناس
......... لا الناس تفرح لك .. ولا الوقت يرحم

أغسل يدك من حلمك بموية اليآس
......... وأهرب بلا حلمك عسى بس .. تسلم​

قلت الوداع وجاوبـت دمعـة العيـن
تجـرح بساتيـن الخـدود النديـه

واقفيت وشفت بعينهـا الحزن حزنيـن
وصاحت على الفرقا انـا مـو قويـه

وجاوبتها ارجـوك تكفيـن تكفيـن
والله دمعك يشعـل النار فـيّـه

وقالـت تعاهدني عـهـود المحبـيـن
الله يخـون اللـي يخـون بخويّـه

قلـت ابشري واللـي خلقـك لاتظنيـن
حرااااام ماغيرك عشقـت آدمـيـه

وقصّت شعرها قلت لا لا تقصين
قالـت ابـي مـن غرتي لـك هديـه

ونادتنـي الغربه علـى الهـم والبيـن
احسّـب الأيـااااام روحـه وجيّـه

وفي كـل ليله ترتسـم بيـن رمشيـن
خيالهابيـن الـرمـوش الشقـيـه

غربة سنه فـي ذمتـي غربـة سنيـن
متى علـى الله يلتقـي الحـي حيـه

خلاص هانت مابقـى غيـر يومـيـن
خـلااااااااص قفّت غربـةٍ جرهديـه

ورجعت شوقي في خفوقي براكيـن
ورجعـت انـا كلـي لها جاذبـيـه

وسألت ما ردّوا وانا اصيح هي وين
وكلٍ نثر مـن داخـل العيـن مَيّـه

وفـي معمعـة حزني تلقيـت رمحيـن
قالـوا توفـت غافلتـهـا المنـيـه

وفـي غرغرتها ماذكرت غيرحرفيـن
تشهـدت بسـمـك شـفـاه البنـيـه

وتزاحمـت فـي داخلي ألـف سكـيـن
والحزن يطويـنـي ثمانيـن طـيّـه

صدمه وجابتنـي علىالارض نصفـيـن
وشلـون راحـت دون ذنـب وخطيـه

تكفون دلـونـي علىالقبر هالحـيـن
مـاعـااااد فيـنـي للصبر مقـدريـه

ووقفـت اطالـع قبرها بيـن نصبـيـن
وجلست اضـم اغلـى النصايـب عليّـه

واصيح وش بك يا غلا مـا ترديـن
اشتقـت همس إشفاهك النرجسـيـه

وش فيك جيت من السفر مـا تهليـن
ماهي بلك عـاده ولا انتـي رديـه

وحاولت في لحظة جنون اجـرح الديـن
وازيـح تـربـة قبرهـا فـي يـديّـه

وبالغصب شالوني حشـا تقـل مسكيـن
واصـرخ بهم والله والله حـيّـه

اقفت وتاهـت بـي جميع العنـاويـن
والحـزن يلعب داخلـي سامـريـه

ورجعت لـدروب الشقـا قبـل عاميـن
مدري مـن اللـي صـار فينـا ضحيـه

اليوم مآحآسَبت قَلبي بَس هزِّيته
وتسآقطوآ كل خلآني من آطرآفه

مآكآن قصدي آهزه بَس حَسِّيته
يحتآج رعشَة غلآ وآلنآس خوافه
‏

لاتحسب ان كل كلمة تسمعها وكاد
ولا تصدق هرج شاعر وتخدعك الضنون

دايم اعرف ان كل شاعر يهيم بكل واد
وانهم دايم يقولون مالا يفعلون

حتي انا الي قلت اعشقك ومااطيق البعاد
يمكن اطلع لاعشقتك ولا هم يحزنون

الله خلق خلقه .. على عدّة .. فروق ,
فيهم سويّ .. وفيه .. راعي بلآوي ..

من واقع الأيـآم .. و الجرح .. والشوق..!
.. ومن واقع أن الورد .. لآبد .. ذآوي !

لآ تشيل في قلبك على أي مخلوق ..!
.. ترى الحيـآة بكبرها .. ماتساوي !

بعض الجروح

إن جت من أغراب عادي
الجرح موت الجرح لا جا من أحباب
مليت أدور لك عذر
ياودادي
مثل الضرير اللي ورى النور طلاب
لو كنت أنا الغلطان
لو كنت بادي
ماطاب لي نوم
ولا خاطري طاب
يامرني أركاب الجفا للبعادي
شمس المغيب إن جت على حبنا غاب
ما أقساك
يابسة عناي وجهادي
يامحمل القلب العمى
لوم وعتاب
ماكل هم يسكن القلب غادي
وراعي الهوى ما يستر همومه ثياب
شيبت ناري
وانطفت في سهادي
الليل نام
وطاري الجرح ما غاب
بعض الجروح
إن جت من أغراب عادي
الجرح موت الجرح لا جاء من أحباب

ترانيم عابره .......

رشني في احساسك الميت عطر
خـل كـل عابـر حنيـن ، يشمنـي

.

قبل العطر و العيد


:)

ماني بحاجة ثوب وشماغ ل العيد

ان كان عندك قلب لـ العيد ( عطني )

__________________