سجل حظورك بأبيات من الشعر

المشاركة الأصلية كتبت بواسطة المهلهل

سلام واسمع يامديــــر الجــوازات

وبعد السلام ارجوك جـــدد جوازي

وسلام يالطيب مديـــر الحجـــوزات

ابيك تحجزلي بحجــــــز امتيــــازي

وسلام يالي ماسكين المســـــارات

حطو بياناتي بوســــط الجهـــــازي

ابي اسافر وابتعــــد فالمســــافات

يعني على كازا ترا اليوم غـــــــازي

ابي اشـــوف ام العيـون الوسيعات

الي تخلــي فالدمـــــاغ اهتــــزازي

سنيورت تسوا جميع البنيــــــــــات

من نوعها قصدي ترانـــي حيـــازي

اخر موديل" من بنــــات البنايـــات

بمواصفات الفل واخر طـــــــرازي

وجهن يتّعب راعي الصنف بالــذات

لامرت اللجنه بنظــــــره تجــــازي

واسم" حلو سجل معه فالبطاقـات

لاهيب لاصيته ولاهي بـــــــــــجازي

وابي ادوج فالفلل والشليهــــــات

كني عقيدً قام حظه وفــــــــــازي

امشي مع الي تطرب القلب والذات

مافوت الفرصه اصير انتهـــــــــازي

استغفر الله ياعرب بس شطـحات

اكذب عليكم لايجيكم غــــــــرازي

توبو وخافو واكثرو بالصـــــــلاوات

أنا ترا تايب بقطِّــــــع جـــــوازي