سجل حظورك بأبيات من الشعر

ㅤ ㅤㅤㅤㅤ
ياراسي اللي مسهره كم موضوع
الناس ناموا وأنت لازلت قاعد ؛؛

أصعب عليك النوم من حبة الكوع
وجفون عينك عن بعضها تباعد ؛؛

راحتك ليله والتعب طول الاسبوع
متى عن هموم الليالي تقاعد ؛؛

في كل ليله وأنت جايٍ بـ مشروع
وأشغلتني مابين نازل وصاعد ؛؛

وأيامنا ماهـي بـ دايم لنا طوع
ولاتوخذ الدنيا بشـد السـواعد ؛؛

ذكر الحيا متبوع والزين متبوع
مير الـبلا ان ظـروفنا ماتساعد ؛؛

نبني أمانينا على أفـراد وجمـوع
وما يثبت المبـنـى بليّا قـواعـد ؛؛

علّقت هقواتك على جذوع وفروع
ولاشفت لك بارق ولااوحيت راعد ؛؛

والفـزعه اللي مالها سـيـوف ودروع
تخلف لها هقوه وتخلف مواعد ؛؛

وان شـانت الأيـام ماشـانت طبوع
رجلٍ إلى حان اللـقـى ما تراعد ؛؛

لكن ياراسي ترى النوم ممنوع
لين الهـمـوم القـاربـات إتّـبـاعد ؛؛

فكّر عسى بالفكر تلقى لك نفوع
وأوقف الى شفت إزدحام المقاعد ؛؛

لو القلم عن عاقل الناس مرفوع
انباعت جلود الاوادم جـواعد ؛؛.

دنيا شقاها بين مسرا و مسراح
ولحدن تشوفه سالمن من غثاها
واللي مضى معاد يرجع ليا راح
والمقبله مدري وش اللي وراها

ليا نامو العربان يطرقني الهاجوس
أسامر نجوم الليل وحروف قيفاني

أغني على هجيني واغني على منكوس
ويطلع علي الصبح والنوم ماجاني

وصلك يخيط الصدر والبعد يفريه
ويابري حالي كان صديت برياه


ويلي على ادري حبنا ويش تاليه
وويلي على ادري وش ورى الغيب ويلاه


عشان اشوف اذا محبتك ترفيه
والله لاقفي عنك . استغفر الله

__________________

ياغلى وطن اشرق مع الشمس سلمان طلة ملك ...سيرة بطل ..رمز وايمام.....

صح لسانك

عزة النفس دايم .. غايتي من هويتك
عمري مارخصت قلبي ..
مهما في الحب مااال ..

في قربك الأيام عيد
والشوق لك دايم يزيد
الله ياحظي بحبك .. وفيك ياحظي أنا

أكبر قهر يوم جيت اطلب رجاك ياخساره خاب الأمل منك وخيبت ظني

صح لسانك