سجل حظورك بأبيات من الشعر

‏من المفارق ما خذيت الا الصداع
والشوق ما جاني معْه غير الوجع
عيّاا عليّ النوم .. وعيوني جيااع
والسهر: من وجهي الباهت شبع !

الصمت في بعض المواقف الى أخطيت
أخير من عذراً يجيب الفشيله

لاصار عذرك مايجمل الى جيت
تراك من صمتك تحوش الجميله

والصبر نعمه من نعم حامي البيت
يرفع مقامك والقناعه فضيله

لا ضاق صدرك من ديارك ومليت
مناكب الدنيا عراضً طويله

روح والى منك عن الناس صديت
يقل هرج أهل النفوس الغليله

تذكر بخير وعند ربعك الى الفيت
حطوك في منزال شيخ القبيله

والمزح له عند النشاما تواقيت
واخطوط حمرن في طرفها فتيله

فتيلة ماهيب تحتاج كبريت
تقدح بها بعض المزوح الثقيله

والصاحب اللي يخلط الماء مع الزيت
حاول تخارج منه بأيت وسيله

مايوفي حقوقك الى منك أوفيت
جفير سيفً يتعب اللي يشيله

ان زدت له بالطيب والا ترديت
والله ماتقلى لطيبك حصيله

أحداً اذا مديت له طيبك..،يغيب
ماتملا ..اعيونه،، كبار ..الفعايل

واحداً يموت كان سويت به طيب
يخاف مايقدر.. انه يرد الجمايل

صحيح مابه سراب يسقي الضامي
بس الأماني توسع صدر راعيها

الاماني تريح الخاطر .. وتعطيك نظرة تفاؤل لقدام... متنفس من الواقع

__________________
كلآم الناس بالنسبة لي ،، مكآلمة لم يتم الرد عليهآ ..!!!

تری الوعد في عام تسع وثلاثين
شاهد طموحاتك واشاهد طموحي

لاتكسر انظارك علی روحك الحين
كسرت من شان الطموحات روحي

صباح التفاؤل
جمعة طيبة ي رفآق

إن شفتني غايب .. عن حدود .. شاطيـك

أعرف تراني .. تحت .. ذيك .. النصايب

وأعرف تراني .. دايم إن ضقت .. بآجيك ..

لأني .. أنا .. والشوق .. صرنا .. حبايب


..

كان مني ياغريبه لك حكيت
الحروف لبعضها جملت اتبعت

القصد لاشي ولالحاجه سعيت
الظروف اللي على الصدفه سعت

ياغريبه كان انا منك خذيت
العطايا حبالها منك قطعت

اشتري من يشتريني وان عطيت
اعطي عيوني بنظره ماخدعت


..

..

..

لاتلعـن الظلمـا وشـب القناديـل
النـور يبعـث بالنفـوس السكينـة

أهـدم مدينـه بالشعـر والمواويـل
وأبنـي بموالـك مشاعـر مدينـة



..

..

تسألني ماشفت الدموع من عيوني انهاري
واقول ميـت عـطـش واقـلـب بكتـابـك

واقرى حكايـة سـراب عـذبت ازهـاري
شفيني ذبلـت وطفيـت وجيـت ابي احيابـك

عمـري دفعتـه ثمـن دربـي ومسيـاري
خلينـي احـيـا بقلبك ليالي وابقـابـك

طاوعت فكري عليك وجيـت لـك سـاري
فكـرت ابيعـك وابعثـر بالمـدى اطيابـك

عقلي نواك وقلبي قـال انـا شـاري
ورديت احسك بصدري واحسـب احسابـك


..

..