سجل حظورك بأبيات من الشعر

الضحك ماهو علامة مستريح
والبكى احيان مايوحي بحزن
خذ مثل مني انا قلبي جريح
وابتسملك من غرابيل وشجن
وان بكيت يجوز ابكي من صحيح
من جرح,من ظلم ,من صدمة زمن
او يجوز ابكي على شان استريح
؟؟؟؟؟؟؟؟

يرقص جناح الطير والطير مذبوح
‏وماحس جرحه من حياته نـزعـهآ
‏ماكل دمعه توجع العين وتروح
‏بعض الدموع تطيح القلب مـعهآ

ضاق صدري ولا أدري وين اروح
‏ كل ماحاولت أبااسلي ماقويت
‏إن شكيت الهم تزداد الجروح
‏وأن كتمت الحزن من همي بكيت
‏

كنا بلا جنحان .. واليوم طـرنا
‏واثر السما ياصاحبي برد وغبار
‏.
‏ياما حلمنا نكبر .. ومن كبرنا
‏صارت أعز أحلامنا نرجع صغار.

يقول رشيد الزلامي


*يا متعب الأقدام ماشي على وين*
*مـع جَـرّةٍ جاهـا العجـاج ودفنهـا*

*أرجع وعـدّ خطـاك وحـده وثنتيـن*
*واكبح جماح النفس والزم رسنهـا*

*لاتامن الدنيا تـرى وضعهـا شيـن*
*ماعـاد بـه دنـيـا صحـيـح بدنـهـا*

*لاصاروا العقّـال مثـل المجانيـن*
*واصبح ردي العرف يامر وينهـى*

*أنا مجـرّب والتجـارب براهـيـن*
*أراهـن الأيـام وأكـسـب رهنـهـا*

*منها عرفت الفرق بين الفريقين*
*سبحان من صاغ العقول ووزنهـا*

*وان كان صح ان التجارب براهين*
*ضمنتهـا إن كـان ربـي ضمنـهـا*

*رفقة ردي المعرفـة بعتهـا ديـن*
*على زبـونٍ ضمّـهـا واحتضنـهـا*

*بغى يجيني بالثمن قلت بعدين*
*امسك فلوسك لين ننشـدك عنها*

*مابعتك الاّ سلعةٍ ياأحمر العين*
*ابيعها وابـيع حـتى ثمـنـها*

*بعض المواقف من وراها محاصيل*
*تكشف لك إسدود الرجال وخبرها*

*يا تكسب قروم الرجال المشاكيل*
*والا تجي من دونــها وتخسرها*

*الكلمه العليا وجزل الأفاعيل*
*تغنيك عن سبع البحور ودررها*

*وما دامها ما وصلت الحط والشيل*
*فاصمل وإذا راد الولي تقــتدرهـا*

*قولة ( كفو ) تتعب عليها الرجاجيل*
*اللي على روس النوايف نظرها*

*يا كثر صدقان الصحن والمعاميل*
*ويا قلهم لامن تقادح شررها*

*إعلم ترى الخوه فعول وغرابيل*
*في دورة الأيام يجنا ثمرها*

*بعض العرب للتمشيه والتساهيل*
*وبعض العرب للمعضلات وخطرها*

*أحدن توصل به بعيد المواصيل*
*وإذا معه لك حاجتن ما ذخرها*

*وأحدن هبيل ويحسب انا مهابيل*
*نستر عيوبه والله اللي سترها*

*ظهره ظهر عقرب وبطنه بطن فيل*
*ووقفات سمحين اللحى ماقدرها*

لاجيت للمغرب تضمك بالاحضان

دايم وقلبي في هواها رجاوي

اجمع حصيلي ثم سافرت عجلان

غاوي ومن مثلي على الدرب غاوي

اروح للمغرب وانا البوك مليان

وارجع وبوكي يشهد الله خاوي

لانيب متحسف ولانيب ندمان

هذي طرأت العمر لاصرت هاوي.

__________________
حرشة عليا لاشواق، تسلطة عليا لاحماق.

من عطا نفسهـ هواها تدفعهـ
تجعلهـ يعمي عيونهـ بصبعهـ

الشاعر :
مطلق الثبيتي رحمه الله
(في كل بيت حكمه)

نطوي مع الأيام عـام ٍ ورا عـام
وتمر ساعات الفـرح فـي دقايـق

أيام راحت بالعمر مثـل الأحـلام
يوم ٍ بهـا زعـلان وأيـام رايـق

درست من دنياي وأتعبت الأقـدام
وبدلت عن بعض الطرايق طرايـق

وكفخت بأفكاري كما الطير لاحام
وماعاقني عن ماكـر العـز عايـق

ياصاحبي خذني معك سيف وحزام
وياك في وقت الرخـا والظوايـق

وترى البشر ياخوك منقسمه أقسام
بين الردى والطيب شفت الحقايـق

لقيت من صلى وزكا ومن صـام
ولقيت منهو لأقرب النـاس بايـق

ولقيت من قلبه حقـود ٍ ونمـام
ولقيت من قلبـه يعـز الرفايـق

ولقيت من يبني الأمل فوق الأوهام
واللي يموت ولايعـرف العوايـق

ولقيت من يملك بساتيـن وأنعـام
واللي من الحاجه ينـام متضايـق

الله خلق هالخلق سـاده وخـدام
ذي دبـرة الرحمـن رب الخلايـق

وآخرك يابن آدم ترى قطعة الخـام
أمـر ٍ أكيـد ومايبيلـه وثايـق

يالله عسى ماكون قطاع الأرحـام
وعساي من عقب القبر في حدايـق

جاك الكلام وخذ معه بصمة إبهـام
أن العمـر كلـه مجـرد دقايق

انا احترق وهي ولا همها شي

وانا انتظر وهي تمدد سفرها

ياسعود عقب غياب شهرين وشوي

جتني تشاورني بقصة شعرها.

__________________
حرشة عليا لاشواق، تسلطة عليا لاحماق.

‏يسوقني شوقي لصوتك واسـوقه
‏ماغير صوتك يشرح الصدر لاضاق
‏
‏مثل العسل صوتك دواء اللي يذوقه
‏يطفي لـواهيب الحنايا والاعمــاق
‏