سجل حظورك بأبيات من الشعر

...

الله يجازي من يسوي سواتك

وبذنوب من سوى سواتك يجازيك

مشيت درب الثقل وتحب ذاتك

ما تدري أنه للمهالك يودّيك


غرّك جمالك يا خسارة حلاتك

ما تدري إن ما غير طبعك يحليك


بتقول زينك يشفع لسياتك

الحسن ماهو عن وفا الحب يعفيك


لو التواضع والوفا من سماتك

بعت الحبايب كلهم دين وأشريك


لكن عجزت أغيرك يا جراتك

على الغياب اللي بلا عذر ينجيك


خطاي في توضيح وشي غلاتك

وخطاك في توضيح وشو تغليك


وشلون توصيني وتنسا وصاتك

وتصد عن صوتن تقطع يناديك


ما فاتك التجريح والعذر فاتك

وتبغي الراي الحين ما عاد يمديك


صحيح أحبك بس هاذي جزاتك

بعلمك درس يفيدك ويحييك


تدري وش أبيض من خفوقك عباتك

وتدري وش اللي غرني نظرتي فيك


أدري بتستغرب تصبر وجاتك

قصيدة من واحد كان يبغيك


وتبغي تناظر وإنت عايش مماتك

شف وحدتك والناس تجلس حواليك


وتبغي تشوف أشجع رجل في حياتك

شفني وأنا راحل على كثر ما غليك

محمد بن فطيس المري

__________________
وتستمر الحيااااااه

إذاذبت شوقا في الذين تحبهم
فاغمض عليهم مقلتيك وسافر
وفاجئهم في مجلس الطيف زائرا
وحق على الأخياراكرام زائر

‏أحبّك كثر : ما أسرفت : بـ إهمالك
كثر .. ما أهتمّ بك قلبي ، وهمّشته

كثر ما حسّ بـ إنّه .. ماهو فـ بالك
كثر ما إنت بـ الأوهام .. عيّشته

لا تنحني مهما تردت سنينك
آشمخ شموخ العـز وآصبر بدنياك

والله على هم الليـــــــالي يعينك
ويكفيك رب الكون لا صار وياك

صحيح مالي من محبتك مصــــلوح ... ادري ولكن همت واشقيت حـــالي
يافاقد الاحساس مجروح مجــروح ... وشلون في لحظه تحطم خيــــالي
سميت رفقتنا صداقات وامــــزوح ... وبينت هجرك كل ماجا مجــــــالي
ظنيتها عشره من الروح للـــــروح ... ولاهقيت انك تخير بــــــــــــــدالي
مانيب لك جسر تمره وبــــــــتروح ... ما رضى تهين النفس لو كنت غالي
بينى وبين اللي يسلى به اضحوح ... العاذل اللي حاكي لك حكــــــالي
اطو الرحال وشد واقول مســموح ... قلب طلبك أول بيرفــــــضك تالي
بشوف انا غيرك من الناس مملوح ... وان كان ما تصفى فغيرك صفالي

‏جيت بين الضلوع الخالية واستويت
‏في مكانٍ بقلبي ماله أحد سواك
‏
‏بس لا تكثر الغلطات منك اكتفيت
‏أنت غالي وأنا مابيـه ينقص غلاك
‏
‏