سجل حظورك بأبيات من الشعر

ترانيم المسا


لميت جرحي واحتضنته و سافرت
ما للـوداع بخاطـري غير تجريح..
ودي ولكن انصدمت وتصبرت
واقفيت اشد اخطاي بالغصب لا اطيح

أخالف العمر وأراجع سالف أعوامي

وانوخ ركاب فكري عند داعيها
هذا البيت كلما مر علي ذكرت ايام قديمه لي بالمغرب واحباب فرقتهم عني الدنيا..

الدمع لو انه نطق .. عذب الناس
والحب لو أنه خطأ .. ما وصل لك

خلك ثقيل وكل كلامك بمقياس

بعض آلبشر يغرونكـ بصدق الأحساس
وبعض آلبشر سآكت وقلبه ~ يحبك

بجاوبك فى بيوت شعري واناجيك
ياللى تعبت من الوله وانت داري..~
لك بالضلوع صوت النهرٍ يجاريك
من الغلا والشوق والفكر ساري..~

الورد يجرح من سموم الهبايـب
والقلب جرحه دمع توديع الاحباب ..

لو حس شوق المنتظر كل غايب
محد تغرب عن حبيبه ولاغـاب ..!!

الحب .. مثل الموت مآله مواآعيد ..
والموت .. مثل الحب ينهي حيآآتي

:
:

لآ .. تلوم إللي ذبـل مـن غرآمـه
لآ جآء كسير و منكوي .. خآطره كيّ !

كل من يشوفه يسأله وش علآمـه !؟
يشرب دموعه ثم يتمتم : و لآ شـي

كآذب و ربي .. مآ صدق في كلآمه
طريقه طويل ومظلم وينتظر ظي

ترانيم عابره ......

يمر الوقت والظروف هي نفسها مانسيتك
لا سرت بي الاشجان على البال وذكرتك ؟؟
غمضت عيني وحلمت إني قدّام بيتك !!
ماتقول انّي قبل مدة هجرتك ؟!
ذا مكاني .. لاغفى الليل وسريتك
شف ّ كم لي .. ما سريت ولا سهرتك ؟
وذا مكانك .. لا تضايقت وجفيتك
وشف ّ كم لك .. ماترجّيت وعذرتك ؟
وذا مكان قلوبنا .. لحظة هويتك
فيه عمري اختصرته واختصرتك
واقف .. وكنّي من احزاني بنيتك
جسر .. مابين الزمانين وعبرتك !!
مسكين ياقلبي وش خذيت وعطيتك
يوم كنت انقاض وبالحب عمرتك

.

مشكلة / لا صـار لك مطلــب صـعب المنال ..
إن نثرته : ما إجتمع ، وإن جمعته : ينتثر..

ليله هانيه لكم جميعا