سجل حظورك بأبيات من الشعر

قالوا ترى من هو حكالك حكى فيك

واللي حكا لي في قفا الناس واجد

اليوم ما تلقى عشيرٍ يصافيك

لو صرت بالأفعال والطيب ماجد

يضحك معك لا قفيت يبدي خوافيك

لجل الردى يسعى ودوم متواجد

والا إلى جارت امورك يجافيك

وخلا هموم الوقت فوقك تراجد

يا من تريد العلم ربي يعافيك

اتبع طريق الحق للخير تاجد

اخضع لأمر اللي خلقنا يكافيك

(إليا هجدك من الغرابيل هاجد)

دور رضاه ومن جروحك يشافيك

وزد في دعاه أكثر إلى صرت ساجد

عبدالعزيز بن إبراهيم المنصور