ﻋﻠﻲ ﻓﺎﻃﻤﺔ ﻃﺎﻟﻖ ﻋﻨﺎﻥ ﺃﺷﻌﺎﺭﻱ
ﻭﻟﻐﻴﺮ ﻓﺎﻃﻤﺔ ﻣﺎﻧﻘﻮﻝ ﺷﻌﺮ ﻧﺸﻴﺖ
ﻭﻟﻔﺎﻃﻤﺔ ﺗﻄﺮﺏ ﺑﻨﺎﺕ ﺍﻓﻜﺎﺭﻱ
ﻭﺑﻼ ﻓﺎﻃﻤﺔ ﻣﻴﺖ ﺍﻥ ﻋﻤﺮﻙ ﺭﻳﺖ
ﻭﻣﻦ ﻓﺎﻃﻤﺔ ﻳﺎﻧﺎ ﻋﻠﻲ ﻳﺎﻧﺎﺭﻱ
ﻭﻓﻲ ﻓﺎﻃﻤﺔ ﻛﻞ ﺍﻻﻣﺎﻥ ﺇﻟﻘﻴﺖ
ﻭﻏﻼ ﻓﺎﻃﻤﺔ ﺟﻮﺍ ﻭﺭﻳﺪﻱ ﺳﺎﺭﻱ
ﻭﻗﺪﺍ ﻓﺎﻃﻤﺔ ﺍﻧﺸﺎﺍﻟﻠﻪ ﺍﻧﻜﻮﻥ ﺃﻏﻠﻴﺖ
ﻟﻘﺴﺎﻡ ﻓﺎﻃﻤﺔ ﺃﻣﻨﺪﻩ ﺍﻟﻠﻪ ﺍﻟﺒﺎﺭﻱ
ﺟﻤﺎﻝ ﻓﺎﻃﻤﺔ ﻓﺘﻨﺔ ﻭﻓﻴﻪ ﺍﻏﻮﻳﺖ
ﺣﻜﺖ ﻓﺎﻃﻤﺔ ﺑﻴﻨﺎ ﺍﻭﻃﺎﻥ ﺻﺤﺎﺭﻱ
ﻳﺎﻓﺎﻃﻤﺔ ﺑﻌﺪ ﺍﻟﻘﻠﻮﺏ ﺍﻣﻔﻴﺖ
ﺍﻧﻜﺎﻥ ﻓﺎﻃﻤﺔ ﻫﺎﻭﺕ ﺍﻧﺠﻴﻬﺎ ﺳﺎﺭﻱ
ﻟﻌﻴﻮﻥ ﻓﺎﻃﻤﺔ ﻣﺎﻡ ﺍﻟﺴﻔﺮ ﻣﻠﻴﺖ
ﺩﺍﺭ ﻓﺎﻃﻤﺔ ﺷﺮﻗﻲ ﺃﺗﺠﻲ ﻋﻦ ﺩﺍﺭﻱ
ﻗﻮﻝ ﻓﺎﻃﻤﺔ ﻣﺎﺗﻘﻮﻟﻬﺎ ﻟﺒﻴﺖ
ﻋﺸﺎﻥ ﻓﺎﻃﻤﺔ ﻧﺨﺎﻟﻒ ﺟﻤﻴﻊ ﺍﺳﺒﺎﺭﻱ
ﺑﻄﻴﻒ ﻓﺎﻃﻤﺔ ﻭﻧﺎ ﻓﺎﻟﺴﺠﻮﺩ ﺍﺳﻬﻴﺖ
ﻓﺎﻃﻤﺔ ﻣﺠﺎﺩﻳﻒ ﺍﻟﻐﻼ ﻭﺍﻟﺼﺎﺭﻱ
ﺑﺴﻢ ﻓﺎﻃﻤﺔ ﻧﺴﻜﺮ ﺳﻜﻴﺮ ﺍﺑﻘﻴﺖ
ﻭﻋﻦ ﻓﺎﻃﻤﺔ ﻻ ﻣﺎﻳﺤﻴﺪ ﻣﺴﺎﺭﻱ
ﻭﻛﻴﻒ ﻓﺎﻃﻤﺔ ﻣﺎﺯﻭﻝ ﻗﺎﺑﻞ ﺭﻳﺖ
ﺍﻭﻭﺭﺍ ﻓﺎﻃﻤﺔ ﻃﺎﺷﻦ ﺑﻄﻴﺶ ﺍﻧﻈﺎﺭﻱ
ﻭﻣﻊ ﻓﺎﻃﻤﺔ ﺣﻠﻮﺓ ﺍﻟﺤﻴﺎﺓ ﺣﺴﻴﺖ
ﻭﺃﺭﺿﻰ ﻓﺎﻃﻤﺔ ﺍﻧﺰﻋﻞ ﻋﻠﻴﻪ ﺃﻛﺒﺎﺭﻱ
ﻭﺯﻋﻞ ﻓﺎﻃﻤﺔ ﻣﺎﻗﺒﻞ ﺑﻴﻪ ﺃﺑﻠﻴﺖ
ﻭﻋﻴﻮﻥ ﻓﺎﻃﻤﺔ ﻣﺮﺓ ﺃﻓﺎﻩ ﻏﺪﺍﺭﻱ
ﻭﺭﻣﻮﺵ ﻓﺎﻃﻤﺔ ﺭﻣﺸﺖ ﻫﺬﺍ ﻣﺎﻛﻠﻴﺖ
ﻭﺣﺠﺎﺝ ﻓﺎﻃﻤﺔ ﺧﻂ ﻟﻘﻠﻢ ﻓﻴﺪ ﻗﺎﺭﻱ
ﺇﻻ ﻓﺎﻃﻤﺔ ﻣﻦ ﺧﺎﻟﻘﺔ ﺍﻟﺘﻨﺤﻴﺖ
ﻭﺧﺪ ﻓﺎﻃﻤﺔ ﺇﻟﻠﻲ ﺍﻟﺒﺪﺭ ﻓﻴﻪ ﺍﻳﻤﺎﺭﻱ
ﻭﺃﺑﺴﺎﻡ ﻓﺎﻃﻤﺔ ﻟﻮﻥ ﺍﻟﺤﻠﻴﺐ ﺍﻧﺴﻴﺖ
ﻭﺟﺒﻴﻦ ﻓﺎﻃﻤﺔ ﺑﺎﺭﻕ ﺃﻣﺰﺍﻥ ﺑﺪﺍﺭﻱ
ﻭﻏﺜﻴﺚ ﻓﺎﻃﻤﺔ ﺍﻧﻬﺰﺕ ﺍﻳﺠﻲ ﺗﺴﻠﻴﺖ
ﻭﺟﻴﺪ ﻓﺎﻃﻤﺔ ﺟﻴﺪ ﺍﻟﺨﻤﺎﺱ ﺍﻟﻀﺎﺭﻱ
ﻭﺑﻴﺎﺽ ﻓﺎﻃﻤﺔ ﻳﻌﻜﺲ ﻋﻠﻲ ﺍﻟﺘﺒﻬﻴﺖ
ﻭﺟﻮﻑ ﻓﺎﻃﻤﺔ ﻳﺮﺩﺡ ﺭﺩﻳﺢ ﺃﺷﻮﺍﺭﻱ
ﻭﻋﻘﻞ ﻓﺎﻃﻤﺔ ﻳﻮﺯﻥ ﺃﺑﻼﺩ ﺣﻜﻴﺖ
ﻭﺟﺴﻢ ﻓﺎﻃﻤﺔ ﺃﺳﺒﻂ ﻭﻫﻲ ﺑﻴﻄﺎﺭﻱ
ﻭﻣﺸﻲ ﻓﺎﻃﻤﺔ ﻣﺸﻲ ﺍﻟﺤﻤﺎﻡ ﻋﻨﻴﺖ
ﻭﺃﻛﺴﺎﺀ ﻓﺎﻃﻤﺔ ﻭﺍﺭﺓ ﺇﻟﻠﻲ ﻣﺘﻮﺍﺭﻱ
ﻭﻧﺴﺐ ﻓﺎﻃﻤﺔ ﻣﺸﻬﻮﺭ ﻗﺎﺏ ﻭﺻﻴﺖ
ﺍﻭﺩﻱ ﻓﺎﻃﻤﺔ ﻃﻴﺒﻚ ﻋﻠﻴﻚ ﺳﻬﺎﺭﻱ
ﻭﺍﺻﺪﺍﺭ ﻓﺎﻃﻤﺔ ﻛﺬﺍﺏ ﻛﺎﻥ ﺍﻧﺠﻴﺖ
ﻃﺎﺭﻱ ﺣﺴﻦ ﻟﻘﻄﻊ ﻭﺑﻠﻬﺎ ﻃﺎﺭﻱ
ﻟﻲ ﻓﺎﻃﻤﺔ ﻧﻄﺮﻱ ﺍﻟﻠﻪ ﺩﻋﻴﺖ
ﻭﺣﻖ ﻣﻦ ﺍﻣﺼﻮﺭ ﻓﺎﻃﻤﺔ ﺻﻮﺍﺭﻱ
ﺟﻤﻴﻊ ﻣﺎﺣﻜﻴﺘﻪ ﺍﻑ ﻓﺎﻃﻤﺔ ﺣﻘﻴﺖ
ﻣﺎﺯﺩﺕ ﻣﻦ ﻋﻨﺪﻱ ﺍﻣﻨﻘﺺ ﺩﺍﺭﻱ
ﻣﺶ ﺣﻘﻬﺎ ﻓﺎﻟﻮﺻﻒ ﻣﺎﻭﻓﻴﺖ
ﻣﺠﻨﻮﻥ ﻓﺎﻃﻤﺔ ﻻﻣﺎﺃﺗﻘﻞ ﺍﻗﺪﺍﺭﻱ
ﻣﺘﻔﺎﺧﺮ ﺑﻜﻮﻧﻲ ﻓﺎﻃﻤﺔ ﻏﻠﻴﺖ
ﺟﻨﺐ ﻓﺎﻃﻤﺔ ﻛﻞ ﺍﻟﺒﻨﺎﺕ ﺟﻮﺍﺭﻱ
ﺍﻧﻜﻨﻬﻦ ﺃﺭﻣﺎﻡ ﺍﺗﻜﻮﻥ ﺟﺎﺑﺮ ﺑﻴﺖ
ﻣﺎﻧﻲ ﺍﺻﻐﻴﺮ ﻓﻲ ﺍﺗﺨﺎﺫ ﻗﺮﺍﺭﻱ
ﻓﺎﻃﻤﺔ ﻗﺮﺍﺭﻱ ﻭﺍﻟﻜﻼﻡ ﻧﻬﻴت
>>>>>>>>>>>لبييييه يا دكتور سفيان
اشكرررك من كل قلبي
️
️
2017-10-31, 12:19 AM
المواضيع المتشابهه للموضوع: سجل حظورك بأبيات من الشعر
العرض المتطور
الدرهم المغربي مقابل عملات الخليج