.
كثر المواصل فالهوى ماهو بزين
ودك بخلـك بيـن مـده ومــده
لان البنادم ما ترك طبعـه الشيـن
لا حب له شي وشبع منـه هـدّه
لكن لامنه جاك من حين لي حيـن
قـدرت جياتـه وقـدرت صـدّه
فإن قلت ابيك وقال ماهوب ذالحين
لا تبلشه يمكـن ظروفـه تحـدّه
اصبر عليه ايام وشهور وسنيـن
وان كانـه يـودك وكانـك تـودّه
وخلك لمنه اعطاك ما تطلبه ديـن
ماجاك منـه اخـذه ومـارد ردّه
ولاتسوي مثل ناس(ن) مساكيـن
اصلك وفصلك فالهـوى لا تعـدّه
الحب مايعـرف قبيلـه ولا ديـن
نكس حكومات(ن) وكسر أشـدّه
جاووه عقال(ن) وراحو مجانيـن
وكم واحد(ن)خاضه ولاهو بقـده
يقولها اللي جاحد(ن) علته ليـن
سم الهوى حالـه وبيـح بسـدّه
هذا كلامي وانت بتشوف بعديـن
والله ان تميز بين مزحـه وجـدّه
https://youtu.be/wcF8PWCFJfA