سجل حظورك بأبيات من الشعر

•
يعـنـي عـشـان أنــا غـلابـه مســاكـيـن
ولاعـشـــان أنــــا نــعــاف الـقـطــاعـه

صـحـيــح حــنــا ما مـلـكـنـا مـلايــيــن
لــكــن بـحـمــدالله مـلـكـنـا الـقـنـاعـه

يا طيب شخصٍ ليا حس بغيابك يجيك

ولاجاك كنه يقول إني وفي من وفاك

اللي يدينه ليا من طحت تقضب يديك

واليا وقف ماتفاخر عند هذا وذاك

ترى الوفي في غيابك لو حكوا يحتميك

وفمزارق الطيب وعلوم الوفا مانساك

واحقر بشر من يضحك بك ويضحك عليك

وإليا زعلت وصدمته قال لك من غلاك

شخصن ينقصك عند الناس مايشتهيك

والله مايشتهيك ولادرى عن سماك

إعرف هالاشكال لو تثقل عليها تجيك

بعض الاوادم يحبك لاعطيته قفاك

ومن يحترم رفقتك ويصونها مشتريك

هذا تحطه قدم وجهك ولاهو وراك

ومن يوصلك بد خلق الله وجا ينتخيك

لو ماهقى فيك هقوة ماتعنى وجاك

إفزع ومن حط هقواته بفعلك يبيك

توقف معه واشتره بالروح يومه شراك

لامت محدٍ خويك لا ابن عم وشريك

ما راح تاخذ سوى اعمالك وذكرك معاك

‏أحياناً أحتاج شخص أوصف له كل التفاصيل الي أشوفها بالأشياء بدون مايجيني شعور اني اسبب الملل له.

.
.

ليه الحظوظ العامره للرديين
وحظوظ من يوفون دايم رديه

اضحك واجامل واكثر الناس دارين
في حالتي ماهي عليهم خفيه

من شاف له مجنون قال: يامسكين
وأنا اقول بهمس: لااا وا هنيه


.
.

سمّار .. والحزن اشترانا من النوم
جمّع امانينا الشوق ... ومقرها الريح

من يومنا وافواهنا ... تجهل اللوم
نسكتْ لو ان الوقت شرهه وتجريح


...

‏ياموزعين٠الهرج٠بين الاجاويد
‏هذا ٠تسبونه٠ وذا٠تمدحونه
‏وهذاك مابه خير وهذاه صنديد
‏وهذاك٠روحو له٠وذا لاتجونه

من وين لك هذا الكلام المعفرت يا شموخ

__________________
كيف يارب ندير من الي خلتني بحال خطير

ٰ
‏أحـذر من اللي ينقل الهـرج لعـداك
‏يظهـر لك الطيـب وهــو منه معـدوم
‏.
‏قـلـبـه مريـض ويخلـط السم بدواك
‏يعـرض عليك الراي والراي مسـمـوم
‏؛

بعض الجروح تروح في ظرف ساعـه
وجروح تبقى لين تقضي على الـروح

الأولـه فيـنـي عليـهـا استطـاعـه
و الثانيـه تحدنـي لأخــر الـبـوح

احيان احس انـي بصبـري شجاعـه
واحيان احس أن الصبر ضيف ويروح

.

عشق الفضاء حريه الطير لا ضاق ,
...... و انا بلا جناحين وش عاد اسوي ؟

.. ضايق و اشوف الحال ما عاد ينطاق
لا الارض توسعني ولا الجو جوي

...