|
كنت احب الناس والشي الجديد
وصرت احب الصمت اخاف انطعن وصرت مدري وش يضر وش يفيد ما ابي اغلط ولا ادفع ثمن |
زاحمتني الاشواق اليك مهرولة
وضاقت على دربي الخطوب الهائمات سألت العائدون من درب الهوى عن قوافي العشق والشوق والاهات اخبروني ان المكلوم منا ضررا لن يضاهيك حنينا للمجهول الجنبات |
وابحث عنك بين نجوم الليل
اتراك شاهد حروفي ام ترى الجفن اسدل الستار |
تهاتف الكلام في الصدر معللا
وتخاطبت الحروف عله يجيب وصرت كمن تحادث طيفها وبات الصدى مجيبي بدل الحبيب |
كل حرف ٍ لك كتبت وكل حرف ٍ لي قـريـت
فيه شي ٍ من عناي وفيه شي ٍ من غلاك في غيابـك يا حبيبي يا كثر ما قلت لـيـت ويا كثر ما قيل عني في غيابك وش بلاك ..؟ |
أنا بنام .. ولهفتي في.... حناياي تصبح على خير وعسى الله يصونك تركت لك طيفي وشوقي.. وذكــراي سولف عليها.. لين ترقد.. عيونك |
حنانيك يا سيدي
فقد ضعت في الصحاري ابحث عنك لا نجم السما دلني عن مكانك ولا نسيم الهوا حمل عطرك بامانيك |
لاتشتكِي للنّاسُ مَهمااا تألمّت
النّاس ما تدري عن القَلب وشفيہ حفظت دَرس مِن الزمَان ۅتعلمّت محد يِحس بـالجَرح غير راعيهہ |
إليا شكيت أشكي على جيّد الحيل
اللي كسر صلب العظام وجبرها يقطعك دنيا كلبوها عراقيل ترمي على النفس العزيزه قشرها ما تآسم ألا فالرجال الحلاحيل بيض الوجيه مكرمة من خطرها عامٍ ورا عام ، وجيلٍ بعد جيل وشيوخ قوم ما بقي غير أثرها ومجالسٍ فيها دلال ومعاميل صدت ورا البيبان محدٍ سبرها عقب الحطب والنار والبن والهيل اليوم يآرثها بخيلٍ هجرها ياخوي أنا بعطيك للعلم تفصيل وأرسم لك الأهداف وأعرف قطرها الحنظله لو هي على جاري السيل تنقص حلاوتها و يكثر مررها ومجالس الأنذال والقال والقيل مثل السهوم اللي سريع خطرها انشد عن الأجواد ذبّاحة الحيل وأجلس مجالسها وساير ديرها النذل لا يلقى علينا مداخيل وسود الليالي لا تجي في نحرها واصل حبال مقطّعين المواصيل لين الليالي البيض يطلع قمرها خلك مع اصحابك بعيد المناويل لا تبدي أسرارك لمن يختبرها ترى أكثر الأصحاب قومٍ حناشيل ما عاد تعرف صوفها من وبرها إخذ الصحيح وكب عنك التعاذيل نصيحةٍ من شاعرٍ لك سطرها تجاربٍ ما هي هروج وتماثيل حكمة حكيم قالها واختصرها |
النذل لا يلقى علينا مداخيل
وسود الليالي لا تجي في نحرها بيض الله وجهك ،،،، سلمت يا ريفولينيو |
| الساعة الآن 02:37 AM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط