رغم الملام اللي .. بصدري جمعته
لو ترجع وتسأل من تحب قلت أنت

كل ما أرتفع صوت الأذان وسمعته
دعيت ربي يحفظك .. وين ما كنت

تقول ودي انام الحين واحلم بك
لكن اخاف انك بحلمي تجافيني

واقول وآنا الذي ميت على قربك
ياليت مره في أحلامك تناديني

اخاف اسولف وتاخذني شياطيني
واقول شي يحز فِ خاطري واندم

لا صار جرحي من الاحباب ياتيني
غمضت عيني وقلت لصاحبي ؛ تسلم !

أنتم صباح الخير و النور و الشوق
و أنتم صباح الذوق وأنتم صباحي

يسعد صباح اللي يتابعني ب ذوق
ويسعد صباح اللي للحين صاحي

ليت وقتي خطوتـه ..ترجـع ورا
ودي بذيـك السنين اللـي مضت

آه يا شخصن .. ليـا منـه طـرا
آبتسمت شـوي وعيـوني بكت !

شفت الزمن ، ف غيابكم عيّا يمر
قلت انتظر ، لو ما عطيتوني وعد !

غيبوا شهر غيبوا سنة غيبوا عمر
مكانكم ف القلب .. ما يملاه احد !

آسف لكل انسان خابت ظنونه ..
تعبت ارهن لأمزجتكم حياتي !

ما راح اكون اللي تبوني اكونه ..
بكون انا في رغبتي و امنياتي !

عالم بحاجة ذوق و شوية إحساس
والشخص تعرف بيئته من كلامه

المحترم لو كان ضايق من الناس
إتكلمه و يكلـمك .. بـ إحترامـه

جعل الغياب اللي ملا صدري جروح
يمطر على صدرك شقآ لين تدري

إنك ليا من غببت غآبت معگ روح
وإنگ ليا من جيت يرتاح .. صدري

فقدتك ، والشعور بـ غيبتك .. مفجع
ندهتك : ' وين أيّامك ' .. أودّيها ؟؟

تعبت آقول لك : ياخي متى ترجع ؟؟
متى ترجع ، تحسّ بـ عبرتي فيها ؟؟