على الهون يا سود اليالي تراني ماش
ونفسي من ظروف الزمن باح خافيها
عيوني على حظي وحظي طريح فراش
والآمال ما ندري على وين تاليها

يّ اللي ذكرت الهجر وَ تحدد المهله
لآ ماتروٌوم الهجر لو قلت لي رآيم
الهجر لآ تحسسّب أنه مساله سهله
الهجر يجرح خفوق العآشق الهآيم

الله يمسي كل الاحباب بالخير
يسعد لياليهم ويسعد مسـاهم
ياالله يـا معبـود يارازق الطيـر
ريح خـواطرهم وزود هنآهم

ما اشوف غيرك لجل أحبه وأخليك
أعميتني ياروح روحي عن الناس
تستاهل أحبك وتستاهل ( اغليك )
وأحساس حبك ماخلق مثله احساس

قالوا حبيبك يسمع الشعر قلت أيـه
يقـراه بعيونـي قبـل تسمعونـه
لولاه حتى طاري الشعر ما ابيـه
مير أكتبه من شان خاطر عيونـه

ترى غريب الدار بكره يروح
مهما تصاعب غربته سهله
ما به غريب الا " غريب الروح
لا حس بالغربه وهو وسط أهله

الطيب ما يملى عيـون الردييـن
لو ويش ماسويت طيب ورسلته
الثوم لو يغسل بـ عود و رياحين
له ريحةٍ .. ما تختفـي ، لو غسلته

يمه وانا ادري كل م قلت يمه
تصغين في كل الأحاسيس يمي
في ذمتي لو تطلبين العمر ذمه
لقول لك يا قرة العين سمّي

ناسٍ تحب وحبها دوم ماغاب
وناسٍ بكت بغياب منهو تحبه
ياكم خفوقٍ بالغدر عاش منصاب
وياكم عليلٍ بالهوى خاب طبه

جيتك خفوقٍ كله آمـال وأشـواق
تكمل معـه مشـوار حـبٍ بديتـه
جيتك وزرع الحب ضامي ومشتاق
ليتك من أنهـار التلاقـي سقيتـه