غلاك عانه وسم في داخلي وسمه
مكتوب فوق الوسم ( اغلا مواليفي )

منت اختياري ولكن صرت لي قسمه
الله كتب لي احبك ماهو بكيفي

اثقل ديون الطيب دين الجماله
وألذ طعم الطيب طيب المواقيف

وازكى دروب الطيب درب العداله
وابرز صفات الطيب رد المعاريف

واللي تجمل فيك باغلى حلاله
لاتتركه لا عارضته الصواديف

ترا الجزاله مالها الا الجزاله
والمرجله قد قيل تبغا تكاليف

لاتصير خبلٍ راس ماله خباله
لا مكرمٍ نفسه ولا مكرمٍ ضيف

وبيتن سمعته جاء بقافي مجاله
قد قيل قبلي من رجالٍ عواريف

ياعل رجلٍ نظرته دوب حاله
يعيش عمره بالعنا والتحاسيف

الطيب يبقى للنشاما دلاله
ورجلٍ بليا طيب ماله مواليف !!
‏الناس نوعان /

منهم من يتذكر أنك فعلت من أجله الكثير فيحترمك ..

ومنهم من يتذكر أنك فعلت من أجله الكثير فيستغل طيبتك .


،،

لك مكآن لو عرفته مآهنى نومك وطآب
ولك حنين في فؤآدي من لهيبه آحترق

إن بغيت آكتب شعوري آنقفل للبوح بآب
ولآذكرتك بين نآسي غآب فكري وآنسرق

ميّل هنيّا مر في حدب الأضلاع
تقهو لك فنجال من فايح الشوق

ريح الغلى فيني مثل ريحة القاع
لا عاث فيها ماطر الغيم من فوق

ولع رماد الشوق يامعذبي نار
من كان يحلم باشتعال الرمادي
ما كنت احسب انه يكون اللقا حار
لين التقينا واشبكتنا الايادي

لاغبت عني دمعة العين تبكيك
وان جيت يمي خافق القلب حياك
موج البحور ونسمة الليل تغليك
وشلون مايغليك شخص تمناك

مؤلم ان تحب ثم تخلص ثم توفي

ثم تجد مايجعلك تخاف ان تنكوي فتفقد كل شي

على حر المشاعر وش بقى يا صدري المهجور
نساك الود وعروقك جفاف(ن) مالها والي

تمادى الليل بعيون السهر يالخاطر المكسور
وانا مملك من الماضي سوى همي وغربالي

مع ذاك الحنين اللي سرى في ظلمة الديجور
شحب وجه الزمان اللي بغيت ولا تهيالي

يطول الصمت ماحرك على بيض النوايا سطور
و انا مهما {’ تناسيت الزمن ’} لابد يطرالي

ياشين مس الشوق في كبد مشتاق
مثل الجمر لا شـبْ من تحت دلّـه

يبطي به العاشق من الشوق مافاق
ويحــط فـي كبــده ثمانيـــن علـه