|
آه يا قربك ويا بعد المسافة....
اقرب من القرب لكنك بعيد ..... أنت عمر صب في عمري جفافه.... نصف نار ونصفه الثاني جليد.... |
حرام أنا و إنتي نضيع بمتاهات
نبني من الأوهام جسر الأماني حرام أجيك من بعيد المسافات و أعزف لك العالم بصوتي أغاني و أرسم لك الدنيا فنونٍ و لوحات و نص الطريق نشوفها شكل ثاني ملف عمري تاه بين الملفات يا بنت أنا إنسان وقتي نساني ضيم و قهر يا بنت في كل الأوقات و إن ذقت راحه في حياتي ثواني و إنتي حياتك غير لذه و طربات ما صابك اللي صابني في زماني أرجوك انسي ما مضا و كل ما فات لو كنت بعيونك أنا اليوم جاني |
ياقلب ادري فيك ضايق ومغبون
ولاعاد باقي دمع تقدر تهله اصبر وهونها على النفس وتهون وتذكر " الخيره بما اختاره الله |
أنا بـجـو (ن) وكـاسي (ن) جـوي الـنـو ولا ادري متى يصفي من النـو جـــــوي شـلو الفـؤاد وفي حشـى الروح خـــلــو هـم (ن) يـهـف هـف بـي وهـم (ن) يـضـوي على عـذابي في المحـبـة تـــجـــرو اللي مود (ن) لي سعى لي بــسـوي ماينفع المـزعوط كلمة أفاا ولـــــو اذا صرت في حكم القـدر وش تـسـوي |
أبتسـم خل صدرك وسيــع
الجرح في حالتك ما يراعي - عيش يومك مـع العالم جميع أفرح ترى ما للحـزن داعــي .. |
تجري بنا الدنيا و الاقدار تجري
والعمر مثل الشمس تشرق وتغرب ٰ نغتر في قولة ترى العمر ، بدري واعمارنآ تنقص ، والآجال تقـرب ... |
كل البشر دوني وخلفي وحولي..
محدٍ عطيتـه بالغلا نص ما جاك .. |
تعاند وأعاند ونارٍ ف الصدر تكوي
عمرك ماغلطت وقلت انا الغلطان! الأيام تمضي وتطوي عمرك وعمري أنا انتظر وأنته تكابر وحبنا الخسران |
لا شفت روتينك تكرر ومليت
لا تنطوي للوقت والوقت كافر قص التذاكر واترك الهم فالبيت وخذ الجواز ولا تعلم وسافر |
أشوف فـ عيونك غناتي عن الناس
وأحس في قلبك دفا الكوون كلــه |
| الساعة الآن 10:50 AM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط