مسافر لمراكش وابي فزعتكم يا مزاعيط تكفون

السلام عليكم اخواني انا اول مره اسافر للمغرب وابي فزعتكم بالنسبه للسكن في مراكش .... حنا خمسة أشخاص وبنجلس عشرة أيام وحاب تفيدوني بالنسبه للسكن بناصل لمراكش بتاريخ 2 شهر 1 2013.... فيه ناس قالولي انهم يمدحون ( منتجع بيلا روزا ) وفيه واحد قالي فيه منتجع جديد اسمه ( روزي ) فاتح له ستة شهور ... اخوكم عليمي بالمغرب وابي نصيحتكم وانا عارف ان الجميع فيهم الخير و البركه... اهم شي عندي الامان بالنسبه للضيوف وثانيا المكان يكون نضيف ويشرح الصدر... وبالنسبه للميزانيه نقدر ندفع لحد 3000 ريال سعودي بالليله ... والي يقدر يفيدنا بالنسبه للسياره بما إننا خمسة أشخاص يبلينا سياره تشيل خمسه بكم يكون سعرها بالسواق ويكون السواق مجرب وامين واخلاق ونفسه طيبه وياليت ولا عليكم امر تفيدوني بالارقام بالنسبه للسكن والسواق علشان اتواصل معهم وبيض الله وجيهكم يا أرقى مزاعيط بالدنيا.. انتظر ردكم أخواني شكرا