رد: للأسف ايدينا أوكتا .. وفونا نفخ .. ( للنقاش .. )
شكرا رابح شكرا اخواني وخواتي الاعضاء
اسمحولي ع الرد وهو يعتبر راي لي ...
الاستغلال موجود
في مطعم
زيادة طلب او وضع طلب مماثل لي طلبك بس يكون الثاني اغلي وانا مدقق عليها وصارت لي بكذا مطعم مع ارجاع المبلغ
و قرص اذن اللي سواها مش عشان احد عشاني انا واحترامي كا ون وعدم تكرارها ...
في السكن
حقوق كثيرها ابسطها تنظيف بعد ما يخلص الاحظ دفع مبالغ او ان هم يطلبون دراهم و هنا ما تجداله ولا شي تخبر الاداره او المسؤل عنه مره مرتين ما تتكرر هذا الشي ...
الكافيهات
طلب موجود بلمنيو اعرف سعره و شف اخر المنيو فيه ضريبه حقت السيرفس احسبها ودقق في حسابك ترتاح و تكون على علم
ايضا لاحترام شخصك من اللاعيب ...
هذي هي اهم الاماكن للسائح نجي ليش تتم النصب والاستغلال ...
1 - انت و لباقتك واسلوبك تحكم المكان تجي فوضوي ومتكابر ومسوي فيها الوليد تحمل عواقب ما يحدث لك ...
2- اعرف خصمك من الاول عشان تعرف تحكم امورك لان تتفق مع شخص ويجي شخص اخر وتضيع السالفه ترجع فوق راسك ..
3- اعرف هدفك وش من وجودك بهذا المكان ناس تجي بس المكان الفلاني فيه وفيه ولما يجي يكون عكس ما سمع ويبدا بامور
تتسيأ له من تذمر و عدم المصداقيه خلاف اللي في مخيلته ...
4- احترم نفسك انا كررتها في سردها في اكثر من نقطه لان للاسف الكثير الكثير يجي وهو ناسي نفسه من ادب واحترام
وتعامل يا اخي الكريم كيف تبي اللي يخدمك ,, يخدمك بصوره حسنه
مثلا صغير حدث معاي
مصطفي اللي كان في مطعم اسماعيل الان هو في مطعم القلعه تبع المؤيد علاقتي معاه رسميه بكل ادب واحترام لذاته
اجي القلعه القاه زحمه وفي ناس ينتظرون واسلم عليه انتظر ثواني يحوس الجلسات ويقربهم يم بعض واجلس انا واصحابي واطلب واكل ولا يطلب
درهم واحد وحتي لو عطيته يرد علي بلحرف الواحد نحن في خدمتك حشوما ,, اخذ فكره طيبه عكس لما اجيه بسوالف خايبه وتعامل
اخيب ما راح القى الاحترام ولا حتي الاهتمام ...
السائح الخليجي
اسمحولي يكون من صغره يسمع عن البخشيش و يكبر وهو يسمع عنه لكن تطبيقه ع ارض الواقع خطا
مثال في مصر
اول سفره واخر سفره وصلنا يم الجوازات وكان ورانا شاب خليجي جاه واحد امشي امورك ولا عطاه مبلغ طيب وش سوا ذاك
راح دخل مكتب وطلع وراح يم راعي الجوازات عطاه الجواز واشر ع الشاب ومشا في حال سبيله والاخ برضوه واقف انا امتغضت من
طريقته واساله انت معطيه ع اي اساس قال عشان يخلصني من الزحمه قلت انت باقي بصف صار ع وجهه علامة استفهام
خلصت الجوازات وهو باقي بصف يعني راحت فلوسك يا باشا ...
عني و لا انكر اني من الناس اللي كان يسمع بلبخشيش
في سوريا عام 96 رحت انا والاهل و ادخل الجوازات واحط كم ليره بلجوازات واعطيها حق الجوازات خمس دقايق الا ينادي فلان بن فلا ن
فلان بن فلان ظابط اطول مني ومتعافي بصوت فيه زعل وانا اللي اجيه قال شو ما شو قلت وش اللي شو ما شو و يطلع الليرات
ويدخلني معاه داخل ويستلمني هذا الزمان ولا وانت لازم تحترم نفسك وعيب عليك والله يجماعه اني كنت في موقف احسد عليه
وتاسف منه وقلت هذا اللي نعرفه ونسمع عنه قال انتهي هذ الوضع ولو سمحت تكرار هذا الشي يعرضك للمحاسبه و الله ماقصر
خلص اموري وطلعت منصدم واحكيها للاهل وقال زين الله يكثرهم ...
في النهايه
انت من تحدد من تكون لا سائح اوروبي ولا سائح خليجي انت تحت مظلة السائح اعرف وجهتك و مطلبك تعرف اللي لك واللي عليك
وارجو من الاخوان النصح لاخوانهم اللي في هذا الحال (( راعين البخاشيش )) انتم تقتلون جمال المكان والدوله وتحرمون من هم
بعدكم من الاستمتاع في رحلتهم بهذه الطريقه كم وكم شغله تصير والله انها تقهر لكن اسال الله الهدايه للجيمع ويكون عندهم
وعي و ثقافة السائح و ايضا البصيره في كل خطوه يخطوها ....
اسمحولي ع الاطاله ولكن من حرقت القلب والله اتكلم
محبكم
تش تش