|
انتبه وانا اخوك !!
يسعد لي مساكم
اتمنى تفهمون موضوعي بنية طيبة وصادقة قبل لا ابتدي :) شدني كثير القسم الجديد (( التواصل بين الاعضاء المسافرين )) وفيه نقطة معينة حبيت اني احذر الكل منها !! بأذن الله كل الموجودين فيهم الخير والبركة وعيال ناس وثقات بإذن الله ولكن المثل يقول اللي مايعرفك يجهلك !! ويا اخواني الشخص منا اذا حب يسافر يختار من ( زملائة الخاصين ) البعض وليس الكل هذا دليل ان السفر مو شي سهل ولا بسيط !! ويقال دائما .. ماتعرف صاحبك الا بالسفر !! ويقال .. أمن ولا تخون !! نصيحتي لكل الاخوان الموجودين الحرص الشديد في حال حب يتواصل مع اي شخص خارج الانترنت بشكل عام واولهم انا !! لا تاخذكم الحماسة والاستعجال واحيانا ( الوطنية ) والحمية وانت خارج بلادك !! خللك في حالك ورتب امورك قبل سفرك وخذ احتياطاتك من وإلى وريح بالك ... ولو حصل مثل مايقولون صدفة خير خير من الف ميعاد ساعتها لكل حادث حديث !! ارجع واقول انشاء الله والف نعم بالجميع لكن الحرص واجب ، هذي نصيحة من اخ محب لكل من يتواجد بهالمنتدى الطيب :) |
نصيحه ذهبيه يا ابو لدغه ..
|
كلمك ياابو لدغه كله عين العقل وهم شي في السفر انك تختار الصديق الصدوق ويعطيك الصحه ابو لدغه على النصيحه الماسيه |
صادق يا بطل
كلامك عين العقل |
الف شكر اخوي ابو لدغة وكلامك صحيح وآمر بخير
|
كلامك سليم وعين العقل يابو لدغة,,, يارجل اذا طلع معك واحد تعرفة هنا وجربتة بالسفر يتغير عليك وممكن تصير بينكم خلافات لان في السفر ينكشف الصديق الصادق من الكاذب,,,,فما بالك واحد لاتعرفة ولا عمرك شفتة وتخاوية!!! لذلك فعلا أمن ولا تخون ويحرص الواحد يكون اللقاء في البداية في الاماكن العامة والتعرف بالتدريج ثم يحدد يايخاوية يا الله يستر علية,,, كلام من ذهب وتشكر علية أبو لدغة,,, تحياتي وأشواقي,,, |
ماقلت الا الصدق
الشخص هنا يختفي وراء معرف مجهول وعلى ماقالو ما للناس الا الظاهر والاكيد ان كلامك عن خوي السفر 200% صحيح وحتى لو كان اقرب اخوياك لابد من اختلاف في وجهة نظر او حدث او غيره فرباط الجاش مطلوب خصوص في السفر والتصرف بحكمه وعدم الانقياد وراء الكلام قبل التأكد على العموم نصيحه من ذهب يجب على الجميع وانا اولهم الاخذ بهاا شكر ابولدغه ويعطيك الصحه |
مشششكككككككور على النصيحة
|
كلام روعه حبيبي اهم شى فى السفر الصاحب بس ماينع انك تتعرف على احد فى السفر وتكون المعرفه فى حدود كفى ولا مطعم
|
يعطيك العافية اخوي ابو لدغة ولا ازود على كلام الربع الا عسل وسمن .. لا كن في حاجة ابي لتكلم عنها وهي مهمة حيل .. دائماً نحن الاشخاص بـ حريتنا الكاملة نعطي للآخرين فرصة للدخول على عالمنا أو مساحاتنا الخاصة طبعاً اكيد بـ موافقتنا فـ لما فلان من الناس أتعرف علية وأكتشف من خلال جلستي معاه انه ماهو مناسب ممكن أقطع الحوار وأعتذر بـ أي عذر وأغير المكان اللي انا فية .. بـ وضح أكثر .. بداية عام 2004 كنت خارج المملكة للدراسة .. وكنت ما اتكلم عربي الا اذا تواصلت مع اهلي با التلفون طبعاً عشان اتعلم .. وأحياناً أقابل أشخاص وإحنا في المسجد نصلي الجمعة مثلاً ويكون في غداء ومحاضرة وتجمع ويسألني انت من وين واصرفله من كولومبيا ليش تجنباً للمواقف هذي .. اللي صار اني تعرفت على شخص سعودي وما أكذب عليك كان أحد اهم الاسباب اللي خلتني اتعلم اللغة .. الآن يمثل لي أكثر من أخ وأزودك من الشعر بيت بعد ما رجعنا من الدراسة عمري ما طلعت خارج المملكة الا وإحنا سوا .. فـ اللي بقوله خلك ريلاكس وأعط الامور حقها الشخص اللي يبيك لـ ذاتك بيوضح علية .. واللي يبيك بـ مصلحة بـ يوضح علية .. وأنت اللي تقيّم الامور .. شاكر لك موضوعك الرائع وأنا معاك قلباً وقالباً لاكن أعطي مساحات محدودة للناس اللي حولي وبـ موجبها أكتشفهم .. اللي يسوى يسوى .. واللي ما يسوى فرقاه عيد .. أكرر شكري وأعتذر عن الاطالة تحياتي |
| الساعة الآن 03:46 AM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط