عـــــــافــــــــــاك ابــــــــــــابــــا

اوكي توكي · 2013-01-04T00:58:27+00:00

واحد السيد هو ووليداته والزوجه دياله خرجاو يديرو واحد النزهة بالكتكات ديالهم وعلى غفله طلع ليهم واحد الراجل الشارف وبقى كياشر ليهم وقف الأب وسوله : اش باغي ؟ قال له : انا المال وباغي نطلع معاكم مراته قالت ليه ايوا خليه يطلع را محتاجين ليه معانا را هدا الفلوس والوليدات كيزاوقو في اباهم : [COLOR="Red"]عافاك أبابا عافاك ابابا[/COLOR] قال ليه اباهم صافي اطلع ومشاو يكملوا طريقهم و عاود تاني كيوقفوهم واحد الجوج راجل ومره وهو يسولهم اش باغيين ؟ قالت المرا : انا السلطه وقال الراجل انا المنصب وباغيين نطلع معاكم الاب مابغاش قالت ليه مراته شكون اللي مابغاش المنصب والسلطه ؟ وهدوك وليداته كيغوتو : [COLOR="Red"]عافاك أبابا عافاك ابابا[/COLOR] وهوما يطلعوا معاهم 00 كمل الراجل طريقه وعاود تاني يوقفه واحد الراجل الشارف وقف ليه الاب وقال ليه اش كون انت ؟ قال ليه : أنا العمل الصالح 00 وهو يقول ليه اطلع قالت ليه مراته [COLOR="Black"][/COLOR] : ماعندنا ماندير بيه دابا غادي يزاحمنا ويزيرنا 0والوليدات كيقولو لباهم [COLOR="Red"]عافاك ابابا عافاك ابابا [/COLOR] 00من بعد 00 من بعد -كمل الأب طريقه وهو يوقف ليه واحد الراجل المخيف فوسط الطريق ومعاه واحد الفردي وقف الراجل بز منه سوله الأب اش كاين ؟ قاليه هداك الراجل الموخيف كتقلب ع واحد الراجل سميته العمل الصالح واش كاين معاكم ؟ جاوبه الأب : لا ماكاينش غير احنا عاد تلاقينا معاه وبغى يجي معانا غير احنا اللي مابغيناش نطلعه دابا نرجع نجيبه لك راه قريب لهنا 00 قال ليه الراجل الموخيف : صافي اهبط را النزهة ديالك اتسالت هبط الاب وبقى كيغوت : را عندي الدراري!! را عندي الزوجه !! را عندي الفلوس !! را عندي السلطه والمنصب !! أشنو صحب ليك راسك ؟ قال ليه هداك الراجل اللي كيخلع : هدا الشي كله مغينفعك00 الأب هو يتلافت للكتكات دياله ومايلقى غير مراته جلست فبلاصته وكتسوق الكتكات هازه كل شي معاها بقى كيعيط عليها احبسي احبسي وهي تشوف فيه وتقول له مايمكنش مشات وخلاته سول الأب هداك اللي كيخلع : اش كون انتا ؟ جاوبه : انــــــــا المـــوت !!!!!!!!

سلاوية الخاطر

عـــــــافــــــــــاك ابــــــــــــابــــا

المشاركات: 12,577

تاريخ التسجيل: Mar 2012

الدولة: بينـ ضفتــي وادي أبي رقــراقــ

2013-01-04, 07:50 PM

المشاركه #11

رد: عـــــــافــــــــــاك ابــــــــــــابــــا

وليتي برطال او حديدان تتعاودلينا فالخرافات ههههههههههه
ولكن تبارك الله عليك شارب هدرتنا , عرفتي انا فهمت كلشي وبقيت تنقول شنو هي داك الكتكات هههههههههههة
حتى الاخير عاد فهمت باللي تتهدرت على كات كات الطونوبيل

ايوا الدنيا ما دوم , كلشي كيمشي كيبقى غي اش درتي ابنادم

الله يحسن خاتمتنا السي اوكي توكي

ومرسي

__________________
.

الوقت الذي تستمتع باضاعته ، ليس وقتا ضائعا

التعديل الأخير تم بواسطة سلاوية الخاطر ; 2013-01-04 الساعة 07:52 PM