يا طيبة القلب .. وين القلب وداني
العـذر مكـتـوب لاصــار الخـطـا مـقـري
آسف على ضحكتي وآسف على احزانـي
خـطـاي مـعــذور والا غلـطـتـي عـــذري
و مـرارة العـذر فـي قلبـي وفــي لسـانـي
مدري وش اللي ذكرت وضاق به صدري
مــدري وش الـلـي نسـيـت ولا تناسـانـي
لبسـت انــا ثــوب لاطـولـي ولا قـصـري
ياطيـبـه الـقـلـب ويـــن الـقـلـب ودانـــي
سنتيـن مـن عمرهـا مـرت ومـن عمـري
سنتـيـن احــس الـزمــن فـيـهـا تـعـدانـي
سنتيـن مـرت حيـاتـي مــن ورا ظـهـري
والـحـب سجـنـي ومسجـونـي وسـجـانـي
والشعـر مطـرود مـن قلبـي ومـن فـكـري
سنتيـن مانـي ب انـا مـانـي بـاحـد ثـانـي
غنـيـت للـنـاس والدنـيـا عـلــى خـبــري
والشعـر فـي دفـتـري مـغـرور وانسـانـي
غنـيـت لـلـحـب يـــوم عيـونـهـا تـغــري
يــوم الـوفــا والـكــلام الـطـيـب الـحـانـي
غنـيـت للـدمـع يــوم أن الـبـكـى كـبــري
واليـوم انـا اكبـر مـن دموعـي وحرمانـي
اليـوم ماعـاد يمـدي الـلـي جــرح يـبـري
مـلـيـت كــثــرت خـطـايـاهـم وغـفـرانــي
مليت انـا الشعـر مـل الشعـر مـن شعـري
ملـيـت انــا الـحـب مــل الـحـب وجـدانـي
و لو هي عليه عزيز النفس مـن صغـري
مـا شـاور القـلـب فــي كـرهـي لعـدوانـي
ان رحــت ياكثـرهـم وان جـيـت ياكـثـري
ضاقـت بـي عيونهـم لــو كـنـت وحـدانـي
تعـبـت وازريــت ماملـيـت مــن صـبـري
لـيـت الـــذي راح مـنــي كـثــر مـاجـانـي
احيـان ودي اطـيـح مــن التـعـب وازري
تشـيـلـنـي عــزتــي وســلــوم جــدانـــي
__________________
العنيدة
ومن الدلع كل شي سويته بـ إنج ـآز !
حتى التمغط !
تشوفه فينّي مميْز
حَـضنئَ وحـضنـتهَ والوٍِلعَ شـَيِـِنَ
2013-01-07, 11:08 PM
المواضيع المتشابهه للموضوع: يا طيبة القلب .. وين القلب وداني
العرض الشجري
الدرهم المغربي مقابل عملات الخليج